رد: اسعار سيارات المعاقين
 

بس الاوكتافيا اكتر بكتير من 35 الف
وهي ايه الرفايع اللي انت قصدك عليها غير الكاوتش و البطاريه

رد: اسعار سيارات المعاقين
 

أولا سيبك من اللانوس خالص. خلينا يا اما متركس يا أما نوبيرا وافضلك النوبيرا لانها أرخص وتقريبا نفس إمكانيات الماتركس

رد: اسعار سيارات المعاقين
 

انت كنت كاتب ان معاك 37 ودول يجيبولك واحدة نضيفة .. وبالنسبة للرفايع هى : الفبر - الدواسات - الجنوط الاسبور بتتبدل بحديد - الطاسات بتتخلع - الفرش الاصلى - الاستبن والكوريك
ده طبعاً بالاضافة لان العربية لازم تبقى فابريقة بره وجوه ونضيفة اوى ... وانا بايع 4 عربيات قريب ب100.000 جنيه على الارض (بدون جمرك) وهى جمركها حوالى 6500 يعنى 31.500 وهو مكسبه مثلا 5000 لانه بيدفع أرضيات وغسيل وعمالة وكده يبقى فى حدود 36.500 او ممكن تزيد شوية بس لكن ماتدفعش أكتر من كده وربنا يوفقك وابقى طمنى عملت ايه

رد: اسعار سيارات المعاقين
 

استاذ ايمن انا كان قصدي 37 الف بس كله علي بعضه يعني بحساب الراجل اللي جايبه من اسكندريه علشان يكشف عليها و السفر و انا باجر عربيه من اسكندريه اسافر بيها لبورسعيد علشان تريحنا في اللف و التدوير و كمان تكليف تخليص الجمرك و ترخيص العربيه فيعني تقريبا اللي يتبقي 35 الف فكان اللي قدامي هي الماتركس و النوبيرا 2 والصراحه انا كنت ميال للمتركس
ولكن الاخ tham1010 نصحني بالنوبيره 2 غير كده كان قايل الاوكتافيا ب 48 الي فوق 50 وكلامه صح الاوكتافيا هناك في حدود فوق 40 الف يعني قول 45 غير كده الجمرك اللي في بورسعيد مشوفتش غير اربع مخازن بس و مفهمش غير ( النترا ماتركس جوليت لانوس نوبيرا ) علي اني كان نفسي في لانسر او نيسان
يا ريت لو عندك اي معلومات قلها لي يا استاذ ايمن

رد: اسعار سيارات المعاقين
 

بص يا أخى معظم عربيات المعاقين بتكون الأنواع اللى قلت عنها لانها بتكون جاية من كوريا. ولكن فى منافذ جمركية تانية بتكون فيها عربيات أصناف تانية ولكن دى بتكون غالية يعنى فوق الأربعين وطالع. ودى بتكون يابانى. أعتقد فى منطقة قرب المطار. مش فاكر أوى لانى مش من القاهرة. بس فى ناس راحت هناك وعدد التجار قليل وكله يابانى وجاى من أوروبا.

بص أنا عارف بحيرتك وكنت زيك. وحقولك لحضرتك كلمة واحد. مش مهم نوع العربية المهم الحالة. حط فلوسك فى حتة عربية تحفة مش تشترى وخلاص. أنا شخصيا بعشق الماتركس وكنت رايح عليها وسبت 6 عربيات ورحت 3 مرات لحد ما لقيت العربية اللى معايا. الحالة كانت ممتازة رغم وجود بعض الخدوش الخفيفة و الكاوتش كان عاوز يتغير ولكن الثمن كان مناسب. أنا مش كنت هشترى عربية غيرها لانها كانت حلمى. ولكن حضرتك بما إنك كل العربيات عندك زى بعض يبقى النوبيرا 2 اللى فى حدود 30 الف تكون أختيار كويس لحضرتك ولما تبيع بعد كدة مش هتخسر وزى ما انت شايف قطع غيار متوفرة وناس كتيرة تحب تشترى.

أتمنى لك كل التوفيق ولا تنسى توافينا بأخر الأسعار وكما لو قدرت تصور كام صورة بالموبيل للمنطقة والعربيات وكدة هذا هيكون خدمة للناس اللى كانت زى حالتنا وكان نفسها تعرف قبل ما تشترى.. ربنا يسهل لك...........