مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   ملاكى اسكندرية (https://www.masrmotors.com/vb/forumdisplay.php?f=142)
-   -   عايزة عربية لقطة تعبت بجد (https://www.masrmotors.com/vb/showthread.php?t=111797)

AlexGirl 13-04-2013 05:25 PM

عايزة عربية لقطة تعبت بجد
 
السلام عليكم

يا جماعة انا عايزة عربية بقاالي مدة طويلة اوي بدور على عربية تكون لقطة في حالتها وسعرها ومش عايزة اجيب اي حاجة وانا بلف على عربيات عجبتني جدا البيكانتو فقلت هدور فيها ان شاء الله بس المبلغ اللي معايا اخره يوصل ل40 الف انا من يومين كان قدامي بيكانتو لقطة كان ممكن تخلص على 40 بس لاسف اتباعت فنفسي فواحدة زيها يااااااااااارب حد يساعدني والاقي طلبي هنا لاني فعلا تعبت جدااااااااااا ولو حد عارف سمسار عربيات ياريت يدلني عليه لكن تاجر لا لاني كرهتهم بصراحة ومفيهومش حد كويس فياريت تساعدوني بجد لاني عارفة ان طلبي صعب ومش بسهولة الاقيه بس ممكن حد يكون معرض لظروف وعايز يبيع بسرعة او حد عايز يسافر بجد مش تمثيل اي حاجة كدة ونفسي اشتري عربية من مالكها فياريت حد يساعدني بجد

wael890610 13-04-2013 09:04 PM

رد: عايزة عربية لقطة تعبت بجد
 
انا مش هاجبلك عربيه بالمواصفات اللى انت طالباها بس هاقولك على شويه حاجات هاقولهم لاختى الصغيره لما تيجى تشترى عربيه:
1- لازم تستقرى على موديل او اتنين يناسبوكى ومنتشرين فى محافظتك علشان ما تغلبيش فى قطع غيار .
2-ممنوع منعا باتا الاستعجال او انك تبيعى عربيتك وتقعدى شهور تدروى على عربيه , هتلاقى بس هاتكونى مستعجله وزهقانه وعاوزه تخلصى بقه علشان بقالك شهرين بتدورى
3-العربيه المستعمله ماكينه سحب فلوس (كل شهر هاتدفعى فيها حاجه وتظبطى حاجه) لان الخبطات والاعطال بتاتى للواحد من حيث يترفع ان يتداخل معه , فشرائك لحاله كويسه يسوى كتييييييير قوى.
4- لو لقيتى عربيه واحد معرفه وانت متاكده ان استخدامه للعربيه نظيف وبيراعيها تبقى كسبتى كتير
5- بعد لما تستقرى على كام موديل الناس فاهمه صيانتهم وقطع غيار ما تغلبش ولا تسفرش , شوفى عدلها كام (يعنى اللى حالتها حلوه قوى سعرها بكام) علشان ما يكونش فى فرق كبير بين الفلوس اللى معاكى واللى انتى عايزاه , ويكون معاكى اهم حاجه سمكرى اولا علشان ما تخديش معاكى زفه كل ما تروحى تشوفى عربيه , لو قالك تمام اتصلى بميكانيكى معرفه او تروحيله بالعربيه , لان السمكرى كلامه فصل فى الموضوع.
وبكرر نصيحتى لو قدامك حد معرفه ومعاه عربيه 113 او بيكانتو او كيا برايد او اكسنت , كلميه ممكن ان شاء الله ربنا يوفقك لحاجه احسن ممكن تكون اغلى شويه بس صدقينى الاستخدام المحترم بيفرق كتييييييير.
والله الموفق

yasser .mk 14-04-2013 10:57 PM

رد: عايزة عربية لقطة تعبت بجد
 
مساهمة منى فى حل مشكلتك سأقوم بالبحث والتنقيب عن السيارة المطلوبة أو أى مواصفات قريبة منها وعند الوصول للمطلوب سأخبرك بالتفاصيل وعسى أن يكون قريباً ... لكن ماذا يقصد الأخ وائل بهذه الجملة ( الخبطات والاعطال بتاتى للواحد من حيث يترفع ان يتداخل معه ) ؟ سمعتها فين قبل كدة ؟

AlexGirl 15-04-2013 12:28 AM

رد: عايزة عربية لقطة تعبت بجد
 
اقتباس:

