مصر موتورز مجتمع السيارات - عرض خصومات ابوغالى (على المصنعيات وقطع الغيار)

اقتباس:

المشاركة الأصلية كتبت بواسطة hazem_khidr (المشاركة 21207)

انا ما اعتقدش حبقي مستفيد
بس داخل احي المهندس وائل و المهندس حاتم علي العرض
و علي تعبهم في خدمه الاعضاء

شكرا يا حازم على ذوقك وتقديرك وده معروف عنك مش جديد عليك والله بس اذا كان حد يستحق التحية والشكر يبقى (سومو - والمهندس حاتم ) هما اللى تعبوا فعلا فى ترتيب العرض

اقتباس:

المشاركة الأصلية كتبت بواسطة ahmed_kamel (المشاركة 21208)

مجهود تشكروا عليه
بصراحه أنا يوم بعد يوم بحس إن أعضاء المنتدى دول أهلي - عيله واحده فعلا وبالتدريج بتعود عليهم مع أني لاشفتهم ولا كلمتهم مجرد مواضيع وردود ومناقشات عبر الكتابه فقط بس والله بقيت مدمن مصر موتورز ( كان عندك حق ياباشمهندس سامح) ptmnlo123per1127 )sam ram)

أنا مش حستفيد بالعرض برضه لأن عربيتي باسات وأبو غالي مالوش دعوه بيها
لكن الروح والمجهود اللي بيتبذل هنا فيه حب شديد لخدمة الآخرين قلما نجده هذه الأيام
تحياتي لأبو نورا والمهندس حاتم

والله يا احمد انت لمست اهم حاجة فى المنتدى بالنسبالى انا شخصياً المنتدى مبقاش منفذ لهوايتى فقط بقى مكان بشوف فيه ناس بحبهم وبحترمهم زيك وزى سامح وكل ما العلاقة ديه بتكبر كل ما ارتباط الواحد بالمكان بيكبر واحساسة بالالتزام تجاه اسرتة المصراوية بيكبر

اتمنى من الله اننا نجتمع دايماً على الخير ويديم بينا الحب والاحترام

اقتباس:

المشاركة الأصلية كتبت بواسطة lancer.style (المشاركة 21219)

انا كمان مش هستفيد من العرض

بس بحى كل الى بيساعدوا فى الرقى بالمنتدى و اعضاءة

و انا بحى تحية خاصة للاستاذ. للوائل و م.حاتم

و عقبال عروض مصرية مع انى مبروحش التوكيلptmnlo123per1105

اقتباس:

المشاركة الأصلية كتبت بواسطة AHMEDCAR (المشاركة 21226)

اللى الامام مصر موتورز

شكراً يا جماعة على التشجيع والردود الجميلة ديه بس حبيت اأكد على حاجة مهمة كنت اتكلمت فيها مع الناس فى المقابلة اللى فاتت بس المهم انى اقولها تانى هنا

اولاً واخيراً مايهم ادارة المنتدى من تقديم العروض هو مصلحة العضو المباشرة وعلشان كده التطبيق بيبقى بالاوليات ديه

الاولوية لنوعية الخدمة قبل واهم من قيمتها وسعرها

يعنى مثلا سعر صيانة ال 5 الاف 130 جنية فلو العرض 5% فالتوفير فى القيمة 6.5 جنية
طبعا كلام فاضى وحتى لو كان 10% برضو مش القيمة اللى تستاهل انى اسجل فى العرض

علشان كده احنا كأدارة بنراعى وبندى الاولوية لنوعية الخدمة اهم من قيمتها المادية

يعنى بنراعى ان مقدم الخدمة يكون معروف بسمعة طيبة
وان مقدم الخدمة يوفر للمنتدى منسق للعرض يكون متواجد فى المنتدى بصورة دورية للاستجابة لاستفسارات الناس
وان مقدم الخدمة يكون على اعلى مستوى من التعاون مع الاعضاء والتعامل معاهم مباشرة
وان مقدم الخدمة يكون على علم بان المنتدى (اللى بتتقدم فيه الخدمة) هيكون هو نفسة مؤشر نجاحة فى تقديمة للخدمة من عدمه لان الاعضاء اللى هتتمتع بالخدمة هتخش على المنتدى ياما تشكر او تذم وكلا الفعلين معليهومش اى قيود فى المنتدى

فالعرض فى حد ذاتة خطوة اولى وانتوا المؤشر الحقيقى لنجاحة