|
أرجو الإهتمام ممن عنده معلومات أكيده عن سيارات المعوقين
السلام عليكم ورحمة الله وبركاته أرجو الرد على سؤال ممن لديهم معلومات أكيده عن سيارات المعاقين أنا عندي سياره دايو تو معاقين ومترخصه ومركبه نمر وكله تمام فات على شرائها من بور سعيد حتى الأن 3 سنوات سؤالي هل لو دفعت مبلغ فك الحظر في القاهره أقدر بعد كده أتصرف في العربيه وأبيعها وأنقل ملكيتها بإسم حد تاني يعني السؤال باختصار ماهي مدة حظر بيع السياره هل هي 3 سنوات ولا 5 سنوات زي مسمعت ؟ السؤال تاني أنا عايزه أبيع السياره دلوقتي مع العلم إنه عدى عليها 3 سنوات وهاروح القاهره أدفع مبلغ فك الحظر سؤالي هنا لأي حد في مرور طنطا نقل ملكية السياره أو بيعها بيتم من خلال المرور بس في حالت سيارة المعاق هل بيع العربيه ونقل ملكيتها بإسم حد تاني بيتم بعد 3 سنوات ؟؟ ولا 5 سنوات ؟؟ أرجو الإهتمام والرد |
رد: أرجو الإهتمام ممن عنده معلومات أكيده عن سيارات المعوقين
بالنسبه لمده الحظر علي حد علمي 3 سنين وبالنسبه للحظر مينفعش تنقلي ملكيتها الا بعد ما تفكي الحظر و بعد مرور الفتره المحدهه ال3 سنين ممكن حضرتك تتصرفي الاتي ان تعملي توكيل للي عايزة تبيعيله توكيل عام بالاداره ماعدا الشئون المروريه وبيتكتب كده بالتوكيل ودي معناها ان بالتجديد ينقل باسمه ويكتب تعهد انه استلم العربيه كاملا وهوا المسؤل الاول وتعملي شهاده مخالفات يعني حضرتك هتبيعيها بس هتفضل باسمك لحد ما تفكي الحظر ده لو حضرتك حبي تبيعي قبل مده الحظر واول تجديد بعد فك الحظر هتتنقل باسمعه عادي وبالتوفيق يارب |
رد: أرجو الإهتمام ممن عنده معلومات أكيده عن سيارات المعوقين
فعلا الحظر بيتفك بعد 3 سنين وحضرتك بتقدري تبيعيها عادي جدا وبكل سهولة
|
رد: أرجو الإهتمام ممن عنده معلومات أكيده عن سيارات المعوقين
جزيل الشكر على الإخوه إللي ردو
جعله الله في ميزان حسانتكم إنكم طمنتوني ربنا يفك عنكم كربه من كرب يوم القيامه يارب |
رد: أرجو الإهتمام ممن عنده معلومات أكيده عن سيارات المعوقين
اهلا و سهلا بيكي معانا في مصر موتورز
بالنسبه لفك الحظر مع دفع مبلغ 9600 جنيه يمكن فك الحذر بعد ثلاث سنوات و لا يتم دفع المبلغ في حاله الانتظار لمده 5 سنوات في تلك الحاله لا يتم دفع اي مبلغ. في حاله ما قبل فك الحذر لا يمكن التصرف في السياره بالبيع او الشراء او القياده الا مالكها فقط و لا يجوز لا فرد التعامل مع السياره حتي ولو بتوكيل رسمي عام. عند الذهاب لفك الذحر في مصلحه الجمارك لابد من وجود السياره معكي و يوجد بها جهاز الاعاقه المحدده في القمسيون الطبي و يتم فحص السياره و دفع المبلغ المطلوب و استخراج ما يفيد دفع المبلغ و جوا بموجه الي المرور لكي يتم فك الحذر بالمرور و تعامل مثلها مثل اي سياره عاديه |
| الساعة الآن 03:32 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017