الحل المعجزه لنتشة السياره
 

السلام عليكم

الكلام اللي حقوله ده عن تجربه شخصيه
ووالله العربيه بقت حلاوه وميه ميه والسحب نااااااااااااار
والعربيه عايزه تطير بيا
لدرجة اني دخلت في تويوتا فورتشنر :shyy:


متقلقوش ولا همني
لاني كنت مامن عادي :01F6EB~150:




طبعا كتير مننا مر بمشكلة ان العربيه تترج علي السلانسيه ومع الطلعه كمان
وانت علي السرعات القليله تحديدا
وتحس انها مبرجله ومتلته وعايزة تطفي وانك لازم تكبس بنزين

طبعا وكتير ممنا جرب تغيير البواجي والكويلات وظبط الكهرباء وغيره
لكن برده مفيش تحسن
وبما اني مريت بالمراحل ده

فانا حقول اليوم علي سبب ما حدش كتير بيتطرقله__حلوه يتطرقله ده :CHUBBY~36:
الا وهو صمام البيئه ........

.egr valve

وده صورته

http://www4.0zz0.com/2011/09/28/13/148051309.gif



http://www4.0zz0.com/2011/09/28/13/367058496.jpg


http://www4.0zz0.com/2011/09/28/13/441212574.jpg

ومن اسمه egr ___ ((exhaust gas recirculation)
يا عم انت حتتنك

لا يا سيدي حتكلم بالبلدي :w6w2005041122522161

طبعا بالبلدي كده

الصمام ده وظيفته من اسمه انه يحافظ علي البيئه عن طريق اعادة تدوير مخلفات الاحتراق
بيعمل ايه اخينا ده
بالبلدي برده لما الوقود بيتحرق في غرفة الاحتراق
المفروض العادم يخرج الي الشكمان
لكن الصمام ده وظيفته انه يرجع العادم ده تاني الي المحرك عشان يتحرق اكتر وبالتالي تقل نسبة الغازات الضاره وثاني اكسيد الكربون وغازات النتروجين الخارجه من الشكمان ونحافظ علي البيئه



طب يا عم صدعتنا ء:010105~332:

ايه علاقة ده بالتنتيش

ما هو يا اخوانا الصمام ده المفروض يشتغل في حالات معينه وباوقات معينه مش عمال علي بطال يدخل العادم تاني

متى يعمل نظام EGR ؟

يكون النظام فعالا في حالة التسارع الاعتيادي cruising condition فقط اي عند الضغط الاعتيادي على دواسة الوقود .
يتوقف النظام عن العمل في حالة السكون idle السلانسيه يعني وحالة التسارع القصوى WOT .
يعني يشتغل علي السرعه القليله
عشان كده بنلاحظها عالتاني اكتر مش التالت او الرابع



لان من المعلوم ان العربيه بتمشي لما البنزين والاوكسجين من الهواء بيتحرق لكن الصمام ده لما يكون بايظ مسدود او مفتوح علي الفاضي
الهواء الخارج وده معظمه ثاني اكسيد الكربون حيفضل يدخل غرفة الاحتراق تاني
وبالتالي بيضيع عزم المحرك فاهمني
لان كمية الوقود والاكسجين الداخله حيزها نقص عن طريق دخول غاز العادم وثاني اكسيد الكربون
فبالتالي المحرك بيحرق هواء اكتر مش بيحرق وقود واكسجين
وده اللي بيخلينا نحس بالنتشه وضعف السحب والعزم وكركرة العربيه
واننا لازم تكبس بنزين اكتر


الحل بقي

اننا نفصله خالص

مش مهم البيئه :120102~318:

المهم العربيه ههههههه :HAPPY_~211: :3mla:

لو معاك وفنجري غييره هو برده لو شغال كويس له فوايد
بس الافضل فصله

ده رائي:w6w200504112257276b


انا طبعا شارح من مفهومي من كم موقع كده
لاني كان مفصول اول لما اشتريت العربيه وزميلي لعبلي فيها ووصله
وانا مكنتش متاكد فسبته فالعلربيه
كانت مبرجله ومخنوقه جدا

لما فصلته اختلف الامر خاااااااااااااالص
وجربتها كذا مره عشان اتاكد والحمد لله
ربنا يديمها بس ومتتجننش تاني :fun_36_3_4[1]:


كيف تعرف انه الصمام عندك خربان
الاجابه تعرف انه الصمام خربان بامرين ملومسين
اول امر لاحظ لو انه عداد ضغط المحرك مش ثابت وانت بحاله السكون طبعا يعني كانك واقف على اشاره مرور وتلاحظ العداد يلعب بمكانه مش ثابت يطلع فوق الالف ويرجع ل خمسميه طبعا مع افتراض انه الامور الثانيه بحاله جيده من بواجي واسلاك بواجي و دسبرتور الخ الخ الخ

كمان

تلاحظ ان السياره تهتز بحاله الوقوف لسبب انه المحرك مخنوق من هذا الصمام ولا يطلع الغازات الموجوده جوه غرفه الاحتراق بالشكل الامثل







وده اللي كان بيحصلي
وانا علي السلانسيه الاربي ام بيطلع وينزل كده مع نفسه والعربيه مخنوقه وعايز اكبسلها




ودول شوية تناكة بالانجليزي :06A7D5~132:


If the EGR valve is stuck open, it will essentially cause a vacuum leak, leading to inefficient combustion, rough idling, hesitation, and sometimes stalling in extreme cases :12422A~17:. This is because the car cannot combust on carbon dioxide from the tailpipe — it needs atmospheric oxygen. If the combustion chamber is flooded with exhaust from an open EGR valve, it will not function properly. To check and see if the EGR valve is stuck open, have someone idle a parked vehicle with the brake on while you examine the plunger shaft to see if it is stuck open.

If the EGR valve is stuck closed, emissions of nitrogen oxides will rise, and the car may start to knock. Spark knock happens when the fuel mixture in the combustion chamber ignites before it has been reached by the explosion in the cylinder, resulting in a disruption of the engine timing. In this instance, the engine should be warmed up and revved to see if the EGR valve will move



انا يا جماعه شارح من مفهومي لكم موقع كده
مش عايز حد يقول ما الخواجه صانعه كده انت حتفتي ANAA7TG
لا انا بقول ان الخواجه برده اي حاجه بيصنعها بتبوظ عادي يعني

وانا اتكلمت من واقع تجربتي البحته
وبشكر الاستاذ

احمد علي1999 انه نبهني للموضوع ده

لو عملتوا الموضوع ده وجاب نتيجه
ابقوا اعزموني علي :10CC26~164:


لحسن حاكل مكرونه ساده انهارده :fun_36_1_51[1]:
غربه و عزوبيه بقي


:fun_36_3_16[1]::fun_36_3_16[1]:SLAM:fun_36_3_16[1]:

رد: الحل المعجزه لنتشة السياره
 

اسلوب اكثر من رائع تسلم يا باشا

رد: الحل المعجزه لنتشة السياره
 

شكر وتقدير
تسلم يا جميل

رد: الحل المعجزه لنتشة السياره
 

اسلوب رائع ومنكم نستفيد

رد: الحل المعجزه لنتشة السياره
 

تسلم يا باشا

بس يا ريت اللي يجرب يقول عشان نعرف النتيجه