|
رجاء خاص من اصحاب كيا سول المساعدة ا ومن له تجربة
بسم الله الرحمن الرحيم انا شفت ناس كتيرمبسوطين من السيارة وفي نفس الوقت ناس بينتقدوا طب نسمع مين ؟ لاقيت الحل ان اسال كم سؤال هم اللي يهمو الواحد واتمنى الجواب بامانة يا اخوة واتمنى اللي يجاوب يقول حتى عمل كم كيلو بيها ^^ اولا السيارة متوفرة ام لا لاني ملاحظ انها منتشرتش وهل فيها مشكلة مستقبلا عدم الانتشار ؟ ثانيا هل موديل 2011 فيه abs اللي هو ب 122000 ولا بس الهاي لاين ثالثا عزم الموتور مع تحميل السيارة ؟ رابعا قطع غيارها اسعارها في حدود مثلا السيراتو خامسا هل موديلات 2012 كلها حتنزل 4*4 ام ماذا ؟ سادسا :ممكن صورة لريموت السيارة لاني شفت الريموت للخليجي كان المفتاح جواه وكان عاجبني فاتمنى يكون اللي في راسي ؟ سابعا:ثباتها على السرعة العالية هل هو جيد ام سيء؟ وجزاكم الله خير اتمنى يكون الموضوع مساعد لاغلب الاخوة اللي عندهم رهبة من الكوري عموما والسول خصوصا واتوجه بالشكر والدعاء لكل من جاوب بامانة واقول فرج الله عنك كربة من كرب الدنيا والاخرة :) |
رد: رجاء خاص من اصحاب كيا سول المساعدة ا ومن له تجربة
اقتباس:
اولا السيارة متوفرة ام لا لاني ملاحظ انها منتشرتش وهل فيها مشكلة مستقبلا عدم الانتشار ؟ أول إنتاج لهذه السيارة عام 2009 يعنى لسه مش بقالها سنتين .. يبقى نسبة انتشارها فى السنتين دول معقول جدا .. و هيزيد جدا فى المستقبل . ثانيا هل موديل 2011 فيه abs اللي هو ب 122000 ولا بس الهاي لاين موجود ال abs فى 2011 سواء فى الهاف أوبشن أو فى الهاى لاين ثالثا عزم الموتور مع تحميل السيارة ؟ عزم الموتور فوق الممتاز حتى وأنت محملها ماتقلقش خالص من النقطة دى رابعا قطع غيارها اسعارها في حدود مثلا السيراتو قطع الغيار سعرها معقول و تقريبا نفس أسعار السيراتو لأن موتورها هو نفس الموتور اللى فى السيراتوخامسا هل موديلات 2012 كلها حتنزل 4*4 ام ماذا ؟ 4*4 ده معناه سحب رباعي .. و السيارة مش فرويل عشان يكون فيها سحب رباعي ماعتقدش ان هتنزل كده . سادسا :ممكن صورة لريموت السيارة لاني شفت الريموت للخليجي كان المفتاح جواه وكان عاجبني فاتمنى يكون اللي في راسي ؟ الروموت ل 2011 زى ما انت بتقول بيدخل المفتاح جواه اللى معايا كده بس السيارة خليجي معرفش التوكيل المصرى عامله إزاى سابعا:ثباتها على السرعة العالية هل هو جيد ام سيء؟ ثباتها ممتاااااااااااااااااااااا ااااااااااااااااااااز و الله يوفقك وممكن حضرتك تطلع على التقرير اللى عامله من واقع سيارتى و تجربتي هايفيدك و هايجوبلك على أسئلة كتير و ربنا يوفقك |
رد: رجاء خاص من اصحاب كيا سول المساعدة ا ومن له تجربة
يعني اللي معاك خليجي يا غالي وهل فيه خليجي 2011 متوفر ؟
وما افضل التوككيلات لشراء الخليجي وتتعامل مع البنوك بالنسبة ل انها حتنزل دفع رباعي ده مش كلامي ده نازل على موقع كيا وسؤال اخير اثقلت عليك هل المفتاح سمارت كي يعني بدون ما تدخلو الطابلوه تشغل السيارة ؟ وبالنسبة للمواضيع دخلت مواضيع كثير بس ملقيتش اجابات شافية :( |
رد: رجاء خاص من اصحاب كيا سول المساعدة ا ومن له تجربة
يا عمي متقلقش العربية معايا والله العظيم تحفه فنيه وبصراحه لا يوجد بها عيوب وتوكل على الله - انا شاريها بقالي 4 شهور وكل المميزات اللي تتخيلها موجوده ومشيت بيها 6 الاف كيلو لا يوجد بيها اي مشكله وبعدين العربية بديتها 2009 وانتشارها معقول جدا والمصريين مهبولين على العربية دين في السعودية يعني كمان سنتين اتفرج على انتشارها .................
|
رد: رجاء خاص من اصحاب كيا سول المساعدة ا ومن له تجربة
اقتباس:
|
| الساعة الآن 08:15 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017