مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   المرور والشهر العقارى (https://www.masrmotors.com/vb/forumdisplay.php?f=89)
-   -   سؤال في نقل ملكية سياره من محافظه لمحافظه اخرى (https://www.masrmotors.com/vb/showthread.php?t=67414)

mando800 10-09-2011 11:50 AM

سؤال في نقل ملكية سياره من محافظه لمحافظه اخرى
 
السلام عليكم
انا اشتريت سياره بعقد بيع مسجل
و كتبتها باسم زوجتي و هي من محافظه غير القاهره
العربيه مرور عابدين و المفروض تجديد الرخصه الشهر الجاي
اعمل ايه علشان انقل ملكية العربيه باسم زوجتي اللي عنوانها على محافظه تانيه
ارجو الشرح بالتفصيل الممل لاني اول مره اشتري عربيه

.
.
.
.

mr_astra 10-09-2011 12:51 PM

رد: سؤال في نقل ملكية سياره من محافظه لمحافظه اخرى
 
سهلة جدا يا باشا
اول حاجة انت اكيد اخت شهادة مخالفات من المالك القديم
وعلى افتراض ان العربية رخصتها سارية
هاتروح المرور التابع لية زوجتك ......يعنى الزوجة مكتوب فى البطاقة بتعتها العنوان تشوف انت بقى العنوان دة تبع مرور اية وتتجة الية مباشرة الساعة 9 الصبح
اول ما تروح المرور تشترى نموذج فحص
وتملى البيانات اللى فية
وتشترى طفاية لو ان العربية مفهاش طفاية
وتشترى مثلث وشنطة اسعافات لو مش موجودة ف العربية
مهندس الفحص هايكون لسة مجاش الشغل كالعادة
استغل الوقت دة بقى وروح ادفع تامين اجبارى من اى شركة تامين موجودة داخل المرور وانت ورحت هاتجدد سنة او 3 سنين بس تخلية وهو بيكتب البيانات بتاعة التامين الاجبارى تلفت نظرة انك بتنقل ملكية
وتروح تختم شهادة صلاحية الطفاية من الموظف المختص
دلوقتى تدور على العامل اللى بياخد البصمة وبياخد 5 جنية اكرامية
لو مهندس الفحص وصل بالسلامة تصبح علية كويس اوى وتديلة الدوسية بالاوراق عشان يمضى علية
تتجه الى الشبابيك وتديلة كل الاوراق هايطلعك ايصال سداد نقدية على حسب برضة سنة او 3 سنين
هاتدفع وترجعلة تانى يؤلك استنى هاننده عليك تاخد الرخصة وطبعا لازم المدام هى اللى تكون موجودة
اما فى حالة لو ان العربية لسة ارقام بس مش ارقام وحروف ليها سيناريو تانى ...............
بالتوفيق

mando800 10-09-2011 06:21 PM

رد: سؤال في نقل ملكية سياره من محافظه لمحافظه اخرى
 
الف شكر يا غالي
بس مش الاول فيه حاجه اسمها نقل الملكيه ؟
ولا اعمل الاجراءات دي بالعقد اللي معانا ؟ و بعد كده ننقل الملكيه ؟
المهم دلوقتي كمان ان العربيه رخصتها ساريه و مخدتش مخالفات من المالك القديم و النمر اللي معانا هي الجديده

abb 10-09-2011 08:43 PM

رد: سؤال في نقل ملكية سياره من محافظه لمحافظه اخرى
 
الموضوع ببساطه
الزوجه تعملك توكيل قياده والتعامل مع شباك المرور وكده دورها ينتهى وانتا تكمل بقيت اجرات النقل
2 تعمل فحص للسياره فى المرور اللى هيتنقل عليه وبيعملك مهندس الفحص رساله الى مرور السياره الاصلى بيطلب فيه مطابقه البصمه وتتختم
3 تروح الى المرور السياره بى ورقه الفحص وفى الدهر مكتوب الرساله بيراجع عليه ويرد بصحه البصمه ويختم وقبل ما تمشى بتاخد شهاده المخالفات
4بترجع المرور بتاعك وتسلم الاورق دى كله معها التامين الاجبارى والضريبه وصوره بطاقتك وعقد البع وصوره التوكيل وصوره بطاقه الزوجه +الاصل وتسلمهم فى الشباك
5 بيديك لوحه معدنيه جديده بس الاول بيخليك تسلم القديمه وبعد كده بلتوكيل اللى معاك بتستلم الرخصه انشاء الله

mr_astra 11-09-2011 09:11 AM

رد: سؤال في نقل ملكية سياره من محافظه لمحافظه اخرى
 
اقتباس:

المشاركة الأصلية كتبت بواسطة mando800 (المشاركة 510101)
الف شكر يا غالي
بس مش الاول فيه حاجه اسمها نقل الملكيه ؟
ولا اعمل الاجراءات دي بالعقد اللي معانا ؟ و بعد كده ننقل الملكيه ؟
المهم دلوقتي كمان ان العربيه رخصتها ساريه و مخدتش مخالفات من المالك القديم و النمر اللي معانا هي الجديده

اخى الفاضل انا قلتلك الموضوع بالتفصيل الممل والموضوع اللى انا حكتهولك دة هو تجديد ونقل ملكية فى وقت واحد ..........حضرتك اما بتروح لموظف الشباك بنموذج الفحص وشهادة صلاحية الطفاية والتامين الاجبارى بيطلب منك عقد البيع المسجل وبيطلعلك ايصال سداد نقدية تسددة فى الخزنة وترجعلة تانى وبعدها بتستلم الرخصة باسم المدام
وربنا يوفقك


الساعة الآن 08:04 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017