مصر موتورز مجتمع السيارات - محتاج بطارية لل هيونداى i10

أنا شارى عربيتى الهيونداى i10 فى آخر 2009 وهية موديل 2010. أنا لسة عامل صيانة ال 20 ألف كيلو فى التوكيل (فى موديرن سيرفس، عند السندباد) من كام شهر، ودافع فلوس كتير فى الصيانة ده، وهية عاملة حاليا حوالى 25 ألف كيلو.

المشكلة إنى لقيت العربية مش راضية تدور، ولما جيبت كهربائى سيارات قال لى المشكلة من البطارية. أنا استغربت أوى وإتضايقت جدا إن فى الصيانة، ورغم إنى دافع دم قلبى فيها، ما أخدوش بالهم من حاجة زى ده!

الاكتشاف بقا هوة إن البطارية بتاعة العربية مش بطارية جافة! لا، ده بالمية! احتمال إن فى الصيانة كانوا فاكرينها جافة فعشان كدة ما عملولهاش أى صيانة! الراجل الميكانيكى السيارات جنب بيتى قال لى ده المية فيها خلصانة خالص وراح حطلى فيها مية. اشتغلت شوية بس رجعت تانى.

السؤال بقا: أجيب بطرية ماركتها إيه، وكام أمبير ومن فين وسعرها كام؟

هل ينفع أجيب بطارية جافة ولا ممكن أجيب بطارية بالمية زى بتاعتها الأصلية، علما بإن الأصلية ده قعدم معايا أهو أكتر من 4 سنين الحمد لله.

أفيدونا أفادكم الله.