مصر موتورز مجتمع السيارات - يوميات سيترونتى........ الـ AX

(مجهود جبار وشغل نضيف ومتقن ربنا يعينك وفى انتظار الصور النهائية)
متشكر جدا يا ابو حسين على كلامك الجميل ودعوتك الاجمل

---------------------------------------------------------------
(الله عليك يا حاج ايمن والله انا مش عارف انتا جيبت الصبر ده كله منين ربنا يعينك وانتا متأكد انك بيت عند حماتك يومين بس هههههههههههههه والله شكلها ما اقل من شهر ههههههههههه

بس بجد تسلم الايادي فعلا المرج بتطلع مواهب مطلعش ابو نورا بس وطلع الحاج ايمن كمان انا هعزل من عين شمس واجي اسكن جنبكم)
يا باشا ده شرف ليا ان حضرتك تشارك فى موضوعى وكمان تشجيييييع
انا مش طايق نفسى .......من السعادة اللى انا فيها ببشاير التعليقات والتقدير اللى لغاية دلوقتى كفاية عليا بل ده كتير كمان والحمد لله ان التعب ماراحش على الفاضى وعجب حد لأ ومش اى حد ده العضو الماسى المخضرم
corsair ولله الحمد الصبر عندى كتير من فضل ربنا (تحب ابعتلك علبه؟؟ ههههههه)
يا سيدى حماتى ست اطيب من الطيابه نفسها(ربنا يديها الصحة وطول العمر وحسن العمل) واليومين مش يومين يعنى لا ده حوالى اسبوعين من الجمعة للخميس اللى بعد الجمعة اللى بعدها
من 22/4 الى 5/5 واللى ودانى امبابة انى اكون جنب الصنايعية بنفسى لانهم قريبين جدا من البيت بالاضافة الى ان بيت والدى فى نفس الشارع يعنى كأنى فى بيتنا والحمد لله يومين وعدوا
على فكرة انا اصلا من امبابة بس قاعد فى المرج حاليا وبعدين المواهب دى لا من المرج ولا امبابة
المواهب دى من :Masr Motors
لانى من هنا اتعلمت وفهمت واتعرفت على كل الناس اللى ساعدتنى بعطائها وخبراتها
عشان كده دايما دايما دايما شكرا مصر موتورز بكل اعضائها
وشكلاا لحضرتك على مشاركتك
واستنى باقى الصور النهائية ان شاء الله