استفسار من اصحاب الماتركس
 

انا معايا سيارة هونداى لافيتا 2002 هيدرومتك1500ccشبة الماتركس فى لمبة فى التبلوة الى ورا الدركسيون مكتوب عليها tcs بلون اصفر مش عارف بتاعة اية بتنور عند فتح الكونتكت مع لمبة abs و الاير باج و بعدين بيطفو مع الدوارة ياريت حد يقلى بتاعة اية دى

رد: استفسار من اصحاب الماتركس
 

على ما أعتقد

هتكون خاصه بنظام التحكم الإلكترونى بالفتيس

رد: استفسار من اصحاب الماتركس
 

يا اخى مصطفى اللمبة دى بتاع نظام مساعد فى عمل فرامل ABS وهذا النظام المسمىى TCS هو إختصار للكلمة الإنجليزية traction control system وهذا النظام هام عندما تقود السيارة على أرض غير متساوية ومتشابه يسبب هذا فى أن عجلة من العجلات بتكون بتلف بسرعة أكبر من العجلات الأخرى لهذا فهذا النظام ينبه الكمبيوتر لكى تعمل فرامل Abs بحيث تقلل من دوران هذه العجلة وبالتالى تحفظ ثبات العربية على الطريق وتجعل العربية تتمكن بشكل جيد من السير على الأرض.إذا فهو نظام يعمل على مراقبة سرعة كل عجلة من عجلات السيارة ويحرص على جعل السرعة فى كل عجلة مشابة لسرعة العجلات الاخر فتعطى ثبات افضل للسيارة فى حالة القيادة على طرق غير متكافية وممهده بشكل واحد مثل فى حالات المطر والثلوج فلو كان جزء من السيارة يمشى على ارض منزلقة والجزء الأخر يمشى على طريق خشن فإن الفرامل ABS تعمل مع العجلة التى تتزحلق على الماء او الثلج فتقلل دورنها ليماثل العجلات الأخرى فستجد العربية لا تتأثر بطبيعة الأرض وتجد الثبات افضل...

أعتقد أنه نظام من نظم الأمان ولكن نادرا ما يعمل مثلة مثل نظام ABS لان طبيعة ارض وجو مصر مختلف عن مناخ البلاد الباردة التى يتنشر فيها الثلوج والأمطار....

رد: استفسار من اصحاب الماتركس
 

انا باشكرك جداجدا على المعلومة يا اخ تامر استفسار تانى معلش الايام دى ونا ماشى بالعربية عادى بلقى لمبة abs و فرامل اليد و tcs و لمبة بتاعة التشك بينورو و بيصدر صوت زى الانزار بتاع الباب شوية و بعدين يسكت و مرة مرديش يسكت غير لما وقفت و بطلت العربية و استنيت شوية ودورت تانى الصوت سكت و المض انطفت مش عارف اية السبب و الموضوع دة الايام دى بيكرر كتير

رد: استفسار من اصحاب الماتركس
 

فرامل يا عزيزى. السبب بيكون فى الفرامل

ممكن أسألك شوية أسئلة
1- أنت عملت شغل فى العربية علشان تظهر المشكلة دى؟
2- هل فى تأثير على العربية من حيث الفرملة سواء فى اليد أو فرملة الرجل؟
3- هو اللمبة بتكون مولعة كل مرة بتسوق فيها العربية ولا مرة أة ومرة لا.
4- هل بتنور اللمبات مع أول بداية الحركة بالسيارة أم لما تمشى فترات؟
5- هل مرتبط ظهور نور اللمبات مع الفرملة. يعنى مثلا لو مشيت لفترة بدون فرملة هل اللمبات بتفضل مطفية...

طبعا أنا عارف انك مغير تيل فشوف الطنابير وكمان زيت الفرامل. ولو كله تمام يبقى حساس من الحساسات بعافية. وأغلب الظن هو الحساس لانه هو اللى يعطى الإشارة للكمبيوتر للإنذار...