|
رد: في بيتنا............صيدليه
ملخص بحثى ( الغير متخصص ) عن مرض ارتجاع المرىء للافادة اولاً فيه تشابه مابين الامراض الثلاثة دول تقرحات بالمريء أو المعدة أو الأثنى عشر ارتجاع بالمرىء (مرض غورد) الاصابه الفيروسية فى المعدة ---- الوصف والاسباب ------ تلف بالغشاء المخاطي عدم كفاءة العضلة العاصرة في أسفل المرئ فتق الحجاب الحاجز (اكبر من 2- 4 سم ) --- الاعراض ------ حموضة (حرقة في المعدة) القىء ، غثيان الم صدر رائحة فم كريهة جدا مشاكل فى الاسنان ------ التشخيص الرقم الهيدروجيني للمريء(درجة الحامضية أو القلوية) قياس ضغط المريء الأشعة السينية مع الباريوم منظار مريئي معدي معوي والاثنى عشر (EGD) --- مع اخذ عينات صورة دم (لكشف وجود انيميا) تحليل براز -- المضاعافات --لا قدر الله ---- تحول (باريت) في المريء(Barrett's esophageal metaplasia) (تغييرات في خلايا الغشاء المخاطي المبطن لأسفل المريء من صدفية إلى عمودية). سرطان المريءEsophageal) adenocarcinoma)-شكل نادر من السرطان.(ادينوكارسينوما المريء) التليف الرئوي ----- تغيير النمط * تجنب الأطعمة والمشروبات التي تُزيد من حدة أعراض ارتجاع المريء. * الفواكه الحمضية. * الشوكولاتة. * المشروبات التي تحتوي على كافيين أو كحول. * اللحوم المشوية الغنية بالدسم. * البصل والثوم والتوابل. * النعناع. * التوقف عن التدخين. * التخلص من الوزن الزائد. * تناول وجبات خفيفة حوالي 5 وجبات يومياً. * تجنب النوم بعد الأكل مباشرة. * تجنب الوسائد التي ترفع الرأس فقط، لأن هذا لا يفيد كثيرا للحموضة ويسبب ضغط مستمر على الرقبة * الملابس الضيقة حول البطن يمكن أيضا أن تزيد من الحموضة لأنها تسبب ضغط على المعدة * النوم على الجانب الأيسر يقلل من الأعراض الليلية للارتجاع. -----العلاجات مثبطات ضخ البروتون (دواء يقلل إفراز الحمض المعدي) ++ مثل omeprazole، دواء الإسومبيرازول، pantoprazol ،lansoprazole وrabeprazole مضادات الحموضة كربونات الكالسيوم ولكن (ليس هيدروكسيد الألومنيوم) وجد أنها في الواقع تزيد من إفراز الحمض في المعدة. على الرغم من أنها تخفض الحموضة في أسفل المريء، يظل التأثير النهائي هو زيادة أعراض ارتجاع المريء Losec, pariet , Nexium , lansoprazol ++ مضادات الهستامين ranitadine -famotadine cemitadine رانيتيدين ++ حامض الألجنيك (Gaviscon) ++ (بروكاينيتيكس) يقوي الصمام السفلي للمريء ويسرع تفريغ المعدة مثل (motilium) ----- العلاج الجراحى -- لاقدر الله عملية نيسن |
رد: في بيتنا............صيدليه
omeprazole
ranitadine Gaviscon motilium بعد البحث والتنقيب لقيت ان ديه المجموعة الانسب للعلاج بس مش عارف ينفع اخدهم كلهم مع بعض ولا ايه :shyy: |
رد: في بيتنا............صيدليه
انا نزلت جبت الاتى
Gaviscon شرب صناعة مصرى شركة الدبيكى !!! شكله تعبان ومجبتش رانتيدين علشان قالولى ده يغنى عنه motilium - مينا فارم - مصرى بردو وهيليى كيور - Heli cure - مصرى شركة ايجى فار - على اساس انه يحتوى على نفس المادة الفعالة omeprazole |
رد: تجربتى مع القرحة وارتجاع المرىء
ميت فل وال14 :CHUBBY~36:
بص يا باشا لو دور حموضه بسيط او عابر وبيجيلك مثلا بعد اكله معينه او كبايه شاي تقيله يبقي اي حاجه من مجموعه h2 blocker رانتيدين زي زانتاك جلاكسو ورانيتاك سيديكو الي اللي كلنا بنحبه راني فوار بتاع فاركو :CHUBBY~36:تمااااااااام لا اصل انا جربت وعايز حاجه ملطفه سريعه وشغل علي ترطيب القناه الهضميه يبقي ميوكوجيل او ابيكوجيل معلق المحترمين بتوع ابيكو طالما جيفسكون محبتوش ... :CHUBBY~36: لالالا انا اساسا عندي حموضه مزمنه واخدت كتير او انا باتعالج منها وعارف كل الادويه اللي فاتت والمريييييييييييييييض مش مقتنع يبقي علي سكه proton pump inhipitor بدايه من الاوميبرازول الي الرابيبرازول الي البانتوبرازول الي الانزوبرازول ودول اشد من مجموعه الرانيتيدين والفاموتيدين اما لو كان عنده بكتيريا هليكوباكتر فنديله حاجه زي هليكيور لانه تركيبه من مضاد حيوي وفطري واوميبرازول ولازم ياخد كورس علاجها كامل واحيانا تكرر كل سنه او حسب راي المعالج... وعلي فكره نسبه كبيره جدااااااااااااا غير اللي بيحبوا الفوارات بتاعه المعده عشان احساس الراحه بعد التجشء وخصوصا بعد الاكلات الدسمه تحياتي راني فوار او اسيلوك فوار :010104~171: |
رد: تجربتى مع القرحة وارتجاع المرىء
الف سلامة عليك
نفس المشكلة اعانى منها من اربع سنين ارتجاع المرىء وعدم قدرة المعدة على الهضم وبعد الفحوصات والمنزار وجد ان العضلة العلوية للمعدة { عضلة الفؤاد} ده اسمها العلمى مفتوحة على طول لاتقفل ابداء وطبعا لى بعد الزملاء فى العمل عملوا جراحة ولكن مازالوا يعانون من الاعراض المهم افضل علاج ريحنى هو الريسك واحدة على الريق وفلاكيوبرايد قرص قبل كل وجبة وبعد 3 اشهر من استعمالهم الحمد لله احسن وماشى من غير علاج بس بشرط مهما كنت جائع لا اككل اكثر من رغيف عيش او نصف طبق ارز والبعد عن المقليات بقدر المستطاع والله الشافى |
| الساعة الآن 11:42 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017