معروض عليا نيسان صني 2007 اكس صالون ومحتاج مساعدة ضروري ومبقتش فاهم حاجة
 

خلاصة الموضوع اني معروض عليا نيسان صني 2007 اكس صالون مانيوال المهم انها فابريقة جوه ورشه بره نضافة وصاحبها طالب فيها 62000 والعربية عاملة 58 الف كيلو المهم بعد اما خلصت وشفت العربية كشكل وعجبتني شكلا لنضافتها والصالون كمان كان نضيف الي حد ما المهم كلمت بتاع العفشة اللي بتعامل معاه قلتله الموضوع قالي العربية دي رينجها 58000 جنيه لاني الجديد منها ب 89000 وقعد يقول شوية كلام كده فقلتله دي عاملة 58 الف كيلو فقالي عادي ما ممكن بعشرين جنيه ينزل العداد المهم اما قالي كده اتجننت ودماغي اتلغبطت المهم اني حاسس اني السعر اللي قاله ده قليل علي العربية لاني نزلت السوق وشفت سعرها علي مواقع السيارات وبقيت مش فاهم حاجة فياريت الناس توضح سعر العربية في رينج كام وايه موضوع تنزيل العداد وازاي اكتشفه وياتري لو كشفت في بنزينه هقدر اكتشفه ؟؟؟؟؟؟؟؟؟؟؟؟؟؟

رد: محتاج مساعدة ضروري ومبقتش فاهم حاجة
 

سيبك منه...سيبك منه ولا تستخر احدا غير الله....لو عجبتك توكل على الله لان سعرها ممتاز بالنسبة للعداد ولو عاوز تتأكد ان العداد متلعبش فيه بص عليه وشوفه لو كان مفكوك او مزغبر من جوة يبقى ملعوب فيه وفيه اجهزة تقريبا بتكشف عن كدة

رد: محتاج مساعدة ضروري ومبقتش فاهم حاجة
 

لو شاكك فيها خدها اكشف عليها من الالف للياء
والسعر ده على الحاله ديه ممتاز

رد: محتاج مساعدة ضروري ومبقتش فاهم حاجة
 

مش عارف انا هاخد معايا واحد غيره النهارده وهنشوفها ولو الميكانيكي قالي انها تمام هاخدها بردو واطلع علي اي بنزينه ارفعها واتاكد ولو اني كنت افضل اني اللي يبقي معايا بتاع عفشة بس يلا ومستني بردو اراء الاعضاء اللي عندهم خببره في الموضوع جايز يكون مثلا فيه خطة اني الاسعار تنزل او نزلت ولا حاجة

متاااااااااابع

رد: معروض عليا نيسان صني 2007 اكس صالون ومحتاج مساعدة ضروري ومبقتش فاهم حاجة
 

بص يا برنس خلى حد يكشف بس يكون عندو ضمير ويفصله

رد: معروض عليا نيسان صني 2007 اكس صالون ومحتاج مساعدة ضروري ومبقتش فاهم حاجة
 

في مشكله في النيسان صني انها بتاخد بنزين اكتر من اي عربيه تانيه دا غير ان صوتها عالي اوي عشان سير الكاتينه بتاعها جنزير والحوض في الصني مش معزول لكن في التيدا معزول عشان جايه من اليابان والصني تقفيل مصري دا غير كمان واحد زميلي قالي انه كان جايبها جديده وكان فيها ترزيع جامد ورا ولما وداها التوكيل ظبطوهالو فاشوف الحاجات دي الاول وراجع عليها قبل ماتشتري

رد: معروض عليا نيسان صني 2007 اكس صالون ومحتاج مساعدة ضروري ومبقتش فاهم حاجة