|
مساعده بخصوص نقل ملكية سياره
انا اشتريت عربيه بتوكيل و الرخصه كان فيها سنه و السنه دي هاتخلص الشهر اللي جاي
فاانا عايزه ابدا اجراءات نقل الملكيه بس طبعا الاهل و الاصدقاء كل حد برأي وبمعلومه مختلفه عن التاني فاحبيت استفسر منكم عن الاجراءات انا اولا هاروح الشهر العقاري بس عايزه اعرف ايه الورق المطلوب وهل شهادة المخالفات مطلوبه في الشهر العقاري ولا لا ؟؟؟ سؤالي التاني لرخصه مرور العتبه وهنقلها على مرور الجيزه فهل هاستلم الرخصه على طول في نفس اليوم ولا لا عشان سمعت ان في حاجه اسمها نقل الملف وده طبعا بياخد وقت وان مش بستلم الرخصه الجديده غير بعد ميتنقل فهل ده صحيح ؟؟؟؟؟؟ اتمنى حد يساعدني ويقولي على الخطوات كلها ياريت الائي رد على اسالتي من اهل الخبره او من حد يكون مجرب المشوار ده |
رد: مساعده بخصوص نقل ملكية سياره
السلام عليكم
حضرتك بتروح الشر العقارى ومعاك اصل التوكيل والرخصة سارية والبطاقة الشخصية وتنقل ملكية لنفسك بيع للنفس وبتدفع رسوم الملكية حسب نوع وموديل والسى سى بتاع العربية كل عربية بتختلف عن التانية فى الرسوم لو انتاج محلى بتبقى ارخص من الاستراد لو الرخصة منتهيا بتجيب مع الورق شهادة بينات موجهة للشهر العقارى اما موضوع الرخصة بتاخد تصريح لمدة 6 شهور لحد لما الملف يتنقل |
رد: مساعده بخصوص نقل ملكية سياره
اقتباس:
يعني معنى كده اني مش بستلم الرخصه في نفس اليوم ؟؟؟ |
رد: مساعده بخصوص نقل ملكية سياره
اختى الكريمة hebawagdi5
الخطوات كالتالى مشوار للشهر العقارى تعملى عقد بيع مسجل باسمك ....ولو ان العربية لانسر 99 ممكن يتكلف حوالى 300 جنية تانى مشوار مرور العتبة تجيبى من هناك شهادة مخالفات بموجب عقد البيع المسجل الى معاكى او حتى التوكيل لو لسة ما عملتيش عقد بيع مسجل بس خدى بالك ان شهادة المخالفات صلاحيتها 15 يوم تالت مشوار لمرور الجيزة وتروحى بدرى تعملى الاتى تشترى نموذج فحص ونقل ملكية من الخزنة تدفعى التامين الاجبارى تبع اى شركة تامين واعتقد ان السنة فى حدود 120 جنية وعلى حسب رغبتك عاوزة تجددى سنة او تلاتة تروحى لعامل رفع البصمة وبعدها تمضى شهادة صلاحية الطفاية وبعدها مهندس الفحص بيمضى الورق كولة تتجهى للشباك ومعاكى اصول الورق كولة ( عقد البيع المسجل- رخصة السيارة - شهادة المخالفات- نموذج الفحص - التامين الاجبارى ) + صور من البطاقة الشخصية + الرخصة+عقد البيع المسجل وتدفعى الضريبة على حسب سنة او 3 سنوات وتستلمى الرخصة بامر الله فية بقى متغيرات ممكن تقابلك ممكن مهندس الفحص يطلب منك مطابقة بصمة ودى بتتعمل على الورق بس يعنى بتخدى الجواب اللى بيكتبة وبتروحى بية مرور العتبة بيختمولك وترجعى تانى مرور الجيزة تانى متغير انك تخدى تصريح بدل الرخصة لاى سبب بقى واشهرهم الكمبيوتر عطلان او السيستم واقع او الملف مجاش ممكن تفضلى معلقة النمر القديمة وممكن تغيرى النمر ملهاش معيار |
رد: مساعده بخصوص نقل ملكية سياره
اقتباس:
|
| الساعة الآن 03:42 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017