مصر موتورز مجتمع السيارات - انا وقعت في البلاعة - في حد وقع

مصر موتورز مجتمع السيارات (https://www.masrmotors.com/vb/index.php)

- فيات FIAT (https://www.masrmotors.com/vb/forumdisplay.php?f=22)

- - انا وقعت في البلاعة - في حد وقع - برجاء المشاركة (https://www.masrmotors.com/vb/showthread.php?t=11840)

انا وقعت في البلاعة - في حد وقع - برجاء المشاركة

السلام عليكم ورحمة الله وبركاته

هوا بصراحة مش انا اللي وقعت - دي العربية
تعالوا نبدأ من الاول
انا ربنا كرمني وبعت 128 اللي كانت معايا من اسبوع وجبت فيات سيينا 2001 يوم الجمعه اللي فاتت
الحمد لله العربية كويسة

وأحب انتهز الفرصة واشكر كل الاعضاء اللي ساعدوني بالمعلومات لإتخاذ القرار

المهم نرجع لموضوع البلاعة - اعزنا الله واياكم

النهاردة كنت في سوق العبور وعديت الشارع اللي مفوض ادخلة بـ 500 متر - وكنت بسوق وانا متنرفز لأسباب معينة
المهم برجع بسرعة وورايا صرف صحي فتحتين كل فتحة تعدي سيارة كاملة
المهم وانا برجع بسرعة الإطار الخلفي يمين نزل في البلاعة وانفجة الاطار والجانت اتعوج
قلت الحمد لله - لو جات علي فاردة كاوتش مش مشكلة
طلعت الاستبن - وفوجئت ان مفيش مفتاح عجل معايا وقفت عربية شيفورليه افيو والراجل بصراحة مشكور كان متعاون جدا - ربنا يجازيه خير

المهم ركبت الاستبن ومشيت لاقيت الإطارات تصدر صفيرا شديد
وقفت ونزلت ابص علي العجل - لقيته ملووح مش عدل - طبعا اتعكننت اكتر - بس روحت

السؤال بقي حد حصل له زي ما حصل معايا

وأعمل ايه عشان اصلح الفردة دي - افيدونا اثابكم الله
وجزاكم الله كل خير

رد: انا وقعت في البلاعة - في حد وقع - برجاء المشاركة

ايه يا جماعة - محدش عارف يقوللي اعمل ايه
لو الموضوع مش واضح قولولي وانا اوضح
اكتر من 27 مشاهدة ومحدش رد
معلش يا جماعة برجاء المساعدة

رد: انا وقعت في البلاعة - في حد وقع - برجاء المشاركة

عادي يا باشا الفرده اشتري غيرها و الجنط من عند اي واحد بتاع كاوتش شوف جنطك مقاسه كام و عند اي واحد بتاع كاوتش اشتري منه جنط حديد و ركب الفردة عليه الجنط بيبقي سعره حوالي 70 جنيه لو جنط حديد عادي ممكن الشكل يكون مختلف بس لو عندك طاسات هتحط الطاسه و مش هيبان اختلاف الشكل

رد: انا وقعت في البلاعة - في حد وقع - برجاء المشاركة

اولا الف مبروك علي العربيه
ربنا يكفيك شرها و يديك خيرها يا رب.
ممكن يكون الجنط فعلا زي ما الاستاذ محمد قال
او ممكن يكون عندك مقص ورا اتكسر
من الافضل تروح لعفشجي يشوف العفشه من ورا

رد: انا وقعت في البلاعة - في حد وقع - برجاء المشاركة

شكرا لكم جميعا علي الاجابة والافادة
هيا المشكلة مش في العجلة اللي فرقعت وكاوتشها انفجر - ان شاء الله اغيرها
بس المشكلة ان العربية بقت تطلع صوت وهيا ماشية - صفارة
طيب اروح لعفشجي كويس - ولا اروح التوكيل - ايه رايكم
وشكرا