أول صدمة لى فى التوكيل
 

انا معايا تيجو 1600 موديل 2009
اول حاجة ظهرت معايا كانت صوت تخبيط للشكمان فى بطن السيارة من تحت و كان فى تنتيشة بتظهر من اول ما اتحرك وحتى سرعة 30 ك /س ولكن مش بصفة دائمة وعلى فترات طويلة رحت التوكيل تكنو سيرفيس 2 علشان أعمل صيانة ال25 وكمان العيوب اللى ظهرت دى . وبعد 6 ساعات طلع لى المهندس يقولى ان هم غيروا الجوانات اللى مسكه الشكمان وصوت الخبط راح ولما شوفت السيارة لقيت الصوت فعلا راح وظهر صوت تانى زى ما يكون الشكمان اتخرم ولما سألته قال لى أن الصوت ده جى من علبة البيئة مكسورة ولازم تتغيروللأسف دى بره الضمان وسعرها 750 جنيها والحمد لله لما راح المخزن ملقهاش وكنت متضايق مش علشان مش موجودة لكن علشان ده عيب مكنش موجود اصلا ولما قالت للمهندس قالى لا كان موجود بس صوت الخبط كان مغطى عليه ؟؟؟؟؟؟؟؟؟؟ شوف الهبل .
المهم مشيت وكان الصوت مزعج جدا والتنتيشة لسه زى ما هى موجودة وبعدين رحت لواحد بتاع شكمان قال لى اول ما سمع الصوت ده اكيد من علبة البيئة ده عيب معروف فى التيجو . وبعد الكشف اتضح ان العلبة سليمة والجوان بس هو اللى اتغير و الموضوع كله اتكلف 90 جنية يالأكراميات . والحمد لله انى ما لقتش العلبة موجودة والا كنت دفعت 750 غير المصنعية طبعا . (أسف للإطالة بس حبيت اشارك يمكن افيد حد تانى وعندى حاجة تانى بس هعملها فى موضوع جديد )

رد: أول صدمة لى فى التوكيل
 

الخطاء والاستسهال موجود
مش عند ابو الفتوح لوحده
موجود في معظم مراكز الصيانه في مصر

رد: أول صدمة لى فى التوكيل
 

فعلا و الله عندك حق

رد: أول صدمة لى فى التوكيل
 

للاسف هذا هو الحال وكما قلت سابقا مفيش حد بيفهم فعلا فى مصر

رد: أول صدمة لى فى التوكيل
 

كنت اتمنى من حضرتك اتعاود ادراجك إلى الأخ الى هو مش أخ ولكن أخ منه ,وان تفضحه على الملاء امام جموع الناس الموجودة وتعلمه الأدب وتفهمه ان الى مشغله ظلمه وظلم نفسه ولكن عمره مايقدر يظلم من عنده حق وفلوسه حلال مثل حضرتك وناس كثيرة اخري---كان لازم ترجع وتأخذ حقك بأحترام وبشدة وقساوة لأنهم جبناء مثلهم مثل كل من يدعى إنه مصرى وهو لايستحق شرف الأنتماء لهذا البلد العظيم بشعبه الحر.