|
خرط وش السلندر (هل هو بدعة مصرية)؟؟؟
السلام عليكم انا عندى عربية بيجو 405 برستيج أنجيكشن وعندى صوت تكتكة كده بيروح وبيجى بس مش مأثر فى حاجة معايا الحمد لله سواء سحب او اكل زيت او دخنة ولما روحت للميكانكى قالى لازم وش السلندر يتغير ويتركب وش سلندر فبريكة لم يتم خرطه يتفك من على موتور ويركب عند فقط يتم تغير أولسيهات الصباب عشان مش تهبب ,(طبقا لاستشارة 2 صنايعىة لكن اللى بتعاملم معاه اولهم) وسبب قوله انه مينفعش اركب وش مخروط او مقشوط زى ما بيقولوا انه لما بيتم خراطة الوش او قشطه بيتم ازالة نسبة من جسم وش السلندر واللى بيترتب عليه تقليل المسافة اوا لابعاد داخل الموتور وغرف الاحتراق داخله واذا تم تركيب الوش على هذه الحالة مع استعمال جوان وش سلندر واحد هيؤدى لقلة عزم الموتور ولو حاولت اعوض الفارق بتاع النسبة اللى تم ازالتها فى خراطة الوش من خلال تركيب 2 جوان وش سلندر فوق بعض معا هيخلى العربية تسخن وهى دى المعلومة اللى توصلت ليها لما قالى فى البداية انه لازم وش إستندر متلعبش فيه نهائى ولما روحت اتاكد منه فعلا أكد ما سبق ذكره وقالى انه الخواجات عملوا المواتير بابعاد لو قلت او زادت بتأثر بالسلب على الموتور والعربية كلها وكمان ذكر حاجة انه غلط انه يتم خراطة وش السلندر ونه اذا كان فيه عيب من سخونة او خلافه فلابد من تغييره باخر استيراد متلعبش فيه وللعلم انا روحت لاخرين ذكروا لى انه العيب فى البلوك نفسه وانه فى بستم سايب جوه الشيمز واخر قالى بنز بستم واخرين قالوا لى انه عربيتى مش بيتزبط لها تاكيها وانه تاكيهاتها ضغط هواء وانها بتتزبط لوحدها واخرين قالوا انها عادى بيتزبط لها تاكيهات وانا روحت لبتاع تاكيهات عشان يزبط العربية عشان صوتها مكانش عاجبنى وبعدها العربية مش بقت مظبوطة ودخنت دخنة سوداء واتزبطت بعد ما عمل التاكيهات عند شخص تانى ومن 10 ايام لما حبيت اشوف الصوت ده من ايه روحت لواحد بتاع تاكيهات كشف عليها قالى انه التاكيهات مظبوطة ومش محتاجة ظبط وانه الصوت ده (دليل خفيف , بنز بستم ) واراء اخرى بتقول دى صبابات هى اللى مسببة صوت الكركرة اللى بيعلى ويوطى ده فى انتظار تعليقاتكم |
رد: خرط وش السلندر (هل هو بدعة مصرية)؟؟؟
50 مشاهدة ولا يوجد رد واحد؟؟؟؟
|
رد: خرط وش السلندر (هل هو بدعة مصرية)؟؟؟
صوت التكتكه فقط فى أول الدوارة الصبح ؟؟ بيبقى الكستبانات بتاعت وش السلندر (التاكيهات) صوتها عالى بسبب طرنبة الزيت ضعيفة او نوعية الزيت او عمرها خلاص قرب
لكن عموما بنتغلب على الموضوع ده بحل مؤقت تغيير الزيت وممكن تحط معاه إضافة زيت البستم اللى فيه بنز هتلاقى العربية مبرجلة معاك وبعد كدا دخنة الصبح وفى العادى ده غير تعريق البوجيهات انما شوية تكتكه الصبح عادى معظم لعربيات الالمانى والفرنساوى كده بالنسبة بقى للخراطة : ممكن تقشط الوش يدوووووووب يساويه عشان يرجع يركب تااااانى على الجوان الصااااج فقط جوانات عادية او جوانات دوبل يبقى بالسلامة وفى الحالتين لازم ميكانيكى شاطر وخراط شاطر مش شغل تحت السلم انتظر لما المكنة اللى معاك تجيب آخرها وهات مكنة استيراد نضيفة هتفرق كتير لأن ساعات برضو بتفتح المكنة تلاقى مصاريف كتير انت فى غنى عنها والأختيار يرجعلك اولا وأخيرا وطبعا مفيش أحسن من انك تصلح موتورك (وجهة نظرى شخصيا ) |
رد: خرط وش السلندر (هل هو بدعة مصرية)؟؟؟
لا طبعا دا في العالم كله
|
| الساعة الآن 12:23 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017