|
ضبط السلانسيه
السلام عليكم
أنا دخلت فى مشوار العمرة اليومين اللى فاتوا, و الحمد لله أنا فى مرحلة التليين الميكانيكى و هو بيفك الموتور قاللى الكربراتير ده بايظ و عاوز يتصلح و فكهولى و رحت صلحته عند واحد مشهور فى شبرا و بعد كده قاللى سيرفو الفرامل بينفّس هوا , و برضه رحت أصلحه عند واحد بتاع فرامل. المهم من ساعت مسقط الموتور تانى فى العربيه, و الموتور مش منتظم فى الدواره, يعنى بيعلى و يوطى لواحده, كأنى بدوس بنزين و أسيب, و الميكانيكى راجع على تركيب الكربراتير لا يكون فيه هوا من التقفيل, بس لسه المشكله موجوده, أنا للأسف عندى عداد RPM خارجى و طبعاً المؤشر بتاعه بيرقص و هو بيقوللى ده بيرقص على طول و مش مقياس, و عاوز يقنعنى بالعافيه إن العربيه مضبوطه, بس و أنا ماشى بأحس إنها بتنط و ساعات بتفصل لواحدها. * تانى حاجه: التاكيهات أكيد إن شاء الله هأرجع له بعد التليين علشان يضبطها , أقولوا يعليها و لا يوطيها, لأن العربيه بتسخن منّى بسرعه جداً. جزاكم الله كل الخير |
رد: ضبط السلانسيه
اولا عملية عدم ظبط السلانسيه دى
بترجع لحاجات كتيره لكن السبب عندك اكيد فى عوامه الكبراتير مش مظبوطه ودا بيخلى فى بنزين زياده فى الكربراتير بيخلى العربيه تعلى معاك واما تنظبط تلاقى الموتور هدى مشكلتك فى العوامه ثانيا التكيهات لابتبقى مفتوحه ولا مقفوله بتبقى مسطره عشان لا تاكل زيت ولا تسخن العربيه وبعدين ريح العربيه وبعد الالف كيلو شد على مسمامير الموتور تانى واظبط امورك واشتغل يا كبير |
رد: ضبط السلانسيه
اقتباس:
تسلم يا محمد باشا, بس العوامه دى تضبيطها ممكن عند الميكانيكى و لا هأرجع لبتاع الكربراتير تانى؟؟؟ |
رد: ضبط السلانسيه
اقتباس:
وفى حاجه خطرت على بالى بمناسبة موضوع طقم اصلاح الفرامل جرب تدوس فرامل جامد والعربيه دايره وشوفها بتبطل ولا ظروفها ايه؟؟؟؟؟؟؟ لو بتبطل يبقى طقم اصلاح السيرفو هو اللى فيه الخلل ولو تمام يبقى العوامه هى السبب |
رد: ضبط السلانسيه
معلش يا أستاذ محمد , عاوز أعرف فى فترة التليين ينفع حد يركب معايا العربيه و لا لازم لواحدى, و بالنسبة للكبارى أنا لااااااااازم علشان أطلع كورنيش أو أتوستراد أعدى على كوبرى واحد عالأقل, ينفع فى المرحله دى و لا أحاول أبعد خالص عن الكبارى؟ لو ينفع أطلع عالغيار التانى برضه و لا أيه؟ عاوز شوية نصايح فى الفترة دى ربنا يباركلك, و كل عام و أنت بخير
|
| الساعة الآن 05:48 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017