اخييييرا طلعت الــرخــــصه
 

السلام عليكم ورحمه الله وبركاته

بعد ماكتبت الموضوع دا بخصوص استخراج رخصه خاصه

http://www.masrmotors.com/vb/showthread.php?t=19360


فكرت بعديها قولت طيب منا اطلعها انا بمجهودي وخلاص ومنها الواحد ياخد خبره

روحت المرور يوم الاربع الي فات قدمت ورقي وظبطت الدنيا

قالولي الامتحان يوم الاتنين

قولت تمام في فتره الواحد يتدرب فيها

عندنا في المرور لازم تمتحن علي عربيه المرور الي هي النص نقل

لو معكش عربيه

ليا واحد صاحبي عـندو عربيه نص نقل بس عريضه شويه عن بتاعت المرور

ورحت منطقه فاضيه خالص

وجبت كراتين عملتها زي الاقماع علي شكل S

وبقيت اتمرن عليها وبقيت فيها تمام

النهارده روحت المرورطبعا كالعاده من الساعه 8 قـدمت الورق عشان اخش امتحن اشارات

امتحنت اشارات تمام وجبت اتنين غلط

المهم الموظف قالي يلا روح امتحن سواقه

اول ما روحت لقيت ناس كتيـر واقفه وناس عماله تخش تخبط في الاقـماع

انا بصراحه بقيت خايف بس قولت ياواد خش وقلبك زي الحديد يعني انت لو سفطت هيبقي يعلقولك المشنأه

جيه الدور عليا ركبت العربيه لقيت العربيه اول ماشيلت رجلي من ع الدبرياج لقيتها بتجري اتاريهم معلينها

طلعت بيها قدام وورا تمام التمام

نزلت خدت البطاقه من العسكري وقالي تعالي بكره

بكره هروح اخد الورق بتاعي وانشاء الله اجيب الرخصه

رد: اخييييرا طلعت الــرخــــصه
 

بقولك ايه يا معلم انا صقت فى امتحان الرخصة مرتين وفضلى واحدة بس وبصراحة خايف اخش لان دى اخر مرة وانا محتاج الرخصة دى قوى فا لو تعرف تفدنى اعمل ايه بدل ما ادخل ومتجيش المرة دى كمان مع العلم انى محتاج الرخصة دى جدا عشان شغلى لانى بسافر كتير فايريت لو تعرف تساعدنى اكون شاكر جدا

رد: اخييييرا طلعت الــرخــــصه
 

رد: اخييييرا طلعت الــرخــــصه
 

انا ياغالي اخري اوي لما ارجع بالعربيه مارش كان بيبقي خط مستقيم او الف من شارع بتاع يعني مكنتش بعرف ارجع المنحنيات باعتهم دي تخيل بقي الامتحان الاثنين بدأت تدريب السبت والاحد كان كل يوم حوالي ساعه ونص كدا لغيت اما بقيت تمام واهم حاجه وانت داخل الامتحان تبقي واثق من نفسك يعني متعملش حساب للظابط او الناس الي هتمحتن اكنك بتمتحن لوحدك عادي
ثانيا ممكن تشوف اي حد يكون عارف ظابط الـمرور يقوله عليـك وهينجحك هو اي نعم هيمتحنك بس هينجحك حتي لو وقعت اقماع النهارده كان في ناس كتير كدا


الله يبارك فيك عقبالك

احنا عندنا في يوم واحد كل اسبوع محدد الي هو يوم الاتنين دا لـ امتحانات الرخصه الخاصه

يعني لو قدمت الاحد هتيجي تاني يوم تمتحن

تقديم الورق بيتطلب منك يوم واحد والامتحان والاشارات يوم

وان شاء الله لما تنجح تروح تقدم ورقك تاني يوم علطول وتستلم الرخصه

رد: اخييييرا طلعت الــرخــــصه