موضوع لتبادل قطع الغيار الزائدة لسيارت الدايو
 

بسم الله الرحمن الرحيم

السلام عليكم ورحمة الله وبركاته

النهارده يا جماعة انا جاتلي فكرة وقولت أقولكم عليها ولو عجبتكم نثبت الموضوع.

ايه رأيكو يا جماعة إن كل واحد عندو قطع غيار زيادة مش عايزها للعربيات اللانوس(وممكن نخليها للعربيات الدايو كلها بالمرة) يدخل ويكتبها هنا وليه حرية الاختيار لو عايز يبعها أو ميخدش عليها فلوس (يتبرع بيها لحد).
(بعض الناس جزاهم الله خيرا بيحبو يدو الحاجة الزيادة للأعضاء بدون ما يخدو عليها فلوس-يتبرعو بيها- أو مثلا يكون مُقابل دعوة وهكذا)

فاحنا مش هنفرض حاجة على حد.

وطبعا احنا هنكون أحن على بعض من محلات قطع الغيار وخلافه.

فإنتو ايه رأيكو بالفكرة دي؟ ولو حد يقترح حاجة أو عندو تعديلات بالموضوع مثلا يتفضل ويقولنا.
وكمان أحب اسمع رأي المشرفين واقتراحتهم لو عندهم تعديلات بالموضوع مثلا.

**للأمانه يا جماعة انا شوفت الفكرة دي منتدى تاني وعجبتني فقولت أحطها مع شوية تعديلات لأنها هتفيد الأعضاء أوي-إن شاء الله.

يعني مثلا اللي عنده حاجة وعايز يعرضها يكتب البيانات دي:

1-نوع الحاجة أو قطعة الغيار: طرمبة بنزين-موتور كامل-فتيس-مارش-فانوس-..الخ

2-لعربية ايه؟ دايو لانوس أو نوبيرا مثلا.

3-حالتها؟ مستعملة-جديدة-كويسة-وحشة..وفيها عيوب ولا لا؟ ولو فيها ايه عيوبها؟

4-وايه سبب البيع(إن أمكن)؟ مثلا زيادة عندي ومش محتاجها أو اشتريتها ومركبتش عندي..الخ.

5-مطلوب فيها كام؟ أو مش عايز فلوس مثلا.

6-مكان الحاجة فين؟ القاهرة-اسكندرية-بور سعيد-الخ..

واخيرا رقم موبايل صاحب الحاجة أو ايمله مثلا عشان سهولة التواصل معاه.

وطبعا ممكن نتواصل معاه بردو عن طريق الموضوع ده.

وأكيد اللي عايز يسأل على حاجة ممكن بردو.

وفي النهايه أحب أقول يارب تعجبكم الفكرة.

:01FDAB~189:

رد: موضوع لتبادل قطع الغيار الزائدة لسيارت الدايو
 

السلام عليكم والله يا اخي فكرة حلوة مش بطالة ويا ريت نزود عاليها الي عايز يبيع عربيتو يعرضها معانا برضو
وانا حبتدي بنفسي ::010104~171:
1:عندي طرمبة بور زيادة كنت مغيرها علشان فيها ونة شغالة وزي الفل بس هوا الصوت بس وانا مش عاوزها ياريت الي عاوزها يراسلني علي المنتدي وانا اتواصل معاة:CONGRA~238:

رد: موضوع لتبادل قطع الغيار الزائدة لسيارت الدايو
 

انا اريد
1-الماسوره اللي بتتحط مكان علبة البيئه

2-لدايو لانوس.

3-حالتها؟ كويسة و لم يسبق اصلاحها

4-مطلوبه للشراء مش للبيع

5-اللي هبيع هوا اللي هيحدد السعر.

6-المكان القاهرة و يا سلام لو ناحية حلوان

رد: موضوع لتبادل قطع الغيار الزائدة لسيارت الدايو
 

وعليكم السلام,

شكرا على مشاركتك ويشرفني انك تكون أول واحد يشارك في موضوعي :CONGRA~238:

وممكن بردو نخلي الموضوع للي عايز يبيع سيارة كاملة بس مش عارف هتبقى فكرة حلوة ولا لا :F_14WA~16[1]:

طيب طالما فكرة الموضوع عجبتكم ياريت المشرف يثبت الموضوع.

:01FDAB~189:

رد: موضوع لتبادل قطع الغيار الزائدة لسيارت الدايو
 

إن شاء الله تلاقي واحدة كويسة..أنا رأيي هاتها جديدة لو سعرها مش غالي.

على فكرة أنا مركبها عندي لما غيرت الشكمان كامل من 3 شهور والراجل حط المسورة مكان علبة البيئة.

:01FDAB~189: