هل تركيب التكيف للشاهين هيقل من عزم وسحب العربية
 

احلى سلام وتحية على اجمد ناس واحسن منتدى
انا معايا شاهين 1400انجكشن 2005 والعربية بدون تكيف اصلا من الزيرو
فا نفسى اركب تكيف يرحمنى من جو الحار ساعت الظهرية
لكن ناس نصحونى بلاش تحط تكيف علشان هى 1400وهيقل من عزم العربية وهتبقى (بطة)
بجد محتار ومستنى منكم الافادة

رد: هل تركيب التكيف للشاهين هيقل من عزم وسحب العربية
 

السلام عليكم

انا عاوز اقول لحضرتك ... انا كان معايا دوجان 1600 موديل 93 و كانت نازلة بالتكييف بتاعها ... و كانت بتبقى بطة تقيلة لما بشغل التكييف .. و العربية بتسخن و حالتها بتبقى حكاية
انا سالت على حا للموضوع ده ... قالولى متتعبش نفسك .. العربية دىمش معمولة عشان يتحط فيها تكييف اصلا
بس فيه عضو فى المنتدى غير مروحة التبريد و حط مروحة كورسا ... حل مشكلة السخونة .. بس محدش حل موضوع التكييف ده

رد: هل تركيب التكيف للشاهين هيقل من عزم وسحب العربية
 

اي عربية حتتأثر
و حيبقي عندك الحرية في تشغيله من عدمه

رد: هل تركيب التكيف للشاهين هيقل من عزم وسحب العربية
 

تركيب التكييف على الشاهين ال1400 معتاد و الكثير يفعلون ذلك,
بالنسبة لمحرك ال1600 يكون الاداء معقولا حتى مع تشغيل المكيف,
طبعا محرك ال1400 الاضعف سوف يتأثر الى درجة أكبر, لكن ذلك فى حالة تشغيل المكيف فقط, و هذا طبيعى و مفهوم, عليك فقط زيادة الضغط على المحرك بدرجة طفيفة.
بالنسبة لموضوع السخونة, فالشاهين لا تسخن مع التكييف الا اذا كان هناك مشكلة فى دورة التبريد, احرص دائما على الاتى :
- تنظيف الرادياتير بشكل دورى كل سنة على الاقل.
- تنظيف السربنتينة كل فترة (كل شهر) و هى عملية بسيطة يتم اجرائها فى اى محطة وقود لأن السربنتينة المتسخة تقلل من كفاءة التبريد و كفاءة التكييف.
- تركيب مروحة سربنتينة قوية و هذه اهم نقطة, لو مروحة تبريد السربنتينة ضعيفة سوف يلقى بحمل التبريد على الرادياتير, و بالتالى تسخن السيارة عن معدلها الطبيعى, لذا تحتاج الشاهين الى مروحة سربنتينة قوية و عالية الكفاءة.