مصر موتورز مجتمع السيارات - هل عقد البيع لليسارة هو نقل الملكية

مصر موتورز مجتمع السيارات (https://www.masrmotors.com/vb/index.php)

- الشهر العقارى (https://www.masrmotors.com/vb/forumdisplay.php?f=219)

- - هل عقد البيع لليسارة هو نقل الملكية (https://www.masrmotors.com/vb/showthread.php?t=99734)

هل عقد البيع لليسارة هو نقل الملكية

ارجو التوضيح انا لما اشترى عربية بعقد بيع نهائى وعاوز ارخص على طول هل لازم انقل ملكية تانى فى الشهر العقارى ولا عقد البيع هو نقل الملكية ارجو الافادة من الاخوة فى المنتدى واكون متشكرا جدا

رد: هل عقد البيع لليسارة هو نقل الملكية

عقد البيع المسجل فى الشهر العقارى هو عقد البيع النهائى
عقد البيع الى بيتجاب من المكتبات يعتبر عقد بيع ابتدائى ولا يعتبر اثبات ملكية امام المرور مالم يتم تسجيلة فى الشهر العقارى
ولذلك يتم عمل توكيل بالبيع للنفس او للغير
لانك قبل ما تيجى ترخص بتروح تسجل العربية باسمك عن طريق التوكيل فى الشهر العقارى

رد: هل عقد البيع لليسارة هو نقل الملكية

العقد اللي حضرتك بتتكلم عليه ده ما لوش أي لازمة عشان كده بتعمل توكيل بالبيع للنفس و الغير تروح بيه هو و الرخصة (و لازم تكون الرخصة ساريه مش منتهيه و لو منتهيه تجيب شهادة بيانات من المرور الأول) و بعد كده علي الشهر العقاري عدل تسجل السيارة باسمك و تدفع مبلغ التسجيل (كمثال 1160 جنيه لانس 2007 موتور 1600 و 1284 سيراتو الجديدة 2008 ) و بعدين تروح المرور بالعقد المسجل تفحص و تنقل ملكية و الله يكون في عونك.

رد: هل عقد البيع لليسارة هو نقل الملكية

اقتباس:

المشاركة الأصلية كتبت بواسطة svneleven (المشاركة 775360)

طيب انا اشتريت عربية من مرور مصر الجديده بعقد مسجل و الرخصة سارية و مضيت شارى و ناقص اسبوع فى الشهر المهلة هل هلحق انقل الملكية مع العلم انى من بنها و ايه هى الاجراءات الى المفروض اعملها ... ارجو الرد بسرعه للاهمية

رد: هل عقد البيع لليسارة هو نقل الملكية

حضرتك إشتريت خلاص بعقد مسجل فى الشهر العقارى يبقى بسرعة وقبل إنتهاء الشهر المهله تروح للمرور ومعاك العقد المسجل بالشهر العقارى ومعاك الرخصة وبطاقتك وتروح تفحص وتنقل ملكية ، وخلى بالك لو الشهر عدى يبقى لازم ترجع تانى للشهر العقارى وتعمل عقد من جديد مع إعادة دفع الرسوم اللى سبق وحضرتك دفعتها
يبقى حضرتك مستنى إيه ؟