عايز مساعدتكم..لوجان ولا تيجو
عجباني اوي شكل التيجو ونفسي اجيبها بس خايف من كلمه صيني ومقتنع من اراء حضراتكم ان لوجان عربيه جديره بالاحترام.....
عارف ان الفئتيم مختلفتين بس انا فعلا عجباني العربيثتين بس التيجو عجباني اكتر بس خايف منها ..ياتري ابقي غلطان لوفكرت اجيب تيجو علما باني معجب جدا بيها اون نفسي في عربيه عاليه عن الارض وعمليه واقتصاديه وتكيفها كويس .. قبل كده فكرت في اللانوس واستبعدتها عشان واطيه وبتحك في المطبات والسانديرو واستبعدتها عشان عدم الانتشار وقطع الغيار.. ياريت حد يدلني ويساعدني عشان بجد محتار جداوحاسس اني مش هركب عربيه الا بعد خمسين سنه كمان علي مااخد قرااااااااااااار... ولكم جزيل الشكر مقدما |
رد: عايز مساعدتكم..لوجان ولا تيجو
انا بشوف التيجو كتير في الشوارع طبعا مش زي حاجات تانيه كتير لانوس لانسر ماتركس بس حاسس انها بدات في الانتشار ومتهيالي انتشارها زي اللوجان حاسس اني بشوفهم بنفس المعدل تقريبا ..
سالت واحد كان راكب اللوجان وكان راكن مستني واحد تقريبا رحت سالته عليها شكرلي فيها جدا ياريت تقولولي رايكم المبدئي حتي لو كنتوا مكاني تشتروا التيجو لو حابينها ولا تخليكو في الاضمن وتشتروا حاجه زي اللوجان او اللانوس وتضحوا بالكماليات والشكل الافضل (من وجهه نظري يعني) ..؟؟؟؟؟؟؟؟؟ |
رد: عايز مساعدتكم..لوجان ولا تيجو
انا مش قارن ما بين اللوجان والتيجو عشان انا عاهد نفسي علي اني لا اقارن اللوجان باي عربية بس كل اللي اقدر اقولهولك ان اللوجان من العربيات الممتازة اللي فيها كل حاجة انت محتاجها وزيادة واقل مثيلاتها في المشاكل وعيوب التصنيع وياريت تقرا في المنتدي عن عيوب ومميزات الاتنين قبل ما تقرر شراء اي نوع
|
رد: عايز مساعدتكم..لوجان ولا تيجو
اقتباس:
بس انا خايف من نقطه قطع الغيار وسعر اعاده البيع ياريت حضرتك تفيدني في النقطتين دول علما اني مش هنوي اغيرالعربيه الا ان شاء الله بعد 5 سنين ياتري ساعتها هخسر اد ايه من تمن العربيه الاصلي مقارنه باللانوس؟؟؟؟ ولك جزيل الشكرشكر وتقدير |
رد: عايز مساعدتكم..لوجان ولا تيجو
اشترى التيجو ،،ومش هتندم انشاء الله |
الساعة الآن 01:32 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017