مصر موتورز مجتمع السيارات - اسعار قطع غيار السياره الشاهين الاستيراد

مصر موتورز مجتمع السيارات (https://www.masrmotors.com/vb/index.php)

- سوق قطع الغيار (https://www.masrmotors.com/vb/forumdisplay.php?f=203)

- - اسعار قطع غيار السياره الشاهين الاستيراد (https://www.masrmotors.com/vb/showthread.php?t=62059)

رد: اسعار قطع غيار السياره الشاهين الاستيراد

معلش يا شيخنا هو سؤال عن الفيات اونو انا عاوز اعرف لو ممكن يركب لها باور ولا لأ.و يكلف كام و كمان يا ريت سعر مكن الازاز كهربا انا سمعت ان نزل منها ٢٠٠٥ ازاز كهربا وواحد صاحبي قال لي ان انا ممكن اجيب المكن ده و اركبه عندي من غير اي تعديلات و كمان يا شيخ ايه هو المكن اللي ممكن يركب عندي على الازاز اللي ورى و سعره كام. معلش يا شيخنا طولت عليك ربنا يبارك فيك و يصلح لك الحال يا رب.

رد: اسعار قطع غيار السياره الشاهين الاستيراد

معلش يا شيخنا انا مش عارف انت شوفت السؤال بتاعي ولا لأ .انا بقالي ١٠ ايام متابع بس مفيش رد من ناحيتك. يا ريت ترد عليا ياشيخنا حتى لو معندكش معلومات يا ريت تقوللي عشان احنا اول الشهر وكنت عايز الحق نفسي قبل الفلوس متطير. سامحني يا شيخنا. و ربنا يصلح لك و لنا الحال يا رب.:286:

رد: اسعار قطع غيار السياره الشاهين الاستيراد

اقتباس:

المشاركة الأصلية كتبت بواسطة AymanFouad (المشاركة 821310)

معلش يا شيخنا هو سؤال عن الفيات اونو انا عاوز اعرف لو ممكن يركب لها باور ولا لأ.و يكلف كام و كمان يا ريت سعر مكن الازاز كهربا انا سمعت ان نزل منها 2005 ازاز كهربا وواحد صاحبي قال لي ان انا ممكن اجيب المكن ده و اركبه عندي من غير اي تعديلات و كمان يا شيخ ايه هو المكن اللي ممكن يركب عندي على الازاز اللي ورى و سعره كام. معلش يا شيخنا طولت عليك ربنا يبارك فيك و يصلح لك الحال يا رب.

السلام عليكم ورحمه الله وبركاته .
أخى الحبيب أعتزر لحضرتك عن التأخير فى الرد لظروف مرضيه فأرجو ان تلتمس لى العزر وجزاك الله خيرا .
أما بخصوص سؤال حضرتك عن تركيب باور للسياره الاونو فهو جائز وستحتاج الى قطع الغيار الاتيه .
طرمبه باور بالقواعد .
طنبوره كرنك ثلاثه سير .
اسكترا باور .
خزنه زيت الباور .
اثنان خرطوم باور .
أما التكلفه الكليه للتعديل فهى 1000 جنيه شامله التركيب .

رد: اسعار قطع غيار السياره الشاهين الاستيراد

حمد لله على سلامتك يا شيخ. طهور نا شاء الله. تمام يا شيخنا بالنسبه للبور بس يا شيخنا انا كنت عاوز اعرف كمان بالنسبه للازاز الكهرباء عشان انا كنت عاوز اعمل الشغل كله مع بعض .انا سمعت ان نزل منها ٢٠٠٥ ازاز كهربا وواحد صاحبي قال لي ان انا ممكن اجيب المكن ده و اركبه عندي من غير اي تعديلات و كمان يا شيخ ايه هو المكن اللي ممكن يركب عندي على الازاز اللي ورى و سعره كام. ربنا يبارك فيك و يصلح لك الحال يا رب

رد: اسعار قطع غيار السياره الشاهين الاستيراد

أولاً: بارك الله فيك يا شيخ طارق و ألف شكر على المعلومات و الإهتمام
ثانياً: عايز أغير مكن فتح الزجاج الخلفي لعربيتي دوجان 1994و أخليه كهرباء هأحتاج إيه و يكلف كام؟؟
ثالثاً: مكن الزجاج الأمامي بطييييييييييء هل ممكن أغيره بالمكن اللي بيفتح بدوسة واحدة على الزرار و لا ما ينفعش و إذا كان لا ينفع إيه نوع المكن الكويس السريع في الفتح و القفل و بكام و جزاك الله خيراً