مصر موتورز مجتمع السيارات - البطاريه اتسرقت !!!

خلصت شغل الخميس خلصان وعاوز اروح بقه
بفتح السنتر لقيته مش شغال .... عادى البطاريه بتخلص على طول
بدور مافيش قولت القاطش .... فتحت الكبوت مالقتش البطاريه :06A7D5~132:
المشلكه مش فى تمن البطاريه ولا انى هاموت واروح ..... انا دمى اتحرق من كون انى اتسرقت(لغايه دلوقتى والله)
المهم سيبت العربيه واتصلت بزميلى قالى بالنص الواضح acdeleco صناعه سعودى
بصراحه بعتمد عليه فى الحاجات دى لانه من النوع اللى بيدور قوى قبل ما يطلع فلوس ويشترى
غلبت شويه علشان الاقى النوع ده وفى الاخر جبتها ب475 جنيه .
المهم جيت اركبها جه زميلى الخبره وقالى استنى ......... :fun_36_6_2[1]:
وراح مد ايده من وسط الشبكه الفيبر وعمل حاجه كده وطراخ راح الكبوت فاتح :w6w200504112239346e
وركب البطاريه دور دارت والدنيا تمام
قالى فى واير لو شديته بيفتح الكبوت بكل بساطه ولو ركنتها بكره تانى فى نفس المكان مش هتلاقى البطاريه الجديده
طبعا كان يوم خميس وقدامى جمعه وسبت اتصرف فى الموضوع ده
رحت للسمكرى حكيتله اللى حصل ولسه بقوله عاوز بقى ا........
قام جاب حته صاج ولحمها نحاس بعد الفبره بحيث تغطى الواير وما ينفش يتشد بعد كده :joy23:
المفاجاه بقه انى لقيت الموضوع ده شائع جدا وقالى ان فى حلول تانيه احسن بس هتاخد وقت اكبر وحاجات مش موجوده عنده دلوقتى
وموضوع اللحام ده اسرع حل قدامه وبعدين عربيتى رشه بره والحلول التانيه للعربيات الجديده (اساء لعربيتى الشرير):125935~148:
بنهايه اليوم تعلمت العديد من الدروس بصراحه :
1- مافيش مكان امن فى مصر تركن فيه حتى لو قدام محل بقاله مفتوح ماتركنهاش فى مكان ممكن الحرامى يبقى الناس مش شايفاه من اكتر من زاويه .
2- قفل الكبوت كويس ومنع حركه شد الواير مهمه جدا (فى واحد اتسرق منه الاسبراتير - تقريبا الحرامى كان معاه عده كامله).
3- انك تكون فاهم اللى هايشتغل فى العربيه هايعمل ايه بالظبط قبل ما يمد ايده عليها احسن كتير لانك ممكن تاخد قرار غير قراره حتى لو كان مكلف(شكل اللحام بصراحه مش عاجبنى)
4-مهما بلغت خبرتك فالاستعانه بخبره الناس لابد منها (تصوروا لو اشتريت البطاريه الجديده وركنت تانى يوم من غير ما اامن الواير).
5- انا لقيت مشاركه فى المنتدى عن نفس الموضوع وتامينه بطريقه احسن لو كنت شفتها , بس الحمد لله .
اجمل ما فى الموضوع انى وانا خارج من الشغل كنت لسه واخد الحوافز وبقول لنفسى اول شهر مش هاشترى حاجه فى العربيه وهبداء احوش بقه :vctry: