سيارات المعاقين
 

السلام عليكم

لو سمحتو انا كنت عايز اسأل سؤال انا ان شاء الله هجيب عربيه معاقين بس كنت عايز اعرف الاجراءات بتاخد اد اية لان في واحد اعرفو قالي اتعلم سواقة و طلع رخصة و انا هعملك الباقي فا كنت عايز اعرف الحوار هياخد اد اية

وبعدين انا معايا حوالي 30 الف منها المصاريف اللي هتتصرف في الاجراءات

كنت عايز اعرف عربية كويسة
انا حالتي اني عامل تثبيت في العامود الفقري و عندي رجليا الاتنين فيهم تيبس و مش بقدر استعملهم و سألت في اوسكار لانو اقرب حاجة ليا قالي هتتعلم مانيوال عايز اعرف عادي ولا اية؟؟؟

و شكرا

رد: سيارات المعاقين
 

ألف سلامة أولا:::


ثانيا موضوع السيارة أهم من الرخصة والقيادة. لازم نضمن الأول أنك من مستحقى سيارات المعاقين. وهذه الحالة يقدرها الكومسيون الطبى.

أما عن المدة التى يستغرقها الإجراءات فهى 100 يوم على أقصى تقدير. أنت بتقدم على الورق وفى نفس اليوم يعطيك ميعاد الجلسة. طبعا لو مفيش قائمة إنتظار وحاجز مستعجل 600 جنية هتكشف فى ظرف أسبوع أو 10 ايام. ولكن لو كشف عادى ب 300 جنية ممكن تأخد مدة أطول حسب قائمة الإنتظار. وطبعا بتكشف نظر فى يوم وكشف عظام فى يوم مختلف بعدها

بعد الكشف بيكون فى شهرين لحين ظهور نتيجة الجلسة. تروح تسأل فى المجالس الطبية وتستلم القرار بعدها بشهرين وهما بيحولوا ملفك للجمرك الذى تحدده أثناء فتح الملف.

وصول الملف إلى الجمرك بيأخد وقت من أسبوعين إلى شهر حسب الحركة والبريد. تروح تختار العربية اللى تريحك وأمامك سنة من تاريخ القرار للشراء. طبعا ممكن تروح كذا مرة لحد ما عينك تقع على عربية كويسة وفى التأنى السلامة......30 الف يجيبوا عربية نوبيرا2 كويسة

لو القدمين مش شغالين عن حضرتك يبقى هتعمل تجهيز ثلاثى. أما لو اليمين بس سيبقى هتجهز فرامل وبنزين وهتجيب عربية أتوماتك. ولو رجلك الشمال التى فيها المشكلة يبقى هتجهز دبرياج وهتجيب عربية مانيول

رد: سيارات المعاقين
 

شكرا لرد حضرتك جدا جدا

بس هو حتي لو معايا واسطة مينفعش نختصر موضوع الـ 100 يوم دول ؟؟ لحسن كدة يعتبر كتير لاني في ثانوية عامة و كنت هعملها في الاجازة دي و هي شهرين بس

و بالنسبة للراجل اللي قالي اتعلم سواقة و طلع رخصة و انا هكملك الباقي دا مش ممكن يقدر يختصرلي ال100 يوم ؟؟ هو شغال في بورسعبد في سيارات المعاقين

يعني اقصد اية مدي صلاحياتو ان هو يقصرلي المدة
اتمني تكون فهمتني

رد: سيارات المعاقين
 

هو الإختصار ممكن فى حكاية الكومسيون يعنى لو ليه معرفة هناك هيطلع القرار بدرى شوية ولكن الحكاية أيام مش يعنى شهور. أنت تمشى فى الإجراءات من اليوم وحكاية إختيار العربية وتخليص الورق وكدة ممكن حد يخلص لك الورق. وتذكر أن عندك سنة تختار فيها العربية فبرحتك. أنت حتى ممكن تختار العربية وتحجزها وتدفع مقدم لحد ما الورق يخلص فى الكومسيون وتستلمها من الجمارك بمجرد ما الورق يوصل. كدة بتوفر وقت البحث عن سيارة جيدة...

هو فى سؤال مفروض أسأله لحضرتك. الراجل بيقول لك طلع رخصة وأتعلم السواقة رغم أن حضرتك مفروض يعنى انك مش تقدر تقود عربيات عادية بسبب وجود الإعاقة. حتى لو رحت تطلع الرخصة لازم تكون بتقود عربيتك المجهزة لانك بتقدم على عربية مجهزة لان العربيات العادية مش تقدر تقودها...

رد: سيارات المعاقين
 

مش عارف بقي الراجل دا نظامو اية

بصراحة انا اتخنقت من الموضوع من قبل ما يبدأ من كتر الحوارات اللي بسمعها و ان الكمسيون ممكن يرفض الطلب و ان الفترة بتاعت الاجراءات طويلة :D:D:D

طيب سيبك من الراجل دا ... لوو عندي مثلا حد مركزو عالي جدا ممكن الموضوع يخلص في اقل من كدة ولا برضو نفس الموضوع ؟؟؟ لاني بصراحة عاوز اخلص الحوار في اسبوع او اقل ( تسرع شباب بقي حضرتك عارف بقي احساس اول عربية ) :D:D:D