|
المساعد ياشباب شراء عربية مستعمله في حدود 12 الف
السلام عليكم ورحمه الله وبركاته
كيف حالكم جميعاً هذه أول مشاركة لي في المنتدي الكريم اخواتي اريد أن اشتري عربية مستعمله في حدود 12 الف ففكرت في الاتي 1- فيات 1300 لانها منتشره جدا عندنا في اسيوط وبتشتغل تاكسي بس الناس قالتلي ابعد عنها لانها قديمة أووي واتلاقيها هلكانه من الشغل 2- بيجو 104 منتشرة عندنا ونفس الكلام لما سألت عنها قالوا ملهاش قطع غيار 3-فيات 128 الناس عندنا لما سألتهم قالوا السعر دا ممكن تجيب واحد كويسة بس اتكون موديل قديم وخايف من مشكلة الشروخ 4-ستروين ax سألت عليها قالولي مش اتلاقي ليها قطع غيار حتي مسمار ليها مش اتلاقي ولكن لما سألت واحد كان معه العربية دي قالي في ناس بتبيع قطع غيار في اسيوط ووصفلي عناوينهم والحظ انهم جنبي قي السكن بس قالي لو البياع قالي الحاجة ب 10 مش اتقدر تنزل من سعره لانهم مفيش غيرهم في السوق عندنا وكمان قطع غيار غالي وكمان في صنايعي شغال فيها هل يعني لو في قطعه غيار للفيات 128 ب 10 الاقيها في الستروين ب 100 جنية ولا مش الغلو دا 5-فيات 124 6-فيات 127 اربعه باب قالوا ضيقة 7- في ناس قالوا لي فيات 125 دي كويسة وعضمها ناشف بس قطع غيارها قليله ياشباب انا عايز عربية اروح بيها الشغل يبعد مسافة 20 كم من سكني كل يوم و20 زيهم وانا راجع وكمان تكون حنينة عليا في المصاريف علشان المرتب قد حالنا ( بعمل مدرس ) ومش عايز كل شوية اروح للمكانيكي فنرجوا النصيحة لوجه الله |
رد: المساعد ياشباب شراء عربية مستعمله في حدود 12 الف
اهلاً بيك يا استاذنا فى مصر موتورز نورت المنتدى
بص يا سيدى فى المستعمل مينفعش التعميم على الاطلاق على كل العربيات والفيصل هو حالة العربيه اللى قدامك ده اولاً ثانياً فى الرينج ده والعربيات اللى بقالها عشرات السنين فى الشارع ومش اى شارع ديه شوارع المحروسة فاى عربيه هتبقى محتاجة مصروف وفيها نقاط ضعف وعيوب وبالتالى لازم تعمل حسابك فى مبلغ زيادة لصيانات العربيه ومصاريفها عموماً وتختار بناء على الحالة الافضل اللى مش محتاجة مصاريف كتير وطبعاً تكشف عليها كويس وتنزل تسأل بنفسك بتوع قطع الغيار على الاسعار وكويس انك بتقول انهم جمك عدى عليهم واسألهم على تلت اربع بنود كأنك هتشترى لحد فى محافظة تانية جمبك مثلاً وبعتك تسأل وقارن بنفسك طبعاً الستروين احدثهم ولو حالة جيدة وحاجتها موجودة حتى ولو اغلى شوية تبقى فى المجموع افضل لكن زى ما قولت فى الاول الاولوية للحالة لو لقيت 128 حالتها افضل وطبعاً صيانتها ومصروفها اسهل وفوق ده كله اعادة بيعها اسهل يبقى توكل على الله فيها فشوف المتاح ايه والحالات بتاعتهم وهنفكر مع بعض ومعاك فى اى استفسار ان شاء الله |
رد: المساعد ياشباب شراء عربية مستعمله في حدود 12 الف
بارك الله فيك أخي
اخي انا لسه أول مرة أفكر اشتري عربية ولسه جديد في المشوار دا حضرتك بتقووول اسألأي علي 3 أو 4 حاجات ونشوف سعرها اديني اسماء حاجات ممكن أسأل عليها واعرض لحضرتك الاسعار وتحدد والحمد لله بتوع الاكسسوار كلهم جنبي في نفس الشارع حيث انني من اسيوط |
رد: المساعد ياشباب شراء عربية مستعمله في حدود 12 الف
أخي ساعات بميل للستروين لما بقرأ منكم علي مميزاتها بس خفت منها علشان سعر قطع غيارها غالي وكمان في المنتدي بيقولوا حاجات معمرة بعكس قطع غيار الفيات وكمان لما سألت الراجل اللي كانت معه واحده ستروين قالي قبل ما اشتريها قالوا للي كدا برده غلوا قطع غيارها والصنايعية بس اشتريتها وهي كويسه وحلوه
هل المبلغ دا يجيب حاجة ستروين ولا لأ |
رد: المساعد ياشباب شراء عربية مستعمله في حدود 12 الف
منتظر ردك اخي
|
| الساعة الآن 04:17 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017