استشاره مهمه جداااااااا.ارجو الافاده
 

ptmnlo123per1114انا بفكر اشترى عربيه جديده بس عشان انا مش بفهم فى العربيات اوى محتاج اخد رايكم فى نوع العربيه

محتار بين اكتر من نوع كلهم فى نفس السعر والامكانيات تقريبا

هيونداى i10
رينو لوجان الجديده
فيات باليو

ياريت تقولولى ايه الانسب والافضل فى التلاته

ولو فيه اقتراحات تانيه ياريت تقولوها

ارجو الاهتمام

رد: استشاره مهمه جداااااااا.ارجو الافاده
 

يعنى رأيى خليك فى اللوجان و الباليو,
الباليو هى هى السيينا بس هاتشباك, و السيينا عربية فى المجمل رائعة من حيث الأداء و التحمل و متعة القيادة, و بتديك أعلى من سعرها بكتير و هى تصنع فى البرازيل و تركيا.
اللوجان سيارة رينو المخصصة للعالم الثالث, يعنى فى مقام السيينا بالنسبة لفيات, و هى ترتكز على الكليو فى معظمها, سيارة جيدة أيضا لأن الكليو سيارة ممتعة و حسنة السمعة, و هى تصنع فى رومانيا.
الهيونداى اى 10 سعرها لا يتناسب مع ما سوف تقدمه لك, يعنى ايه اللى يخلينى ادفع المبلغ ده فى عربية كورى طالما فيه اوروبى فى نفس السعر أكثر جودة و أكبر حجما زى الباليو و اللوجان ,
فى السعر ده برضو عندك البونتو كلاسيك, سيارة جيدة و صناعة ايطالية, و جودتها مرتفعة, و أنيقة للغاية, سعرها حاليا فى حدود ال65 الف جنيه.

رد: استشاره مهمه جداااااااا.ارجو الافاده
 

متشكر جدا يا فادى على ردك ونصيحتك الغاليه
بجد افادتنى جدا
وان شاء الله هعمل بيها
بس ياترى اللوجان والباليو من حيث قطع غيارهم والصيانه اخبارهم ايه
انا بحاول اعرف كل حاجه عن العربيه اللى هشتريها ان شاء الله عشان اتجنب المفاجاّت الغير ساره اللى
ممكن تحصلى بعد كده

رد: استشاره مهمه جداااااااا.ارجو الافاده
 

الاتنين ليهم قطع غيار و مراكز صيانة فى التوكيل,
الباليو يمكن قطع غيارها أرخص شوية, و ممكن تلاقيها برا التوكيل كتير و بأسعار رخيصة , و التوكيل اوماترا بيقال انو كويس فى المعاملة و مستوى الخدمة, بس معرفش كتير عن الأسعار.
اللوجان معنديش معلومات كافية عن التوكيل بتاعها, بس فيه اللى ممكن يفيدك فى المنتدى.

رد: استشاره مهمه جداااااااا.ارجو الافاده
 

متشكر جدا يا فادى
انا دماغى كانت هتنفجر من اللخبطه
مش عارف استقر على عربيه
كل ما اقرر الاقى عربيه تانيه بمواصفات احسن ونفس السعر
كده الاختيار بقى محصور بين لوجان وباليو