مصر موتورز مجتمع السيارات - اسبرانزا تيجو

مصر موتورز مجتمع السيارات (https://www.masrmotors.com/vb/index.php)

- Tiggo (https://www.masrmotors.com/vb/forumdisplay.php?f=189)

- - اسبرانزا تيجو - مميزات و عيوب (https://www.masrmotors.com/vb/showthread.php?t=15041)

رد: اسبرانزا تيجو - مميزات و عيوب

اقتباس:

المشاركة الأصلية كتبت بواسطة mohammedmoustfa (المشاركة 121512)

يا استاذ ميدو
فاكر اعلان روتانا بتاع الرقص مع الذئاب
لما قاله تافبلم ده سيره ذاتيه
الاستاذ خوليو هنا برضه مش بيقارن بين التيجو و اي عربيه تانيه
هو بيحكي سيره ذاتيه مع السياره اللي هو اشتراها مؤخرا
و ربنا يبارك له فيها
السيراه دي بقي تطلع تيجو تنزل يارس تلف يمين جولف مش مشكله
انما هو بيحكي تجربه ذاتيه ليه
يعني انا مثلا مش بحب التيدا السيدان مش بحب شكلها
في ناس كتير ممكن تعترض علي كده
انما ده راي شخصي لا انا قلت اني متخصص فا يبقي كلامي ثقه
و لا الاستاذ خوليو قال انه جرب كل العربيات سواء اللي في نفس السعر او قده 10 اضعاف
عشان يقارن بينهم
و علي فكره انا كنت نويت اشتريها بس عدلت عن الفكره لما عرفت انها تقفيل مصري
و ان شاء الله اشتري الليفانا الاللي من عند نيسان اللي هيا برضه تقفيل صيني
مع العلم اني راك لانسر بومه و قبلها كان معايا اللانسر كريستاله
و ليا رجاء شخصي يا اخ ميدو بلاش لون الفنط ده مش بعرف اقراءه خالص علشان بيتعب عنيا علشان انا عندي مشكله في العين

اوك يا مان هو كان بيقول تجربته معاها بس و انا تخلت و اتنقشنا في الموضوع فتره و قلت له نقارنها بقا مادام هو بيقول انهما ممتازه لو مدخلهاش مقارنه يبقا هو بيعلن انسحابه من الدفاع عن السياره
علي العموم هي حريه شخصيه و انا بس كنت داخل نتناقش في الموضوع فقد لا كثر ولا اقل
بس مش فاهم كلامك بتقول ايه عن البومه و الكرستاله في حروف وقعه ياريت توضح
و تحت امرك يا مان مع اني بقالي سنين مغيرتش لوني ولا مره بس تحت امرك

رد: اسبرانزا تيجو - مميزات و عيوب

اقتباس:

المشاركة الأصلية كتبت بواسطة mohammedmoustfa (المشاركة 121512)

متشكر للتوضيح أ/Mohamed mostafa
على فكرة بالنسبة للتقفيل المصري مع وجود العيوب اللى ذكرتها من قبل بس برده فى حاجات كويسة انت ممكن تتأقلم عليه مع الوقت او ممكن تعالجها مع الصيانة فى التوكيل و هو بنسبة 40 % تقريبا من تصنيع العربية و يشمل الزجاج و موكيت الارضيات و ضفيرة الكهرباء و جلود الأبواب و الفرش الجلد (وده بصراحة ممتاز و لمعلوماتك هو نفس الفرش اللى موجود فى الشيروكى 2008 لانها برده تقفيل مصرى و تقريبا معمول فى نفس المصنع)

رد: اسبرانزا تيجو - مميزات و عيوب

اقتباس:

المشاركة الأصلية كتبت بواسطة medo akef (المشاركة 121523)

اوك يا مان هو كان بيقول تجربته معاها بس و انا تخلت و اتنقشنا في الموضوع فتره و قلت له نقارنها بقا مادام هو بيقول انهما ممتازه لو مدخلهاش مقارنه يبقا هو بيعلن انسحابه من الدفاع عن السياره

علي العموم هي حريه شخصيه و انا بس كنت داخل نتناقش في الموضوع فقد لا كثر ولا اقل
بس مش فاهم كلامك بتقول ايه عن البومه و الكرستاله في حروف وقعه ياريت توضح
و تحت امرك يا مان مع اني بقالي سنين مغيرتش لوني ولا مره بس تحت امرك

ياعم ايه الكلام اللى انت عمال تقوله ده انسحاب ايه و بتاع ايه !!! هو احنا داخلين حرب و مش اخدين بالنا و لا ايه ؟ و دفاع ايه و بتاع ايه هما الصينيين دول كانو من بقيت اهلنا علشان ندافع عن عربياتهم
مش عارف انت عامل موضوع و حكاية على ايه ptmnlo123per1147
الموضوع كله عربية عملنالها تقييم بمميزاتها و عيوبها خلال فترة استخدام معينة للافادة

بس ماشي لوانت عايز تتناقش و تقارن بعربيات فى نفس الفئة واعلى فى السعر كمان عندك مثلا التيريوس و السوزوكى فيتارا

