مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   عالم تأمين السيارات (https://www.masrmotors.com/vb/forumdisplay.php?f=61)
-   -   مقارنة شركات التامين فى مصر (https://www.masrmotors.com/vb/showthread.php?t=11088)

asaadte 28-07-2009 12:03 PM

مقارنة شركات التامين فى مصر
 
دى مقارنة لاغلب الشركات فى السوق المصرى
عملتها فى اخر ابريل 2009 لما جيت أأمن

الاول هاشرح بعض المفاهبم

اهلاك قطع الغيار : نسبة تخصمها شركة التامين نظير استهلاك بعض قطع الغيار المعتاد فى حالة تغييرها فى الحادثة ، بمعنى ان بعد سنتين العربية عملت حادثة ومطلوب تغيير جزء ميكانيكى له عمر افتراضى فيها زى المساعدين او الدبرياج ، فشركة الامين مش هتدفع تمن واحد جديد بالكامل ، بل تخصم جزء من الثمن
تكلفة الاخطار : تكلفة تدفعها للشركة عند ابلاغك لهم بالحادث
تكرار المطالبة : يعنى حدوث اكتر من حادث فى السنة وبالتالى معناه انك بتحقق خسائر عالية ليهم وده ممكن يؤدى لزيادة القسط السنة الجديدة ، او رفض الشركة لتجديد الوثيقة
عدم المطالبة : عدم وجود مطالبة خلال السنة للشركة
نسبة التحمل : نسبة من قيمة الحادث يتم سدادها بمعرفة صاحب السيارة
المسئولية المدنية : تعنى وجود تغطية ضد حدوث تلفيات بممتلكات اخرى او سيارات اخرى تسببت فيها
معدل سعر الدمغة : من 6 الى 7 % من قيمة القسط وليس قيمة السيارة
يعنى لو معدل القسط 3.5 %
والدمغة 6 %
ثمن السيارة 50000 جنيه
القسط = 3.5 % X 50000 = 1750
الدمغة = 6 % X 1750 = 105
القسط شامل المصاريف = 1855 وهوة ما يجب سداده
واهم حاجة انك تقرا الوثيقة قبل ما تمضى عليها لان ده حقك
اليانز جابولى ورقة مكتوب فيها جدول المزايا وقالوا ان دى الوثيقة ، انا قلت له لا ، انا عايز الوثيقة كاملة ، ردوا وقالوا ان اما وثيقتى هتطبع هاقراها براحتى ( طبعا هكون سددت والدنيا بح ) قلت لهم : ده عقد بينى وبينكم ، ازاى امضى على عقد قبل ما اقراه
ويا ريت كل واحد يعيد الاكد من الشروط دى تانى قبل ما يعمل التامين لانى لقيت فى نفس الشركة ناس بتقول شروط وناس تانية بتقول شروط تانية وساعات ناس بتحاول تكدب


الدلتا للتأمين
السعر : 3 % + الدمغات + تحمل 4 % من ثمن السيارة
التغطية : حريق ، سطو
تكلفة الاخطار : لا
اهلاك قطع الغيار : حسب ما يحدده خبير المعاينة وغالبا بين 10 الى 20 % لكل سنة وقد تزيد
نسبة تحمل عند تكرار المطالبة : لا
الاصلاح فى التوكيل : ممكن بدون خصم
الونش : حد اقصى لتكلفته 50 جنيه
الحصول على خصم من قسط السنة التالية فى حالة عدم المطالبة : لا
المسئولية المدنية : 10000 جنيه حد اقصى ممتلكات وعربيات اخرى
نسبة الهلاك الكلى : 50 %
مندوبة الشركة دى قالت ان الشيك بعد اسبوع او عشر ايام
معاينة الحادث بعد 48 ساعة

كونتاكت
السعر : 3.75 % + الدمغات +
التغطية : حريق ، سطو
تكلفة الاخطار : لا
اهلاك قطع الغيار : لا
نسبة تحمل عند تكرار المطالبة : 15 % من ثانى مطالبة ، 25 % من ثالث مطالبة
الاصلاح فى التوكيل : ممكن ، هما اللى بيحاسبوا
الونش : نعم


الموضوع انا كنت كتبته فى منتدى تانى ، وحبيت اكتبه للناس الحلوين :260309~146:


mahmoudnada80 28-07-2009 07:19 PM

رد: مقارنة شركات التامين فى مصر
 
شكرا للتوضيح ptmnlo123per112
بس في شركات تانيه كتيرptmnlo123per118

تامين سيارات 31-07-2009 01:12 PM

رد: مقارنة شركات التامين فى مصر
 
موضوع جميل بس ياريت يكون عندك معلومات اكتر عن شركات التامين لو عاوزنى اساعدك اخبرنى انا عندى معلومات افضل و محدثة عن جميع الشركات

عموما انا من شركة قناة السويس الى احب انى انصح بية اسال جيداا عن الشركة الى هاتامن فيها اقراء وثيقتك جيداااا ثم سدد لو اختلف الكلام لا تدفع نقود

اهم من الاصدار هوة التعويض اسال عن تعويض الشركة الى هاتامن فيها من اصدقاء او معارف و خبرتهم فى حالة التعويض

اخيرا يوجد اكثر من شركة محترمة فى مصر تؤدى خدماتها باتقان لا تاخد ذنب شركة باخرى افهم تحملات الوثيقة جيداا سواء 4 فى الالف او التحمل الاجبارى

asaadte 01-08-2009 07:07 PM

رد: مقارنة شركات التامين فى مصر
 
اقتباس:

المشاركة الأصلية كتبت بواسطة تامين سيارات (المشاركة 63768)
موضوع جميل بس ياريت يكون عندك معلومات اكتر عن شركات التامين لو عاوزنى اساعدك اخبرنى انا عندى معلومات افضل و محدثة عن جميع الشركات

عموما انا من شركة قناة السويس الى احب انى انصح بية اسال جيداا عن الشركة الى هاتامن فيها اقراء وثيقتك جيداااا ثم سدد لو اختلف الكلام لا تدفع نقود

اهم من الاصدار هوة التعويض اسال عن تعويض الشركة الى هاتامن فيها من اصدقاء او معارف و خبرتهم فى حالة التعويض

اخيرا يوجد اكثر من شركة محترمة فى مصر تؤدى خدماتها باتقان لا تاخد ذنب شركة باخرى افهم تحملات الوثيقة جيداا سواء 4 فى الالف او التحمل الاجبارى

لو حضرتك تحب تضيف حاجة انا اغفلتها
اهلا وسهلا

ssalem 14-08-2009 04:27 AM

رد: مقارنة شركات التامين فى مصر
 
أهلا بيك يا أستاذ عمرو
ياريت تعطينا فكرة عن مميزات شركة قناة السويس علشان تعم الفائدة على الجميع
وانا عن نفسي جبت عربية جديدة ولسه ما امنتش ولو اقنعتني بمميزاتكم انشاء الله هامن معاكو
انا لغاية دلوقتي الكل مرشحلى كونتاكت
ارجو الافادة وجزاك الله خيرا


الساعة الآن 07:31 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017