مصر موتورز مجتمع السيارات - تسعير كيا برايد وقطع الغيار

مصر موتورز مجتمع السيارات (https://www.masrmotors.com/vb/index.php)

- برايد Pride (https://www.masrmotors.com/vb/forumdisplay.php?f=136)

- - تسعير كيا برايد وقطع الغيار (https://www.masrmotors.com/vb/showthread.php?t=115446)

reaky

18-06-2013 02:01 PM

تسعير كيا برايد وقطع الغيار

السلام عليكم
امامى سياره كيا برايد هاتشباك لون ابيض موديل 97 1100 cc فابريكه دواخل بالكامل وفابريكه سقف حالة الموتور ممتازه عامله 120 الف كيلو, سنتر انذار, لا يوجد تكييف, بها رخصه سنه ونصف من المالك مباشرة
السياره فيها بارومه كتير فى الابواب و فى الشنطه من بره واالفرش الداخلى متبهدل وبعض الحاجات البسيطه فى العفشه فيما عدا ذلك الحاله العامة جيده
اولا كنت عاوز اعرف السعر المناسب لها للشراء
ثانيا كنت بفكر اغير لها الابواب بابواب كهربا فكنت عاوز اعرف ده هيكلفنى كام, وكمان لو حبيت اركبلها تكييف ده هيكون مناسب للموتور ال 1100 ولا هيبقى ملوش لزمه ؟

AbOnOrA

18-06-2013 02:28 PM

رد: تسعير كيا برايد وقطع الغيار

بالنسبة للسعر فى رينج ال 24 بس الحالة لازم تتشاف علشان يبقى حكم دقيق

وحضرتك تقصد زجاج كهرباء ولا تقصد ايه بالابواب الكهرباء ؟

لو زجاج كهرباء هتجيب وحدات رفع ومكنه وشوف الكهربائى مصنعيته كام اعتقد الموضوع كله ممكن يتلم فى رينج 300 جنية

وبالنسبة للتكييف ممكن يركب وهيبقى شغال وكويس لو انت لوحدك وبتمشى عادى لكن لو بتحب تجرى او تركب معاك اوزان مع التكييف هتلاقى العربيه تقيله كان نفر زيادة راكب معاك وطبعاً استهلاك البنزين هيزيد

reaky

18-06-2013 04:34 PM

رد: تسعير كيا برايد وقطع الغيار

متشكر لرد حضرتك جدا
طيب متعرفش التكييف بتاعها تمنه ممكن يكون كام ؟ واجيبه منين ارخص مكان ؟
انا فعلا كنت اقصد زجاج كهربا, طيب لو حبيت اشتريلها ابواب استعمال خارج ممكن يكونو فى حدود كام ؟

mostafa_wahid

30-06-2013 12:36 AM

رد: تسعير كيا برايد وقطع الغيار

انزل الوكالة واسأل على ابو ادهم لقطع الغيار - حتلاقى كل اللى انت عاوزوا للبرايد (استيراد)

الساعة الآن 09:50 AM.