صنى ولا سيراتو ..ارجو المساعدة
 

السلام عليكم جميعا .. انا بقالى اسبوع قاعد فى الموقع ده بعد ما عترت فيه بالصدفه و انا بدور على معلومات عشان ناوى اشترى زيرو. انا معايا كرسيدا 93.
اولا انا انبسطت من الروح الجميلة بين الاعضاء اللى لو وجدت ع الطريق مفيش حادثة واحدة هتحصل :) بالاضافة للخبرة العالية اللى الواحد بيكتسبها من زمايله فى المنتدى ..المهم مش هطول

انا عايز عربية زيرو 2009 هشتريها من هنا (السعودية ) ان شاء الله اتوماتيك 1600 سى سى و غالبا فل اوبشن. المطلوب فيها تكون:
1. اصلاحها سهل و قطع غيارها متوفرة و رخيصة فى مصر
2. اقتصادية فى البنزين
3.صالونها مش ضيق
4.عوامل امان كويسه

علما بأنى :
1. انا مش شبابى و ماليش فى الجرى و الحبشتكانات بسوق بالتزام وباهتم بعربيتى فى المعقول
2.انا ساكن فى اكتوبر و العمل قد يستدعى يوميا النزول الى القاهرة او السفر يوم ف الاسبوع 200كم رايح
3.السعر رانج 40000 ريال او يزيد يعنى تدخل مصر بعد الجمارك 100000ج او يزيد.

و عشان اسهلها عليكم انا لقيت المتاح:
1.الياريس اكتر شويه من الامكانيات دلوقتى
2.السيراتو عربية شكلها حلو بس مش يابانى و معرفش ايه يحصل فى التوكيل بعد نصير (الله يرحمه) و ماعرفش اسعار قطع الغيار
3.الاكسنت صرفت نظر عنها بعد اللى سمعته عن غبور
4.الصنى كويسة بس حاسس انها شوية صغيرة
5. لانسر لاقى الناس كلها راكبينها مش عارف ده ميزه ولا عيب

اخيرا هل من ناصح بحاجة تانيه : سكودا فابيا -جين2-كيا ريو

ارجو منكم مساعدتى باسرع وقت ممكن(و جزاكم الله خيرا )

* كل سنة وانتم طيبين العيد على الابواب .. و تقبل الله منا و منكم *
<!-- / message -->

رد: صنى ولا سيراتو ..ارجو المساعدة
 

شوف يا باشا أنا مثلك أعمل فى السعوديه ! بس شهر شغل هناك وشهر أجازه فى مصر !

و ده أعطانى ميزه انى أقارن بين هناك و هنا ! الخلاصه و بعد قراءة موضوعك فأنصحك

بشراء السياره من مصر ! ولتكن مثلا هيونداى النترا ! واسعه و مجربه و مش شبابى قوى

و قطع غيارها فى كل حته ! ( ملحوظه : أنا حاجز نيوسيراتو ) بس ترشيحى ده بناء

على معطياتك !

Dr. Bolbolan :waving:

رد: صنى ولا سيراتو ..ارجو المساعدة
 

انا انصح حضرتك بالصني
عربيه محترمه وتستحمل وقطع غيارها متوفره وبسيطه قوي
وانا حاجز نيسان صني سوبر صالون
وانا بجد مش بنصحك بيها علشان حجزها او علشان هاجيبها
لا
بس بجد ده اختيار بعد 4 شهور دراسه << الواد دريس قوي يعني ده مش بيفتفح كتاب
المهم
هاقرنلك علي قد دخبرتي انا مجيش حاه عجمب عمالقه مصر موتورز الصراحه
المهم هاقرنلك بتفكيري يعني ا لبسيط
الهويداي حلوه وجميله وسمعت عنها كل خير بس قلت حاجه عربيه مش متوفر فيها اوبشن غير ب 118 جنيه مومش فيها غير abs يبقي حرام غيرانها كوري

اليارس انا شخصيا مش بفضلها لانها خفيفه وكمان هي متنسبشي حضرتك انت قولت مش شبابي وهي شبابيه قوي

لانسرانا كنت متنع بيها زي حضرتك وهي تناسبك بس بردوا الفول اوبشن منها ب 120الف وكمان مش فيها غير abs

نيجي للصني

اعلي فه فيها السوبر صالون ب 106 الف وبالفصال هاتوصل ل 105 من التوكيل
وفيها كل الاوبشن بالاضافه ل abs / ebd / وكمانحاجه تانيه كده للفرامل
وكل الاوبشن الي في تيوتا كرولا متوفره فيها
زي انطواء المرايات بالكهربه وكمان واسعه من جوه


اتمني لحضرتك حسن الاختيار
وربنا يباركلك فيها

رد: صنى ولا سيراتو ..ارجو المساعدة
 

dr. bolbolan شكرا جزيلا على نصيحتك .. الالنترا كتير بيشكروا فيها و شكلها حلو بجانب وجودك فى السعودية بيخلى نصيحتك واقعية بالنسبة ليه .. بس انا لسه قدامى سنتين تلاته و انزل مصر و كنت بافكر اجيب زيرو هنا ينفعنى بدل اعطال المستغمل و هيبقى مواصفات خليجى وعلى ماانزل يقل جمركها شوية بجانب انى ممكن انزلها فى الاجازات بدل الشحططة ولا ايه رأى حضرتك ؟
بس فيه نقطتين لو سمحت : اللى بيتقال عن توكيل غبور للهيونداى يفرق معايا ف حاجة؟ و السعر انا لسه بعد العيد هنزل المعارض اسأل(انا فى المنطقة الشرقية ) لكن هل حضرتك عندك فكرة كام للالنترا فل اوبشن هنا؟ اعتقد اكتر شوية من امكانياتى انا لغاية 40 -42 انا كنت بافكر فى الاكسنت لانى اعتقدت انها فى رانجى.
و اخيرا شكرا ليك يادكتور على وقتك و نصيحتك.

رد: صنى ولا سيراتو ..ارجو المساعدة
 

Dr.Mohammed شكرا جزيلا على ردك على استفسارىز و رأيك محل تقديرى خصوصا انك هتشترى و درست الامور كويس.الصراحة انا مرضيتش احط انطباعاتى فى سؤالى عشان الرد يبقى محايد بس حضرتك قرأت افكارى . انا برضك مش هاضم الياريس و مش متشجع للانسر و اميل للصنى .بس الفرق ان حضرتك بتتكلم عن السوبر صالون بالتحديد و عن تمنها فى مصر و انا هاجيبها من هنا و باعمل حساب الجمرك و متهألى هتقع عليه اكتر من تمنها فى مصر .عموما بعد العيد هنزل اشوف الاسعار وابقى اخد رأى حضرتك. لييه بس سؤال بما ان حضرتك درست , ايه الفرق بين السوبر صالون و الEX وفيه حاجه تانيه بيكتبوها صنى اف اى ؟غالبا انا بتكلم فى فئة صنى اصغر من سوبر صالون.
اخيرا شكرا لتعاونك و جزاكم الله خيرا