|
كارثة أسمها الموتوسيكل الصينى
منذ نزول الموتوسيكلات الصينى للسوق المصرية
وأصبحت كارثة بعد مهزلة التوكتوك ابتلانا الله بها لتصبح وسيلة قتل بدلا من النقل!! ان من يعمل فى المستشفيات يدرك جيدا حجم هذه الكارثة المرعبة وكمية الشباب الذى يفقد روحه أو جزء من جسده! يوميا قتلى ومصابين ان حوادثها تخطت حوادث السيارات وقتلاها أصبحوا ككقتلى الحروب الاهلية وعصابات الشوارع ما هذه الفوضى التى تحدث فى مصر دون رقيب! معظمها لا يحمل لوحات وأنضمت لقائمة طويلة من الجرارات الزراعية ذات المقطورة والتوكتوك الملعون! الشباب والصبية يقودون الموتوسيكلات بمنتهى التهور والجنون والازعاج بالكاسيتات المزعجة ويا ويل الاطفال الذين يصابون يوميا تحت عجلات الموتوسيكل الطائش والفاعل مجهول بدون عقاب! الكارثة فى الريف والقسط جعل كل منزل تقريبا به واحد يقوده أصغر أفراد الاسرة ويرتكب به الحماقات وأحيانا يزهق الارواح الى أين نخطو مع هذا الانفلات ؟ رحمتك يارب!! أين المرور؟ بيشطر على السيارات المرخصة وبس خلاص بقينا فى غيبوبة صحيح الحكومة اللى بتأجل الدراسة وبتحاول تخفف الكثافة فى الفصول وتقلل عدد أيام الدراسة خوفا من الانفلونزا عندها غيبوبة ومش واخدة بالها ان الدراسة والكثافة وصلت الى 100 طالب فى حق فى أوكار الدروس الخصوصية |
رد: كارثة أسمها الموتوسيكل الصينى
ايه حكاية الموتسكل الصينى !!
وازاى الموتسكل سواء صينى ولا غيره ميكنش ليه ترخيص ؟ |
رد: كارثة أسمها الموتوسيكل الصينى
مش كفاية بس الحكومة تمسكهم المفروض يكون فى دور اجتماعى
من ايام عندنا فى عين شمس كان فيه جامع جديد بيتبنى قدام محطة المترو المزدحمة دائما بالتكاتك وكانت الخرسانة بتتصب جاهزة فكان لازم ماكينة الصب تتحرك براحتها والشارع فاضى طبعا فيه ناس كتير مشيت من نفسها بس الباقى كان هشهم (زى الذباب) سهل جداً و3 انفار بس قامو بالمهمة اللى اقصد اقولة ان الناس لو استشعرت الخطر الحقيقى فى الحاجات ديه هى اول ناس هتيبدها تماماً بس للاسف المتوسيكلات ديه بقت وسيلة انتقال اساسية لملايين من الناس اللى على قد حالهم وعايزين يروحو اشغالهم برضو من غير بهدلة وزل المواصلات والتكاتك ديه حلت ازمة مواصلات فى اماكن كتيره مش بيخشها التاكسى باشا علشان سوء حالة الطرق على فكره انا مش بدافع خالص وانا صدقنى طالع عينى من الاتنين ومش ببطل خناق معاهم فى الرايحة والجاية بس فى نفس الوقت شايف ان ملهاش حل لان ديه ظاهرة مبنية على مشكلة على مشكلة على مشكلة وهلم جرا احنا محتاجين اعادة اعمار |
رد: كارثة أسمها الموتوسيكل الصينى
المشكلة ليست فى الموظفين والصنايعية الذين يقودون الموتوسيكلات كوسيلة للمواصلات وقضاء الاعمال ولكن فى الصبية والشباب المتهور الذى يستخدمها كوسيلة للاستعراض والفتونة واللف على الفاضى والمليان
ومسالة التكاتف والحد من المخاطر بعيدا عن الحكومة مستحيل لاننا شعب سلبى ولانرتدع الابالعقوبة والقانون وحكاية التوكتوك والموتوسيكل خلفها كبار جنوا الاموال على حساب المواطن خلف ستارة المستوردين الذين يجلبون لهذه البلد المسكينه كل مايزيدها قبحا وتخلفا ومرضا وموضوع أن التوكتوك حل مسألة المواصلات والشوارع الضيقة كان من الممكن أن نستورد سيارة صغيرة أو نصنعها وتكون أكثر أمانا أو حتى فان صغير على غرار السوزوكى وكفانا قبحا وتراجع |
رد: كارثة أسمها الموتوسيكل الصينى
معلش انا عايز اعرف اه الحل المشكله مش باسيته
|
| الساعة الآن 04:27 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017