المشاركة الأصلية كتبت بواسطة wael890610 (المشاركة 871399)
انا مش هاجبلك عربيه بالمواصفات اللى انت طالباها بس هاقولك على شويه حاجات هاقولهم لاختى الصغيره لما تيجى تشترى عربيه:
1- لازم تستقرى على موديل او اتنين يناسبوكى ومنتشرين فى محافظتك علشان ما تغلبيش فى قطع غيار .
2-ممنوع منعا باتا الاستعجال او انك تبيعى عربيتك وتقعدى شهور تدروى على عربيه , هتلاقى بس هاتكونى مستعجله وزهقانه وعاوزه تخلصى بقه علشان بقالك شهرين بتدورى
3-العربيه المستعمله ماكينه سحب فلوس (كل شهر هاتدفعى فيها حاجه وتظبطى حاجه) لان الخبطات والاعطال بتاتى للواحد من حيث يترفع ان يتداخل معه , فشرائك لحاله كويسه يسوى كتييييييير قوى.
4- لو لقيتى عربيه واحد معرفه وانت متاكده ان استخدامه للعربيه نظيف وبيراعيها تبقى كسبتى كتير
5- بعد لما تستقرى على كام موديل الناس فاهمه صيانتهم وقطع غيار ما تغلبش ولا تسفرش , شوفى عدلها كام (يعنى اللى حالتها حلوه قوى سعرها بكام) علشان ما يكونش فى فرق كبير بين الفلوس اللى معاكى واللى انتى عايزاه , ويكون معاكى اهم حاجه سمكرى اولا علشان ما تخديش معاكى زفه كل ما تروحى تشوفى عربيه , لو قالك تمام اتصلى بميكانيكى معرفه او تروحيله بالعربيه , لان السمكرى كلامه فصل فى الموضوع.
وبكرر نصيحتى لو قدامك حد معرفه ومعاه عربيه 113 او بيكانتو او كيا برايد او اكسنت , كلميه ممكن ان شاء الله ربنا يوفقك لحاجه احسن ممكن تكون اغلى شويه بس صدقينى الاستخدام المحترم بيفرق كتييييييير.
والله الموفق

انا بشكر حضرتك جدا استاذ وائل على الرد المفصل دة بجد ربنا يبارك في حضرتك وهعمل بالنصايح ان شاء الله بس انا فعلا مش مستعجلة على الشرا انا نفسي في عربية اه وحاسة اني نسيت السواقة كمان بس مستعجلتش بدليل ان الفلوس بقالها مدة طويلة معايا ومش عارفة احطها في حاجة كويسة

انا عندي مشكلة كبيرة ان مصدري الوحيد هو النت لاني مش بنزل ومش هعرف اتعامل مع تجار وخايفة اقع في حاجة تطلع روحي وكل ما اشوف حاجة لقطة عالنت يتقالي اتباعت مش عارفة ايه حكاية اتباعت مع انها مبتكونش كملت ساعة يمكن وبعد مدة طويلة وعشان السبب اللي حضرتك قلته انا خلاص قررت مش هجيب قديم ومش هاخد حاجة اقل من 2004 ان شاء الله باي طريق وحالة ممتازة ودي بقي المعضلة اني عايزة حاجة مواصفاتها كدة بالسعر دة بس مش صيني ومش ماروتي ومش التو وبردو حاجة متدوخنيش في قطع الغيار لاني هتعامل لوحدي من الاخر وبعد ما كنت قررت عاللانوس شفت واحدة جوليت جتلي عقدة الاول انبهرت بيها جبت جوز اختي يبص عليها وهو مش ميكاني يبس بيفهم فيهم شوية اكتشفت انها شوية حديد مكسر وملحوم في بعضه ماشيين عالارض وعشان كدة بصمت بالعشرة مستحييييييييييل اخد قديم ان شاء الله واكتر عربية انبهرت بيها وعجباني البيكانتو نفسي فيها بصراحة ونفسي الاقي واحدة كدة بالسعر دة وبينزل بس نادرا انا فعلا نفسي فيها والف شكر لحضرتك

AlexGirl 15-04-2013 12:30 AM

رد: عايزة عربية لقطة تعبت بجد
 
اقتباس:

المشاركة الأصلية كتبت بواسطة yasser .mk (المشاركة 872013)
مساهمة منى فى حل مشكلتك سأقوم بالبحث والتنقيب عن السيارة المطلوبة أو أى مواصفات قريبة منها وعند الوصول للمطلوب سأخبرك بالتفاصيل وعسى أن يكون قريباً ... لكن ماذا يقصد الأخ وائل بهذه الجملة ( الخبطات والاعطال بتاتى للواحد من حيث يترفع ان يتداخل معه ) ؟ سمعتها فين قبل كدة ؟

يارييييييييييييت بجد لاني تعبت اوي وزهقت ومتشكرة بجد لحضرتك استاذ ياسر


الساعة الآن 05:05 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017