مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   المرور والشهر العقارى (https://www.masrmotors.com/vb/forumdisplay.php?f=89)
-   -   عايز تعرف مــخـالــفـات عربيتك خش بسرعة (https://www.masrmotors.com/vb/showthread.php?t=3831)

Payoo 27-10-2008 10:04 PM

عايز تعرف مــخـالــفـات عربيتك خش بسرعة
 

مخالفات المرور استعلم عن مخالفات المرور فى مصر خـدمـات نيابات المرور خدمة مخالفات رخص المركبات خدمة مخالفات رخص القيادة عبر بوابة الحكومة الالكترونية ((اضغط هنا ))

بسهولة جدا وانت في بيتك تقدر تعرف مخالفاتك بالتفصيل وتقدر تتظلم كمان والأكثر من كده إنك تاخد شهادة برائة زمة مالية وأنت في مكانك :120105~352:


حد مصدق إن مصر فيها الكلام ده يا جدعان ؟ :shyy:

وزارة الداخلية ربنا يخليها عفت عن الشعب وأوقفت الحكم المؤبد على المواطنين بالتعذيب أمام الشبابيك وتضيع الوقت والدوخه والرشاوي :fun_10_1_124[1]:

وزارة الداخليه ربنا يخليها يا رب أفرجت عن الشعب المصري لسوء سيره وسلوكه طوال مدة الحكم المؤبد إللي كنا واخدينه بالذاب والأشغال الشاقة أمام وحدات المرور المختلفة :dzy:

أيه بقى إللي حصل وإيه بقى إللي جرى ؟ :w6w2005041122063463


الواد أبن أبو سليم أبو لسان زالف كان بيلقح على الحكومة وبيقول أنها مش ناوية تواكب العصر وتعتمد على العفريت إللي ساكن في شبكة الأنترنت وتخليه يخدم الناس ويجيب لهم طلباتهم لحد عنديهم وهما في أماكنهم زي بقيت مخاليق ربنا في الدول التانيه :smileW4:

بس أهو ربنا كسفه وخللا الحكومه تحضر الجن إللي ساكن في شبكة الأنترنت و بقى يوصل الرخص لحد الناس فس أماكنهم دلوقتي:Wkiss5:

و عشان ربنا كبير ورحمته واسعه حط في قلب الحكومة زرة رحمة وخلاهم يقدموا بعض الخدمات من خلال الأنترنت وأفرج عن الناس وعفا عنهم وعن الأشغال الشاقة المؤبدة إللي كانوا بيعملوها طول فترة العقوبة السابقة :120105~454:

ومن رحمة ربنا أنك دلوقتي تقدر تدوس على اللينك ده

مخالفات المرور
استعلم عن مخالفات المرور فى مصر خـدمـات نيابات المرور خدمة مخالفات رخص المركبات خدمة مخالفات رخص القيادة عبر بوابة الحكومة الالكترونية (( اضغط هنا ))

وتشوف مخالفاتك بالتفصيل الممل وتتظلم كمان
ويترد عليك خلال يومين ويقولولك إذا كان تظلمك مقبول ولا لاه
وتقدر تدفع مخالفاتك وأنت في بيتك سواء كان معاك "فيزا" أو "ماستر" كارد أو حتى ممعكش
لو معاك طريقة دفع ألكترونيه "فيزا" أو ماستر" أو أي وسيله تانيه هاتدفع وأنت قاعد قدام جهاز الكومبيوتر و شهادة برائة الزمة المالية من المخالفات هاتجيلك لحد عندك على العنوان إللي أنت تحدده وفي الميعاد إللي يناسبك (ياحلاوه ياولاد)

ولو ممعاكش وسيلة دفع الكترونيه تختار أختيار تاني وهو "الدفع عند الاستلام" يعني هاتدفع لما تجيلك الشاهدة لمندوب البريد بس هاتضيف 3 جنيه على قيمة المخالفات هههههههههه مش مصدقين طبعا

هاجي أكمل لكم الموضوع بعد شوية

وعلى فكرة انا مجرب الخدمات دي قبل كده كذا مرة

محمد حنفى 27-10-2008 10:19 PM

رد: أعرف مخالفاتك وأنت في بيتك بالتفصيل
 
خدمه ممتازه بس للآسف مفيش مرور المعادى ومرور والبساتين

Payoo 27-10-2008 10:31 PM

اقتباس:

المشاركة الأصلية كتبت بواسطة medo1970 (المشاركة 9595)
خدمه ممتازه بس للآسف مفيش مرور المعادى ومرور والبساتين

أدي طمع الأنسان المصري ptmnlo123per195
أنت أيه يا أخي ما بتحمدش ربنا أبدا ولا بتشكر الحكومه على خدماتها الجليله ؟
في بدل الحل ميه عشان تبقى زي بقيت المفرج عنهم
ممكن تعزل من البساتين وتسكن في أي حته مع الناس إللي خدوا أفراج
وممكن تزور في البطاقة وتخللي محل سكنك تبع حته خدت أعفى من الأشغال الشاقة المؤبده
وممكن تحضر أنت الجن بنفسك وتخليه يجيبلك الرخصة لحد عندك
وممكن تعمل عمل لوزير الداخليه تخليه يحط المرور بتاعك من ضمن المرورررررات المعفى عنها
وممكن تدعي ربنا أنه يخللي الحكومه ترضى على الشعب كله مش حبه منه بس

ويجعله عامر
http://www4.0zz0.com/thumbs/2008/10/27/19/439951338.jpg

Payoo 27-10-2008 10:36 PM

رد: أعرف مخالفاتك وأنت في بيتك بالتفصيل
 
كلام بجد بقى
أنا أتعاملت مع الخدمة دي من سنة وماكنش فيها غير مرور واحد وبعدها بشهر لقيت مرور كمان أنضاف عليها

وبعد سنه اهو بقى فيه أكثر من 7 أو 8 من وحدات المرور الألكترونيه

يعني شوية صبر وهانلاقي الدنيا بقت فل

بس أدعي معايا ربنا أننا ما نصبرش صبر أيوب
ptmnlo123per1100

محمد حنفى 27-10-2008 10:40 PM

رد: أعرف مخالفاتك وأنت في بيتك بالتفصيل
 
يا باشا بطاقتى القديمه تبع المعادى ودى اللى مطلع عليها رخصة السياره
والبطاقه الجديده تبع البساتين
اعمل ايه اكثر من كده
خلاص يبقى نغير الحكومه


الساعة الآن 11:27 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017