كل اللي اشتري عربيه مستعمله تعالي محتاجين مساعدتك
 

رد: كل اللي اشتري عربيه مستعمله تعالي محتاجين مساعدتك
 

فكرة كويسة جدا

رد: كل اللي اشتري عربيه مستعمله تعالي محتاجين مساعدتك
 

نصيحة منى ليك لما تيجى تشترى عربية بالذات لو كانت أول مرة ليك خليك صبور جدا وما تتسربعش الدنيا مش حاتطير والعربيات مش حاتخلص وبدل الواحدة الكويسة حاتلاقى مية ، وأنا باقولك كده علشان أنا اشتريت من السوق عربية عن طريق تاجر يقرب واحد صاحبى وفى نفس الوقت كنت موصى خالى فى اسكندرية يشوفلى عربية ، بس أنا كنت مستعجل فنزلت السوق وقابلت التاجر ومع تالت عربية شوفتها اشتريتها والعربية ولله الحمد حالتها كويسة إلا انى كان ممكن اجيب حاجة احسن وبسعر اقل وده بسبب تسرعى والتاجر برضو اللى معايا كان عايز يقلبنى بسرعة علشان يرجع لشغله تانى والكوميدى فى الموضوع ان بعد ما اشتريت العربية ب 3 ايام لقيت خالى بيكلمنى على عريبة زى اللى جيبتها بس موديل احدث وفيها امكانيات اكتر وبسعر ارخص الف ونص بس أنا قلت الحمد لله على كده وده درس اتعلمته ولا يمكن انساه.

والاحسن من وجهة نظرى مادمت لسه جديد ومالكش فى العربيات قوى انك بلاش تشترى من السوق وحاول تشترى من حد صاحبك أو معرفة أو لو ليك حد بيفهم فى العربيات خليه يشوفلك حاجة من عنده بس لازم يكون شخص ثقة جدا، ولو زنقت معاك ولازم تروح السوق يبقى لازم معاك شخص بيفهم كويس وعنده ضمير علشان ما يقلبكش فى أى بيعة وما تتكسفش تجرب العربية وتفصصها حتة حتة واياك تتهز لما تشوف عربية عجبتك وتلاقى حد تانى بيبص على العربية معاك اصل ساعات دى بتبقى حركات بيعملوها علشان يلبسك العربية .

وابقى استخير ربنا وان شاء الله حايكرمك بحاجة كويسة

رد: كل اللي اشتري عربيه مستعمله تعالي محتاجين مساعدتك
 

والله عندك حق في كل كلامك
ربنا يبارك فيه يا باشا
وربنا يسترها

رد: كل اللي اشتري عربيه مستعمله تعالي محتاجين مساعدتك
 

انا بصراحه بحب اشتري العربيه المستعمله نضيفه جدا و اساسيتها حلوه
حتي لو اغلي الفين او تلاته الاف عن السوق
لان الحاله الحلوه مش بتتعوض
و عندي دايما تاجر بشتري منه و حتي من غير ما ابص علي العربيه اخدها لاني واثق فيهو عارف شغله نضيف ازاي