التيجو كموتور و سحب و عزم و صاج و قوة العفشة و راحة فى الركوب فان التيجو 1600افضل من التيريوس اللى هى اغلى بحوالى 30/40 الف جنيه
كل ده بالاضافة الى الميزة اللى بتفتقدها كتير من العربيات العالية و منها التيريوس و هى الثبات اكيد مفيش مقارنة اساسا بين الاتنين من الناحية دى (من كلام ملاك التيريوس انها بتقى خطر جدا و خصوصا فى الملفات بعد ال 80 و فى الطريق الطوالى بعد 100/110) اخر مرة فى طريق السفر كنت جايب بالتيجو 150 و مردتش ازود عن كدة لانى مش من هواة السرعة الزيادة اوى دى بس قلت اجرب و كأنى ماشى مثلا على 60 من كتر ما العربية ماسكة فى الارض(فى بعض الاخوة بيجيبوا بيها 170/180 و بيقولوا برده كانت فى منتهى الثبات بس انا منصحش اى حد بالسرعات الجامدة دى حتى لو كان بمرسيسدس س500)
ممكن التيريوس بتتفوق من ناحية الخامات الداخلية والتقفيل و سمعة بلد المنشأ من حيث انها يابانى و اكيد طبعا مجرد الاسم انها يابانى فده يخلى الناس تقولك احسن من غير نقاش او تجربة بس برده بقول منقدرش نحكم على اعتمادية التيجوالا بعد 3 او 4 سنين على الأقل علشان نقدر نقيم مظبوط

طبعا انا معملتش مقارنة لكل حاجة فى الاتنين بس قارنت الاشياء الجوهرية فقط
مما سبق يتضح ان التيجو تتفوق عن التيريوس من حيث السعر و قوة الموتور و السحب و العزم و الصاج و قوة العفشة و راحة الركوب و الثبات:HAPPY_~211:
و التيريوس تتفوق من حيث الخامات الداخلية والتقفيل و الاعتمادية (النقطة دى تتفوق مؤقتا فقط الى ان نرى التيجو بعد 3 او 4 سنين)

من وجهة نظرى حتى لو الاتنين تساوو فى السعر فان الافضلية للتيجو :waving:

بالنسبة للسوزوكى فيتارا 1600 انا معرفش عنها معلومات كتير الاانها يابانى وال 2 باب اغلى من التيجو بحوالى الضعف او اكتر وال4 باب 2000 سي سي بحوالى 280/290 الف جنيه
بصراحة انا مجربتهاش او سمعت ليها تقييم قبل كدة فمش حقدر اقارن بينهم الا من حيث السعر و الانتشار و ده طبعا التيجو تتفوق فيهم

على فكرة انا قبل ماشترى التيجو فضلت حوالى 4 او 5 شهور بقارن بعربيات مختلفة منها الياريس و البولو سيدان و البروتون و كيا كارينز و معظم العربيات الجديدة اللى موجودة فى السوق اللى فى حدود المبلغ اللى معايا فروحت شوفتهم و جربت كتير منهم
الى ان استقريت الحمد لله على التيجو

رد: اسبرانزا تيجو - مميزات و عيوب

هو اولا في رايي التيريوس تتفوق من كل الجهات ماعاد الوسع
ثانيا انا مش عارف السوزوكي دي بسلو بتتكلم عن 280 الف يبقا الاولي تحط نيسان x تريل
و انا قلت في الاول هي سياره مدينه مش 4*4 يعني نقارنها بالسيارات الي من نفس سعرها مش من نفس فئتها
اما عن المركات و كدا سوري يا مان بس انا فعلا متعصب للمركات و زي ما الناس بتتعصب للفرق الكوره بتعتها انا بتعصب لمركات السيارات سواء بحبها او لا بس في الاخر بحترمها

رد: اسبرانزا تيجو - مميزات و عيوب

اقتباس:

المشاركة الأصلية كتبت بواسطة medo akef (المشاركة 121869)

هو اولا في رايي التيريوس تتفوق من كل الجهات ماعاد الوسع

ثانيا انا مش عارف السوزوكي دي بسلو بتتكلم عن 280 الف يبقا الاولي تحط نيسان x تريل
و انا قلت في الاول هي سياره مدينه مش 4*4 يعني نقارنها بالسيارات الي من نفس سعرها مش من نفس فئتها
اما عن المركات و كدا سوري يا مان بس انا فعلا متعصب للمركات و زي ما الناس بتتعصب للفرق الكوره بتعتها انا بتعصب لمركات السيارات سواء بحبها او لا بس في الاخر بحترمها

يعنى بعد كل الاشياء اللى ذكرتها لتفوق التيجو الواضح عن التيريوس و بمراحل كمان (مع توضيح اسباب و نقاط التفوق لصالح التيجو وانت كمان ذكرت نقطة جديدة وهى الوسع:HAPPY_~211:) جاى برده بتقول ان التيريوس تتفوق من غير حتى اى دليل !!!!!!!!!!!!!!!!!!!!!!!!! !!!!!!! ptmnlo123per1106
طيب لو انت شايف كدة و انك متعصب لانواع معينة فانت حر يبقى خليك فى الانواع دى و سيبك بقى من اى انواع تانية
و بلاش تتعب نفسك و تجادل و خلاص لانه فى الاخر مش حيؤدى الى اى نتيجة

بس انت اللى طلبت عمل المقارنة