سؤال ضروري بخصوص نوعية الاوتوماتك في الانسر
السلام عليكم
الاخوة الاعضاء , لقد لحظت ان هناك نوعين من انظمة جير اوتوماتك لدى سيارات الانسر 1600 cc البومة وهى INVECS-III with CVT و INVECS-II 4A/T فما هو الفرق بينهما , و اي هما الافضل ؟؟ وشكراً |
رد: سؤال ضروري بخصوص نوعية الاوتوماتك في الانسر
INVECS-III with CVT و المقصود بيه نظام أوتوماتيك لزيادة السرعة و السرعة بتزيد عن طريق زيادة و نقصان ال طنبورة القائدة و المنقادة بداخله و ده موجود فى اللانسر ال1600 فقط و إختصار ل continuously variable transmission
INVECS-II 4A/T و النظام ده موجود فى ال1300 فقط و مش موجود فى ال1600 و ده اوتوماتيك تقليدى عن طيق تغيير نسب التخفيض عن طريق تغيير التروس و فى النوع ده بنحس بالنقلة من الأول للتانى و هكذا عكس النوع السابق مش بنحس باى نقله |
رد: سؤال ضروري بخصوص نوعية الاوتوماتك في الانسر
صحيح كلامك استاذ نيسان , بس برضو حضرتك ما وضحت , ايهم الافضل ما بينهم , لاني انا قرات في منتديات تانية ان ال INVECS-III with CVT نظام فاشل , و الجير بيتحرق بسرعة لما تدوس كتير على البانزين , وكمان النظام ده مشكلته انو لو خرب لازم يتبدل الجير بالكامل لعجز الميكانيكيين عن تصليح هذا النوع من الجيرات , والواضح حسب ما قرات انو الجير فيه من داخله سير , هو اللي بيسهل عملية الانتقال. زي اللي في الصورة http://img102.herosh.com/2009/06/05/447305304.gif والسير ده لو انقطع يبقى راحت عليك السيارة , وده صورة تانية لشكل الجير INVECS-III with CVT http://img102.herosh.com/2009/06/05/200177916.jpg بس برضو انا عاوز رأيك في النظام القديم اللي هو INVECS-II 4A/T افتكر هو كويس والله اعلم , بس اذا كان على سيارات 1300 cc هل السيارة تكون ضعيفة ؟ في انتظار الرد الشافي , وشكرا لك . |
رد: سؤال ضروري بخصوص نوعية الاوتوماتك في الانسر
انا مش بفضل الأوتوماتيك على 1300
و أكيد أى فتيس هنقرص عليه هيبوظ و عمره هيقل سواء كان اوتوماتيك او سى فى تى الميزة فى السى فى تى أنك مش بتحس بالنقلة زى ما قلت قبل كدة على عكس الاوتوماتيك و أكيد تغيير الزيت فى ميعاده مهم جدا جدا للفتيس و فى اللانسر بيتغير كل 40 الف كم و فى الصيانة لو لاقيته محتاج يتغير على ال30 الف كم بطلب تغييره و بنبه العميل غنه مايقرص على الفتيس و بكرر تانى لو عايز لعب و جرى و شد و دوس بنزين على الأخر و تسقيط غيارات يبقى اكيد المانيوال و برضه عمره هيكون أقصر و كمان المحرك هيكون أقصر يا رب الإجابة تكون شافية و كاملة |
رد: سؤال ضروري بخصوص نوعية الاوتوماتك في الانسر
شكرا لك يا استاذ نيسان , يعني الخيار الواضيح هو استخدام الجير CVT مع تحمل مسؤلية صاينته لو خرب!!!
امري لله تحياتي . :-) |
الساعة الآن 01:51 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017