علبة الدركسيون مبوشة / اية الحلول الصح
 

السلام عليكم وررحمة الله وبركاتة
لادا علبة الدركسيون بتعتها مبوشة لمتها مرة لكن تانى يوم بترجع زى الاول فى اكثر من راى ادامى عاوز اعرف انهى حل افضل
اولا شراء علبة دركسيون جديدة خمسة بلية بس طبعا غالية اوى
شراء واحدة استيراد بكام ومنين
اصلاح علبة الدركسيون القديمة هاتتكلف حوالى 170 جنية انا سالت بس هل الاصلاح مجدى ليها ولا شهر وترجع بايظة تانى
سؤال تانى معلش لو تكرمتم امبارح كنت عند عفشجى كويس وقالى المساعدين الخلفى هاغيرهملك باتنين بتوع عربية دبابة ( نص نقل يابانى ) وعلى التجربة بسعر 150 جنية فهل المساعدين دول مش هايلخو العربية ناشفة فى المطبات من الخلف ولا فى ناس عادى ركبتهم ومبسوطين منهم بالمناسبة انا سالت على سعر جوز مساعدين خلفى روسي بـ 150 جنية فهل اركب بتوع الدبابة ولا الجديد جديد برضة حتى لو روسي ولا فى نوع تانى انا معرفهوش ممكن تنصحونى بية

رد: علبة الدركسيون مبوشة / اية الحلول الصح
 

أعمل حشو لعبة الدركسيون الحاليه عند عفشجى أو ميكانيكى كويس

وأملاها شحم نظيف من نوع جيد

وبالنسبه للمساعدين

هات الجديد بتاعها أحسن

فالجديد جديد .......وخصوصا فى المساعدين

رد: علبة الدركسيون مبوشة / اية الحلول الصح
 

الف شكر اخى الكريم

رد: علبة الدركسيون مبوشة / اية الحلول الصح
 

الله يخليك

وبالتوفيق

رد: علبة الدركسيون مبوشة / اية الحلول الصح
 

هى علبة الدركسيون بيتحطلها زيت تروس ولا شحم يا باشمهندس؟