مصر موتورز مجتمع السيارات - تتصرف ازاى لو عملت حادثة ؟ لا قدر الله

مصر موتورز مجتمع السيارات (https://www.masrmotors.com/vb/index.php)

- موضوعات متميزة (https://www.masrmotors.com/vb/forumdisplay.php?f=122)

- - تتصرف ازاى لو عملت حادثة ؟ لا قدر الله (https://www.masrmotors.com/vb/showthread.php?t=1142)

رد: تتصرف ازاى لو عملت حادثة ؟

اقتباس:

المشاركة الأصلية كتبت بواسطة MosTafaFox (المشاركة 2360)

فيه حاجة كمان بصراحة عايز اقولها فيه ناس بتستغل فرصة الحادثة وتقبل تعويض حتى لو هيا مامنة على عربياتها وتسئلة ليه يقولك علشان يتعلم الادب طيب ده كلام يا جماعة المفروض اللى مامن على عربيتة مياخدش عوض والمفروض كمان زى ما بيحصل فى الدنيا كلها لا ياخد ولا يدفع وشركة التامين بتاعتة هيا اللى تدفع التعويض ولا ايه رايكوا

طبعا انا اتفق معاك فى رأيك
FLASHCar

رد: تتصرف ازاى لو عملت حادثة ؟

شكرا جدا على المعلومات

رد: تتصرف ازاى لو عملت حادثة ؟

احب انا ازود معلومة مهمة جدا يا اخوانا
انه اذا حصل لا قدر الله ربنا يبعد عنا الشر جميعا و خبطت حد اوعى تفكر تجري
لأ تقف و تنزل تشوفه وتاخده في عربيتك و تطلع بيه على اقرب مستشفى خاص
(بلاش الحكومة هتتعامل هناك معاملة غير ادمية انت و المصاب )
و اول و اهم حاجة تعملها حاجة اسمها محضر اثبات حالة
بتقول فيها انك كنت ماشي في طريقك
و هو اللي ظهر فجأة
و انك اتصلت بالاسعاف
و انك خدته في عربيتك
و جبته بنفسك للمستشفى
وانك مهربتش و لا حاجة
و لو قدرت تجيب معاك شهود على كده (شهود في صفك طبعا ) يبقى يستحسن
لأن من كتر اللي شفناه في المستشفيات ...ناس كتير ربنا يسامحها بتستغل الموقف ده و تتبلى على اللى خبطهم انه سابهم و هرب و دي عقوبتها السجن (رغم انهم هما اللي جايبنهم المستشفى فعلا) علشان يساوموهم على التعويض ( شغل المحامين اللي موش هاعلق عليه ) و ياما شفنا حكايات من دي كتير
و يا ريت لو تعرف دكتور تتصل بيه برده جنب الضباط و رجال القضاء هينفعك جامد
و ربنا يسلم طريقنا جميعا يا رب SLAM

رد: تتصرف ازاى لو عملت حادثة ؟

اقتباس:

المشاركة الأصلية كتبت بواسطة TAREK ZIAD (المشاركة 2382)

اللهم إحفظ الجميع .... الحادثة فى مصر .... و عن تجربة ..... بهدلة و قلة قيمة و دوخة على الفاضى ... و الغلطان زى اللى مش غلطان ... المهم تفتح مخك.... لكن لو معاك واسطة كله يسلك .... خارج مصر فى نظام ... لو حصل حادث لا قدر الله .... ما فيش خناقات ولا سباب .... فى ثوانى بتلاقى سيارة أو موتوسكل المرور وصل (دقيقتين على أقصى تقدير) و عاين و كتب تقرير بناء على ما شاهده مع أخذ البيانات ويطلب من الطرفين الذهاب الى قسم الحوادث لإستكمال الإجراءات فى الوقت المناسب لهما .... والتى غالبا ما تكون إجرائية لتحديد خسائر كل طرف و نسبة الخطاء لتقديمها للتأمين و إصدار ورقة الإصلاح (لكى تقوم بأى إصلاح فى أى ورشة مهما كان تافه .... لابد من ورقة مصدقة من المرور :w6w200504112236376d تخيلوا ....) يعنى فى نظام .... أما حادثة مصر .... فدى قصة طوييييييييلة و مملة ....

بالضبط هو ده اللي حصلي
كنت غلطان ميه بالميه مع فورنشنر
منزلناش من العربيات ولا اتكلمنا مع بعض اصلا
شويه وجه التامين
وفي ثواني مشينا

وده في السعوديه
اللي للاسف لسه المصريين بيقولوا عليهم بقر وبدو

رد: تتصرف ازاى لو عملت حادثة ؟

هو رقم اسعاف الطوارىء كام؟ والنجده كام؟