تسخين العربية قبل المشى بها ؟؟؟
 

انا عندى لانوس 1 موديل 99 ولو اتحركت بها مباشرة قبل ما تسخن بتبرجل منى و تبقى ملخبطة و السحب مكتوم ..هل لازم اسخنها وانا طالع الصبح و لو كنت راكنها و انا فى الشغل و جيت ادور علشان اروح ؟ و هل ده طبيعى فى الانوس ؟ يعنى مفيش حاجة غلط و محتاجة تغيير؟؟
واحد صاحبى سالته .. قالى ده طبيعى لحد العربية ما تسخن و الحساسات تشتغل بصورة طبيعة !!! برجاء الافاده .....و شكراً

رد: تسخين العربية قبل المشى بها ؟؟؟
 

هو الوضع مش طبيعى برضه

فهل عندك إستهلاك البنزين كبير بشكل ملحوظ

وهل فيه فى سيارتك حساس شكمان ( أى حساس أكسجين )

وياريت توضح وضع الحراره على المؤشر بعد سخونة المكنه وتحركك بالسياره
-----------------------

عموما

لو مفيش مشكله مواجهاك غير عملية التسخين

فسخن عادى

وده أفضل فنيا للمكنه بشكل عام

أنا من يوم ما جبت العربيه من 5 سنوات

وأنا لازم أسخن لحد مامؤشر الحراره يعلم معايا ويقرب من أول شرطه من تحت

رد: تسخين العربية قبل المشى بها ؟؟؟
 

المشكلة دى كانت عندى وموضوع التقطيع والسحب مكنشى طبيعي وطلع العيب من البوبينا واسلاك بوجيهات جديدة غيرتهم والامور اتظبطت الحمد لله فأحسن حاجة عشان تطمن تعمل اسكانر على السيارة وتشوف حالة الحساسات ايه

رد: تسخين العربية قبل المشى بها ؟؟؟
 

د\ة عادى جداااااااااااااااااااااا اكنك اول لما صحيت من النوم ينفع تشتغل لزم تشرب حاجة وتفوق العربية بردة عايزة دوستين بنزين علشان تفوق وتشتغل معاك زاى الفل الربيات الوحيدة الى مش بتحتاج الى تسخين هى عربيات الالمانى زاى مرسيدس وبي ام توقلى اشمعنة اقولك اللهه اعلممممممممممممممممم

رد: تسخين العربية قبل المشى بها ؟؟؟
 

باشا اعمل زى ما الكتالوج مابيقولك بالظبط الوضع الطبيعى تدور العربية وبعد 30 ثانية او دقيقة بالظبط تبتدى تمشى بالعربية على الأول على السلانسية لحد لما تلاقى مؤشر الحرارة بداء يتحرك وماتقرصش على الماتور وهو لسة بارد لانة بيأثر على البساتم وغير كدة كمان لو سيبتها تسخن وهى واقفة غلط دى مش لادا وتشد هواء الكلام الى احنا عارفينة لا التسخين على الواقف اكبر غلط لانى بيعمل كاربون على البوجيهات وبتبوظ وبتتطر تغيرها اهم حاجة اتبع تعليمات الكتالوج زى مابيقولك والله العربية حتعيش معاك وحتبقى زى الفل والمشاكل قليلة ان شاء الله
ملحوظة حتقول الكتالوج مش معاك لا موجود فى المنتدى على الصفحة الخارجية للمواضيع مشاء الله المشرف عامل واجب وزيادة كمــــــــــان