ارجو افادتى قبل ما يروح عليا الشكمان
 

باختصار شديد انا معايا فيرنا 2007 ركبت شكمان جديد الى هى العلبة اللى ورا بس المهم لقيت العلبة اصغر من القديمة والمهندس هناك قالىدى العلب الجديدة كلها ونازلة مع الفيرنا الجديد من بعد 2008 وفعلا كلامة صح انا نزلت تحت عربيات كتيير ولقيت نفس الكلام هو هو نفس الشكمان اللى عندى بالمللى وقالى دا عشان الناس اشتكت من الشكامن القديم بياكل المطبات
المهم جربت العربية كويسة السحب كويس بس ليا تعليقين الاول فى صوت تربنة بسيط جدا فى الشكمان بسيط خالص كدة وقالى الصوت هيروح مع المشى وعملت 400 كيلو الصوت خف سنة بس مش هادى زى الشكمان القديم على فكرة انا غيرتة لانى المصافى اللى جوة بقت رماد زى الرز اللى بيشخلل فى الشكمان يعنى العلبة فاضية من جوة
بعد ما قعد سنة على الحال دا غيرتة
المهم الصوت دا عادى عشان جديد الشكمان ولا اية المفروض يكون هادى جدا وللعلم هو القديم كان مفهوش صوت التربنة دا وعلى فكرة الصوت بسيط وفى السلانسية بس لما ارجع ورا اسمعة بودنى لكن صوتة مع المشى عادى فى السلانسية وفى الطلعة الاول هو بس اللى صوتة فى تربنة شوية ومش ملحوظة اللى مع اللى مدى ونة للعربية
دا السؤال الاول التانى بقى هو اللى مضايقنى جدا
رحت كذا احد عشان اشوف راية فى الشكمان قالى اية دا وحش ومش بتاعها وصغير وخانق العربية والعادم بيرجع تانى للمتور وجابولى العلبة الكبيرة ولازم دى تركب قلقت طبعا ومش عارف اعمل اية ومينفعش اروح لتوكيل اقولة غيرة الا اذا كنت على حق فقلت اسال الاول قبل ما ارتكب جناية هناك هل الصوت مع الوقت والمشى هيروح خالص على كلام المهندس
وللعلم انا متاكد انى كذا عربية فوق 30 عربية شفتهم نفس الشكمان بتاعى بالمللى وهل تركيب شكمان دا للفيرنا 2007 عادى ولا هو للموديلات الحديثة بس لانى مثلا عملين تعديل للشكمان كلة
معلومات جايز تفيد فى الاجابة
1-السحب كويس مفيس مشكلة
2-الحمد لله السخونة عادية ومع التكييف وعلى سرعات الحمد لله كويسة
3-سحب العربية مع التككيف كويس
اعمل اية الصنايعية صادقين ولا اية وهل الصوت هيقل زى ما قل شوية بعد 400 كيلو وهل دا بتاع الفيرنا يركب على الموديل القديم ولا الراجل فى التوكيل ريح وحط اى حاجة ارجوكم قبل ما يمر وقت ومعرفش اغيرة شكرا واسف جدا على الاطالة

رد: ارجو افادتى قبل ما يروح عليا الشكمان
 

متقلقش خالص خالص ..

طالما اداء العربية معاك زى الاول يبقى مفيش مشاكل ..

وصوت التربنة ده ناتج بسبب اختلاف حجم العلبة وزى ما قلتلك مفيش مشكلة طالما اداء العربية ثابت ...

رد: ارجو افادتى قبل ما يروح عليا الشكمان
 

متشكر جدا بس اية رايك فى الناس اللى بتقولى دى مش علبتها مع انى شوفت عربيات كتتتتير بمعنى الكلمة جديدة لانج زيرو وفيها نفس العلبة بالتفصيل هى هى الناس دى غلط ولا العلبة دى للموديلات الحديثة عشان معدلين فى الشكمان كلة وانا اعتقد مش معدلين غير العلبة اللى ورا بس

رد: ارجو افادتى قبل ما يروح عليا الشكمان
 

اي شكمان جديد زيرو بيبقى ليه ونة معدنية كده في الاول لحد ما ناتج العادم تترسب جوا العلبة و تبدأ تكتم الصوت و تعزل من جوه

انا ركبت شكمان جديد مرتين و كل مرة اسمع الونة دي لحد 2 - 3 الاف كيلو و بتختفي

رد: ارجو افادتى قبل ما يروح عليا الشكمان
 

الله يكرمك طمنتنى والله فعلا ريحتنى وجزاك الله خير بس بالنسبة للناس اللى بتقول انة مش بتاعها دول هبل ولا انا اللى اضحك عليا مع العلم لسة شايف انهاردة وانا رايح الشغل عربية مركباة زيرو ونفس الشكمان تانى بقى هقول هل فى الجديد عملوا تعديل على الشكمان كلة ولا الجزء الخلفى بس لانى لو على الشكمان كلة يبقى مش بتاعى الجزء الخلفى انما لو الجزءدا بس اللى اتغير يبقى عادى