عاوز اشترى عربية برودوا كانشيل موديل 2008
 

السلام عليكم
مساء الخير على كل المشاركين فى هذا المنتدى الرائع.
احب اوجة سؤال للمشاركين فى هذا الموضوع .
انا امامى سيارة برودوا Perodua Kelisa موديل 2008 بمبلغ 50 الف جنية وانا بصراحة مستصغر العربية دى اوى بس هى هيدروماتك والشباب كلة داخل على المنتديات بيشكر فى العربية دى اوى مش عارف العربية دى اختارها ولا هيونداى i10 ولا atos ولا الكيا لانى بجد محتار جدا وخايف من قطع الغيار بتاعها لانى سألت لقيت قطع الغيار بتاعة العربية دى مش موجودة الا فى دمياط بس .
فالرجاء الرد من اللى عارفين هذة السيارة او مالكيها .
ودى صورة العربية للى مش عارفها
http://www5.0zz0.com/2009/04/30/23/122121712.jpg

رد: عاوز اشترى عربية برودوا كانشيل موديل 2008
 

انا اول مرة اعرف العربية دي الصارحة

رد: عاوز اشترى عربية برودوا كانشيل موديل 2008
 

من رأيي طالما وصلت للتمن دا فالهيونداي i10 تبقي افضل
الكليسا حلوه بس بصراحه مستكتر عليها 50 الف جنيه
و الاتوماتيك في العربيات الصغيره دي بصراحه ما بيبقاش كويس
انا عموما مش بقتنع بالاتوماتيك اقل من 1600 سي سي
و من 10 سنين مكنتش اقتنع باتوماتيك اقل من 2000 سي سي .
فيه عربيات 1300 شاذه و الاتوماتيك بتاعها كويس و ما تحسش بيه زي الكورولا و الياريس.
لكن 1000 سي سي بصراحه صعب اني اتقبلها

رد: عاوز اشترى عربية برودوا كانشيل موديل 2008
 

معلش يا حازوم اتركلي الميكروفون
بص يا باشا
العربيه البردوا في منها موديلين نزلوا
موديل اسمه كانشل و موديل اسمه كليسيا
الكانشل دي في منها ماتورين
ماتور 650 سي سي و متور 850 سي سي و الاتنين 3 سيلندر
اما الكليسيا فهيا 1000 سي سي 4 سيلندر
نيجي نتكلم على الكانشل الي هيا مع اخويا
عربيه مفتريه بمعنى الكلمه مع انها 850 سي سي و كاربيراتير و موديل 98
لان ماتورها ماتور الدايهاتسو الميرا يعني متور الياباني ماتور مفتري
و في منها اتوماتك زي بتاعت اخويا و تحفه العربيه دي 150 و 160 كيلو و مافيش مشاكل
اكيد الكليسيا الي هيا 1000 سي سي انجكشن و 4 سيلندر و موديل 2008 اكيد عربيه محترمه و جامده و برضه واخده تصميم الدايهاتسو و متور الدايهاتسو
طلعه العربيه جامده و المتور مفتري مفتري مفتري و الله العظيم جريت بعربيه اخويا لحد ال 160 جنب عربيه فيكترا راس براس طبعا هو قطعني بعد كده اتبخر من قدامي و عفره ولاد ابو اسماعيل دخلت في عيني
قصدي ان برضه ماتنساش انها عربيه صغيره
قطع غيارها منتشره في دمياط بغباء مرطرطه عند البقالين و عند كل الناس و اسعارها تمام
في القاهره ماعرفش ناس يشتغلوا فيها بصراحه
يا رب اكون افتدك

رد: عاوز اشترى عربية برودوا كانشيل موديل 2008
 

على يددددددددددددددددددددددى .... الراجل ده بيقول كلام زى الفل واخرها يوم الجمعه اللى فات بعد الصلاه لما قابلتك وانت طلعت حته طلعهانا بصيت ورايا بقول مين اللى نزل دمياط بكورفيت ولا موستانج اتارى عيشو كان بيفترى على الغلبانه الكانشيل وهى ياعينى ولا اتالمت

يا باشا مفيش كلام يتقال بعد اللى قاله عيشو بس فعلا العربيه دى بتستحمل بطريقه فظيعه والكليسيا مغرقه دمياط ..... اتكل على الله بس اللى حضرتك بتقول عليها دى كسر زيرو ولا ايه لان الزيرو اتوماتيك ب57900