مصر موتورز مجتمع السيارات - وأخيراً نيو أكسنت "سبورت" ونولت

بعد السلام عليكم ، وأخيراً وبعد طول إنتظااااااار وصبر وحرقة دم من كل من ليه علاقة بتسهيل -آه والله المفروض تسهيل:red_face10:- اجراءات تعاقد وإستلام العربية ، ومن أكتر من حوالي شهر بشوية من يوم التعاقد استلمت امبارح النيو أكسنت 2010 سبورت مانوال فول أوبشن ...

وبجد لازم أقدم شكر واجب لكل من ساعدني هنا في المنتدى في اختيار العربية دي وكمان شكر خاص للي ساعدني في طريقة استلام العربية والحاجات الي المفروض هاخدها معاها وأشيك على إيه فيها بالظبط من أول الفحص الدقيق للعربية وخلوها من أي خدوش في البادي بتاعها أو الكشافات وخلافه من الفحص الداخلي لكل قطعة في العربية إلى استلام كل الأوراق والكماليات والملحقات وأهم حاجة وصلة USB :HAPPY_~211: الي من هنا في المنتدى ولحد ما رحت هناك في المعرض ناس نبهوني عليها لدرجة إن زبون كان قاعد هناك وقالي إنت هتستلم قلتلهم آه فقالي خلي باااااااالك من وصلة USB عشان أنا ماستلمتهاش من قريب ، ولما جيت أستلمها الي سلمهالي قالي خلي بالك مافيش معارض تانية بتسلمها على فكرة ومش بتتباع برة وكأن مثلا الوصلة دي المفروض لما الواحد بيستلمها يبوس إيد الي بيسلمهاله ويشيلها بجمـِيلة ...

وعشان بس ماطولش عليكم وكمان أنا في الشغل دلوقتي ، هخلي باقي حكايتي مع استلام العربية والتجربة الأولى الممتعة لقيادتها بعد فاصل قصير إن شاء الله ، كمان في مفاجأة استنوها في المشاركة الجاية هتفرح وتطمن كل الي عايز يجيب العربية دي أو الي بيستفسر عنها ، استنوني بعد الفاصل :CHUBBY~36: ...