لازم اشد هواء عند تشغيل العربية
 

العربية لادا 2017 موديل 2004 لازم عند تشغيل العربية اشد الهوا لكى تدور العربية ولازم يكون مشدود وانا ماشى ولو رجعتة مكانة العربية تبطل ارجو الافادة من الاخوة الاعضاء وشكرا

رد: لازم اشد هواء عند تشغيل العربية
 

اللى حضرتك بتتكلم عليه اسمة (شفاط او سخان)
وده مهمته انه بيفتح بوابة الكربراتير اكتر شوية عشان يدخل هواء اكتر يساعد على سرعة الاحتراق داخل الموتور لغاية ماتوصل العربية (الموتور) لدرجة الحرارة العادية (تسخن يعنى)
ويقابلها ان حضرتك ازول ما تدور والموتور يقوم تفضل دايس على دواسة البنزين شوية (نفس الفكرة بتاعة الشفاط او السخان) وعشان حضرتك متربطش نفسك وتفضل دايس لأ شد الشفاط وهو يقوم بالخطوة دى بدال حضرتك
ايه قصة ان العربية تبطل (المفروض بعد ماسخنت)فى حالة لو رجعت الشفاط مكانه
اعتقد (مجرد اعتقاد يعنى) ان الكربراتير عايز يعلى سنه لان المفروض الشفاط بيوصل الموتور لدرجة حرارة معينة (بالتالى برضه حضرتك هتلاحظ ان العربية وهى بارده ولسة بتسخن والشفاط شغال) تلاقى عداد الـ RPM عند مستوى معين مثلا 7000 لفة يبقى المفروض لمت تسخت تماما توصل مثلا الى 10 او 12 الف لفة ولما تقفل الشفاط ينزل العدادا الى 7000 لفة العاديين على السلانسية
ومن كلام حضرتك (فرضا) ان الشفاط شغال والعربية سخنة ولفات الموتور 7000 ولما تقفل الشفاط على الرغم من سخونة الموتور(بعد ماتكون مشيت وسخنت) هانينزل العداد الى 5 او 4 الاف لفة يبقى كده العربية (واطية -الكربراتير عايز يعلى ) شوية عشان يظبط معاك
ان شاء الله تجد ضالتك فى رأيى او رأى الاخوه الافاضل الاكثر منى خبره
تحياتى وتقديرى:GROWIN~12:

رد: لازم اشد هواء عند تشغيل العربية
 

الاخ الكريم عند بداية تشغيل العربية لا تعمل ولو عملت عدة محاولات لزم اشد الهوا واضغط من 2&3 بنزين وبعدين تدور:GROWIN~12:

رد: لازم اشد هواء عند تشغيل العربية
 

والله انا سألت كتير فى موضوع دوار العربية من اول سنة مارش(من اول مره يعنى) والكل افاد
كهربائى-ميكانيكى-اخصائى الكربراتير
ان كل العربيات اللى بكربراتير لازم تكارك (تحضر) بنزين قبل ما تدور وبتشتغل من تانى او تالت مره
جرب كده تدور وانت بتكارك او دايس على البنزين سنة (مقام شداد الهواء-الشفاط) هتلاقى نفس النتيجة
كل ما هنالك ان الشفاط او الشداد بيغنيك عن مرحلة استمرار الضغط على دواسة البنزين
وبرضه شوف الكربراتير

رد: لازم اشد هواء عند تشغيل العربية
 

فعلا الطبيعى ان الشفاط يكون مشدود لتقليل الهوا لغاية لما العربية تسخن ترجعه تانى

اللى مش طبيعى انها بعد ما تسخن برضه تبقى مضطر تفضل شاده

فايه الوضع بعد ما العربية تسخن ؟