مصر موتورز مجتمع السيارات - فتوي الازهر بالنسبه لشراء سياره من البنك

اقتباس:

المشاركة الأصلية كتبت بواسطة أبا عمر (المشاركة 527206)

بسم الله الرحمن الرحيم

السلام عليكم ورحمة الله وبركاته

الاخ الفاضل أبو جهاد .

أسأل الله ان يبارك فيك وان يوفقك لكل خير ,

اسمح لى اخى الكريم بالمشاركه فى موضوعك ,,

بالنسبه لموضوع شراء سياره من البنك .!

ولذلك يجب توافر بعض الاشياء فى البيعه

اولا شوف حتى حضرتك كاتب شراء سياره من البنك , وده فعليا غير صحيح

*يجب ان يمتلك البنك السياره اولا ثم يبيعها لك وهذا لا يحدث
والبنك بيقرضك مالا والمعرض بيأخذ المال ويعطيك السياره وبيكون البنك له عندك فلوس مش عربيه

ودى من اول واهم الاشياء اللى بتجعل الامر من مرابحه الى ربا واضح ..

*عدم اجبارك على التأمين سواء على الحياه او على السياره

& وللعلم اخى الكريم اى بنك غير اسلامى لا يستطيع شراء السياره بل يمول فقط

لا يشتريها ثم يبيعها لك ,, لانه لا يعمل بنظام المرابحه انما هو نظام قروض وتمويل ,, ,, شراء مال بالمال يعنى خذ 100 اخدها منك 150 مثلا ,

بس الكلام دا مش من طريق واضح ومش بيقولها صريحه لا بيلفك من على الدائرى :)

وعلى فكره انا والله بقالى اكتر من 5 شهور عشان موضوع التقسيط دا

على فكره بنك فيصل فرع عباس العقاد بيقسط وبيشترى العربيه وبيبعهالك وبتاخدها من مندوب البنك من امام البنك ,,

وكمان يا جماعه فى ناس كتير فاهمه موضوع الربح خطأ ان اى تقسيط فى ربح اللى هيا فائده يعنى تبقى ربا

لا البيع بربح مش حرام ,, الحرام انى اديلك فلوس واخدها بزياده

اللى مش حرام انى اديلك سلعه واقولك هقسطهالك بمبلغ ....

أخى ابو جهاد احترم فى حضرتك سعيك فى التحرى والبحث عن الحق
وانتبه اخى الكريم ان تقع فى الحرام وخصوصا الربا فعاقبته وخيمه ..

ومينفعش يا جماعه اقول ان شاء الله مش هيبقى حرام ومش هيبقى عليا إثم وانا مضطر ,,

وحديث استفت قلبك فيه كلام غير انه له شروط يا جماعه استفت قلبك فى امور الورع

وليس فى الحلال والحرام ..

فلو كان كذلك فماذا عن حديث النبى صلى الله عليه وسلم عن الشبهات

عن النعمان بن بشير رضي الله عنه قال سمعت رسول الله صلى الله عليه وسلم يقول (إن الحلال بين والحرام بين وبينهما أمور مشتبهات لا يعلمهن كثير من الناس فمن اتقى الشبهات استبرأ لدينه وعرضه ومن وقع في الشبهات وقع في الحرام كالراعي يرعى حول الحمى يوشك أن يرتع فيه ألا وإن لكل ملك حمى ألا وإن حمى الله محارمه ألا وإن في الجسد مضغه إذا صلحت صلح الجسد كله وإذا فسدت فسد الجسد كله ألا وهي القلب) متفق عليه,,

اعتذر للجميع على الاطاله ,,

فوالله ما كتبت الا للنصح الواجب علىّ تجاه اخوانى

أسأل الله ان يقدر لنا ولكم الخير كله

والسلام عليكم ورحمة الله وبركاته

جزاك الله الف الف الف خير يا اخى الكريم , هو ده بالظبط اللى كنت هاقوله من بداية الموضوع , وهو ده الصحيح شرعا , بغض النظر عن فتاوى دار الافتاء اللى انا نفسى انتمى اليها كأزهرية ..
الاخ اللى خد 67000 من البنك واشترى الفيرنا كاش والشغل بيخصم من مرتبه , طبعا ال67000 مش هايرجعو للبنك بنفس القيمة , اكيد بأكتر منها وهو ده الربا بعيييييينه ..
وزى ما قال الاخ الكريم , استفت قلبك ليست فى مسائل الحرام والحلال وما نحتاج فيه الى فتوى من عالم ..
وفقنا الله واياكم الى كل ما يحبه ويرضاه