استفسار بخصوص النترا 2013
 

اشتريت النترا 2013 فى نص رمضان تقريبا بعد ما راجعت كل مواضيع المنتدى اللى بتتكلم عنها وبعد كمان صلاة الاستخارة الحمد لله المهم..
قبل مااعمل صيانة الالف الاولى كنت باحس ان العربة غير ثابتة بالمرة على سرعة 100 اقصى حاجة جبتها وكنت باحس ان العربية بتتمرجح من الخلف


بعد ماعملت صيانة الألف ولما زودت السرعة وجبت 140 حاسيت انها اثبت بكتير بس غريبة شوية ان العربية تحس انها اثبت على سرعها عاليه منها على سرعة ابطأ ....بس ظهرت عندى مشكلة عزل المقصورة وانا قافل الزجاج ومشغل التكييف سامع صوت الماتور بوضوح وكمان صوت الكلاكس عالى قوى الموضوع ده ماكنتش باحس بية خالص ونهائى فى الشكل القديم كان الصراحة عزلها كويس

ايه الحل ؟؟؟؟



فى نقطة ثانية بالنسبة للدريكسون احيانا لو طوبة على الارض او ححفرة صغيرة جت على جنب الكاوتش اليمين او الشمال بحس بحركة فى طارة الدريكسون وهل ده ممكن يحصل فى السرعة العالية -ممكن تخلى العربة تنحرف او تعوم؟؟؟- هل ده طبعيى ولا ايه ؟؟؟؟

ياريت الأفادة

رد: استفسار بخصوص النترا 2013
 

ربنا يكفيك شرها ... اهو عشان الثبات ده انا عشقت الشيفروليه كروز

رد: استفسار بخصوص النترا 2013
 

طب والله دا كويس وممتاز وكمان عادي لأن الباور بيتقل على السرعات العالية فممكن دا بيزود الثبات

اقتباس:

بس ظهرت عندى مشكلة عزل المقصورة وانا قافل الزجاج ومشغل التكييف سامع صوت الماتور بوضوح وكمان صوت الكلاكس عالى قوى

والله انا مش عارف اصل انا شايف ان عزل الالنترا ممتاز بس صوت الموتور بيعلى مع التكييف على فكرة لكن مش للدرجة السيئة اما صوت الكلاكس فهوا اصلا عالي

اقتباس:

فى نقطة ثانية بالنسبة للدريكسون احيانا لو طوبة على الارض او ححفرة صغيرة جت على جنب الكاوتش اليمين او الشمال بحس بحركة فى طارة الدريكسون وهل ده ممكن يحصل فى السرعة العالية -ممكن تخلى العربة تنحرف او تعوم؟؟؟- هل ده طبعيى ولا ايه ؟؟؟؟

لا ياباشا لان الباور بيبقا ريشة على السرعات المنخفضة وبيتقل على السرعات العالية
وفي التأني السلامة وفي العجلة الندامة
وتقبل تحياتي :THUMBS~220:

رد: استفسار بخصوص النترا 2013
 

واحد صاحبى كان عنده نفس المشكلة راح ظبط الكاوتش نيتروجين ودلوقتى الثبات بقه احسن

رد: استفسار بخصوص النترا 2013
 

انا متشكر جداا لاهتمامكم