مصر موتورز مجتمع السيارات - القياده علي كوبري اكتوبر

مصر موتورز مجتمع السيارات (https://www.masrmotors.com/vb/index.php)

- سفارى وطرق (https://www.masrmotors.com/vb/forumdisplay.php?f=7)

- - القياده علي كوبري اكتوبر (https://www.masrmotors.com/vb/showthread.php?t=141118)

القياده علي كوبري اكتوبر

لو سمحتم عندي سؤال
انا بسوق بقالي 3 سنين .بس مسافرتش ولا طلعت كباري زي اكتوبر والدائري
لكن سوقت في صلاح سالم وطريق النصر والمشاوير لا تتعدي نصف ساعه قياده
والحمد لله انا متمكنه بقدر كبير .عاوزه اروح حديقة الحيوان انا واولادي
وعرفت الطريق من خرائط جوجل ودرسته كويس والمفروض اني اخد كوبري اكتوبر
وسؤالي هو السواقه علي كوبري اكتوبر صعبه ؟ ولا عادي زي اي طريق بامشي فيه
ولا بلاش اجازف . وباعتذر علي الاطاله

رد: القياده علي كوبري اكتوبر

ما فيش أى إختلاف سواء على كوبرى أو طريق سريع المهم الحرص أثناء القياده والإنتباه تماماً خاصة أثناء الطلوع والنزول من على الكوبرى أما الطرق السريعه فمافيهاش مشكله لو تنبهتى جيداً للطريق وللسرعه المحدده وللسيارات من حولك وربنا يكتب لك ولأولادك السلامه

رد: القياده علي كوبري اكتوبر

شكرا لحضرتك استاذ نبيل عبد الرحمن

رد: القياده علي كوبري اكتوبر

تروحو وتيجو بالسلامة ان شاء الله وربنا يحميكو فى كل مكان

بالنسبة للسواقة على كوبرى اكتوبر او اى طريق سريع فالقواعد واحدة
1- ترك مسافة كافيه بين السيارة وما حولها سواء اللى قدامها او اللى وراها
2- الانتباه جيدا فى حالة الرغبة فى تغيير الحارة المرورية ( ويفضل منبدلش الحارة فوق الكبارى عموما والملفات )
3- تستخدمى الاشارات يمين وشمال وانتظار فى حالة انك داخلة على زحمة وهتهدى جامد ادى انتظار علشان اللى وراكى يشوف
4- اكتوبر والدائرى فيه نزلات فلازم قبل النزلة نبقى مهديين السرعة وواخدين الحارة اللى جمب النزلة ( اقصى اليمين)

مشكلة اكتوبر فى الزحمة فلو فيه جزء من الكوبرى زحمة يبقى نمشى سلانسية واحدة واحدة وبرضو نبقى سايبين مساحة كفايه بينى وبين اللى قدامى على الاقل واستخدم الفرامل والدبرياج لو مفيش اوتوماتيك واخد بالى من انزلاق العربيه للامام او للخلف فى حالة انى واقف فى مكان مش مستوى

اخيرا زى قبل اى مشوار نبص على جاهزية العربيه ( حالة الكاوتش - مية التبريد فى قربة المية ... الخ

الموضوع بسيط ومرة فى التانية هتلاقيه سهل خالص بس عايز شوية انتباه وتركيز بدرجة معقولة برضو مش بالدرجة اللى تخوف وتربك
وتروحو وتيجو بالسلامة ان شاء الله

رد: القياده علي كوبري اكتوبر

انا فعلا بكون منتبهه جدا وحذره وبلتزم بقواعد المرور وبحكم الزحمه
داخل شوارع القاهره تقريبا اقصي سرعه بالنسبالي السرعه الثالثه
وده لما بيكون الشارع فاضي قدامي علي مسافه مرتاحه
وهو ده اللي قالقني ان السرعه علي كوبري اكتوبر تكون عاليه
عموما ربنا يستر واشكر حضرتك جدا استاذ وائل مجدي