مشكلة بوحدة مرور فيصل
 

السلام عليكم و رحمة الله و بركاته
سيناريو المشكلة بينحصر بين :
رئيس الوحدة: ايمن باشا فرغلى (و صبيانه)
ضابط اخر: مهاب باشا
المهندس (المسئول عن امتحان): رجل تخين كده و كل ماتكلمة فى حاجه يقول: اللهم انى صائم (واضح ان هو ده الى بيخلص كلللللللل حاجه)
المسئولين عن تخليص اوراق السيارات المجهزة: عدلى بيه - الاستاذه عفاف هانم

المشكلة:
استخراج رخصة سياره مجهزه (بدون واسطة او رشوه مش عايزين نفطر)

السيناريو:
- اشترينا عربية جديدة (مع العلم ان معانا رخصة قياده ساريه لحد 2019)
- خلصنا ورقها بس اخدنا رخصة العربية لمده شهر واحد (و مش عارفين ليه لمدة شهر)
- روحنا تانى علشان نخلص الموضوع ده فى ساعتها بدا ما نستنى الشهر .. راح استاذ عدلى (المسئول عن الموضوع ده) قال لنا انه مينفعش نغير ﻷن رقم شاسيه العربية فى رخصة القياده مش زى الى موجود فى رخصة العربية الجديدة

قالوا لينا انكم لازم تمتحنوا تانى (اختبار 3 الاقماع)
و مما يدل على ان الدوله ( او وحدة مرور فيصل بس الله اعلم) بتراعى دايماً اصحاب الحالات الخاصة فخلت الناس ديه اااااااااااااااااااخر ناس . يعنى الواحد يسلم ورقه الصبح من 8.30 9.00 لححححححححححححححححد الساعه 12 الظهر (لان الناس ديه ماتقبلش ورق بعد ما الخزنه تقفل على الساعه 12)

اول يوم اخدوا عربيتين بس من العربيات المجهزه (طبعا الى معاهم واسطة او دفعوا المعلوم) و باقى العربيات اترحل ورقها تانى للباشا ايمن فرغلى

تانى يوم اتفرج على المهازل ... الى بتمتحن و وقعت الاقماع كلها و اخدت الرخصة لا و الى يجننك توقع القمع المهندس يرجعوا تانى ..توقع القمع المهندس يرجعوا تانى .. توقع القمع المهندس يرجعوا تانى .. اه يا الهاااااااام اهههههههههههه

طبعا و مازالت العربيات المجهزه اااااااااخر نااااااااااس (لا بيريحونا بجد بجد يعنى)
اخيرا واحد عدا الاقماع (من غير كوسه) راح قالوا تاااااااااااااانى عملها تانى نجح برده قال له لالالالالالالالالالا ساااااااااقط

ليه بقى قال ايه كان فى واحد ساعتها بيعدى و هو مافرملش (مع انه ملمسش الراجل خالص)

تفتكروا بقى احنا هناخد الرخصة دى امتى بعد سنه ولا ايه؟؟؟؟؟؟

و عذرا للاطاله

رد: مشكلة بوحدة مرور فيصل
 

الله يعينك
ربنا يكرمك وتخلصها على خير
على فكرة انا مرور فيصل كنت مرور اوسيم مرور اوسيم دة قمة الرشوة والفساد غيرة البطاقة ورحت فيصل لقيت الحال من بعضو ربنا يهدى

رد: مشكلة بوحدة مرور فيصل
 

الله يكون فى عونك يا ساسو. أنا أشتريت عربية لافيتا زيك وهستلمها أخر الاسبوع. ودى إول عربية لى وعمرى ما سقت عربية من قبل. بعد ما قرأت موضوعك خفت أوى على اللى يحصلى وبفكر أدور من دلوقتى على وسطة جامدة علشان الأمور تمشى بسلام.... تحياتى.

رد: مشكلة بوحدة مرور فيصل
 

الله يكون فى عونك وربنا يكون فى عون كل المصرين ما فيش حاجة بتخلص من غير اللى بالى بالك