رد: متابعه يوم بيوم ل فك ماتور و عمل طقم شنبر
 

يا أستاذ مجدى كلك ذوق بجد .. حقيقى انا فرحت جدا لما لقيت حد من الزقازيق ع المنتدى هنا لأن بجد كل أعضاؤه زى حضرتك كدا فعلا ناس محترمين .. يسعدنى انى أقابل حضرتك وأتعرف عليك ودا رقم تليفونى للتواصل مع حضرتك 0126818608 .. انا ساكن ف القوميه عند روفيده ميديكال لو تعرفها اللى بعد مستشفى المبره ... وانا مش ناوى اعمل شغل سمكره دلوقتى ف العرببيه لأن ف حاجات تانيه اهم عندى دلوقتى ف المكنه والكهربا .. المهم أحب فعلا اتعرف بحضرتك .. وفرصه طيبه جدا .. ومنتظر بإهتمام أتابع اخبار عربيتك " ع فكره انا خالى اول عربيه اشتراها كانت 131 1600 cc إيطالى 1977 وكانت اوتوماتك وتكييف وزجاج كهرباء " انا عمرى ماهنسى العربيه كانت وهم ومن ساعتها وانا بقدر ال 131 جدااااااااا ..

رد: متابعه يوم بيوم ل فك ماتور و عمل طقم شنبر
 

دكتور تكلا انا اللى يسعدني ان اتشرف بحضرتك
دلوقتي العربية بقي لها يوم (من 11 : 10)و كام ساعه (8 : 10) شغاله عند الميكانيكي والميكانيكي كان بيقول انها فى التليين هتحرق 3 صفائح بنزين وهيا واقفة ولحد دلوقتي مش خلصت اكتر من ربع صفيحه فالميكانيكي قال لى ان النهارده ( اليوم الثانى بصرف النظر عن الساعات اللتي تم تشغليها بعد تسقيط الماتور ) ينفع اخد العربية لان البنزين كده بقي مضبوط و قال لي كفايه عليها كده ايه رايكم؟؟
انا بفكر بليل بدل ما امشي بيها اشدها للبيت واكمل عليها حرق النهارده وبكره
مستني رايكم

رد: متابعه يوم بيوم ل فك ماتور و عمل طقم شنبر
 

رحت يوم الخميس و خدت العربية وحاسبت الميكانيكي المصنعيه 400 جنيه
مشيت بالعربية ما بين 30 : 40 اول يوم
وروحت ونزلت يوم الجمعه الصبح قست الزيت والمياه لقيت الزيت ناقص ومعلم تحت علامه min ولاحظت وجود ترشيح على الماتور من الخارج مصدرها الجوانات وراجعت المياه مش لقيت فيها مشكله رحت غيرت الزيت والفلتر و غسلت الماتور علشان الترشيح الجديد يبان مصدره
وسبتها كام ساعه و بصيت عليها لقيت الريداتير بينقط مياه وعامل تحتها بقعه مياه و مفيش بقعه زيت
بس الترشيح لسه موجود فكده هروح تاني للميكانيكي يشوفها

رد: متابعه يوم بيوم ل فك ماتور و عمل طقم شنبر
 

يوم الجمعه امس عايرت استهلاك العربية فى البنزين وذلك بالطريقة المعهوده
وطلعت فولت التنك ومشيت مشوار 19 كيلو على سرعه 40 : 50 : 60 و رجعت فولت تاني من نفس البنزينه لقتها خدت 2 لتر
كده المعدل بتاعها بسم الله ما شاء الله
1 لتر بنزين تم استهلاكه فى 9.50 كيلو متر بسرعه 40: 50 : 60 كيلومتر /ساعه

رد: متابعه يوم بيوم ل فك ماتور و عمل طقم شنبر
 

انا كمان ان شاء الله بكرة هفك ماتور فيات131 عشان اعمل شمبر
كمان اركب ديسك واسطوانة
بالمرة اطمن على الموتور هو 1600 سى سى 2 كامة
وهعمل عند عم سمير رسلان فى النكارية
وربنا يسهل وتعدى على خير