مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   سوق السيارات المصرية (https://www.masrmotors.com/vb/forumdisplay.php?f=147)
-   -   شراء سيارة رينو راينبو (https://www.masrmotors.com/vb/showthread.php?t=140024)

essam1995 24-06-2015 11:24 PM

شراء سيارة رينو راينبو
 
السلام عليكم ورحمة الله وبركاتة
ارجو الأفادة فى شراء سيارة رينبو وهل قطع الغيار متوفرة فى السوق برجاء من لدية معلومة يقولهالى علشان معروض عليا واحدة وعايز اعرف رأيكو ايه .

memocco 25-06-2015 04:41 AM

رد: شراء سيارة رينو راينبو
 
بص ياباشا العربيات دى حلوة جدا و عن تجربة شخصية بس لازم تراعى كام حاجة كدة و انت بتفحص العربية للشراء .
1. مبدئيا لازم تبص كويس على دفيرة الكهربة بتاعت العربية و تفلى العربية فى كل حاجة يعنى مثلا تفك زرار الانتظار و تبص علية لانة ممكن يكون سايح و دة معناة ان العربية دى ممكن تكون كان فيها مشكلة فى الكهربة و دة اللى حصل معايا وكانت زراير التبلوه اغلبيتها سايحة و انا مخدتش بالى منها و طبعا دة سببلى مشكلة فى التصليح بعد كدة لان مش اى حد فاهم كويس فى الرينو (دة مش معناة انك مش هتلاقى ميكانيكى للرينو بالعكس هما كتير )بس انا بتكلم على الدماغ النظيفة اللى بتفكر
الحاجة التانية بص على الكاربراتير و شوفة كويس هل فى حاجة ناقصة و لا لاء لان المشكلة دى قابلتنى بردو لما حبيت اصلح التكييف ...لازم يكون كامل مافيش حاجة ناقصة فية
بالنسبة للمكنة لو هى زى بتاعت الرينو 9 اللى هى 1300 سى سى جربها كويس جدا و افرك العربية فى الاختبار و شوفها فى التسارع عاملة اية لان اغلبية العربيات الرينو رينبو نزلت مصر بالمكنة دى و مشكلة المكنة دى انها لو مش عافية هتتعب فى السحب و تلاقى العربية بطيئة فى سحبها يعنى متكنش فيها وش شنبر او بتاكل زيت و العربيات دى المفروض انها لو مظبوطة مش هتلاقى للمكنة صوت خالص
لو لاقيت صوت المكنة خشن ممكن يكون جنزير الكاتينة ؟؟؟؟ايوة جانزير مش سير .
اما لو المكنة اللى 1400 سى سى انيرجى فا المكنة دى محترمة و الناس كلها بتشكر فيها و لو لقتها فغالبا العربية دى هتكون طلعة من المخابرات عن طريق المزاد و العربيات دى بتبقا حلوة.
طبعا كل دة لو الراجل محافظ على العربية اساسا
بالنسة لقطع الغيار هى متوفر اغلبها وتقريبا كلها لو هنتكلم على الموتور ...اما بالنسبة للكماليات ممكن تكون صعبة شوية انك تلاقيها بس فى صقر قريش هتلاقى كل حاجة و بورسعيد و شبرا و عين شمس
و مجرى العيون فى مصر القديمة و فايدة كامل فى دار السلام و ممكن فى المعادى لان فى حاجات بتاعت البيجو 205 بتمشى عليها
انا اسف انى مش مرتب فى كلامى بس انا مش متعود على المنتديات كتير
وكل سنة وانت طيب و ان شاء الله تطلع عربية حلوة :CHUBBY~36:

essam1995 09-07-2015 11:07 PM

رد: شراء سيارة رينو راينبو
 
متشكر جدا لتعبك معايا وربنا يباركلك


الساعة الآن 08:32 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017