برجاء الافادة ينفع اسقط موتور كورولا 1300 VVT-i فى كورولا عيون
 

السلام عليكم

عندى استفسار بسييط يا جماعة هو ينفع اسقط موتور كورولا 1300 انجكشن VVT-i زى اللى موجود فى موديل 2007 فى تويوتا كورولا رموش اللى هى نفس الحوض بتاع العيون فرق بس فى الفوانيس الامامية الموتور الحالى فيها 1300 كربراتير وياترى لو ينفع حد عنده فكره عن سعر الموتور ال 1300 VVT-i ده كام وايه الحاجات اللى هتحتاج تتغير ؟؟

تحياتى

رد: برجاء الافادة ينفع اسقط موتور كورولا 1300 VVT-i فى كورولا عيون
 

لا مش هينفع ياباشا لان القواعد بتاعت الموتور فى العيون مختلفه لو تعمل كده هتلعب فى العربيه وبلاش احسن
وعلى فكره العربيه العيون الرموش بره فى اميركا وبعض المناطق فى اروبا بينزل فيها الموتور vvti بس للاسف مش موجود فى مصر
لو انتا عاوز تسقط موتور للعربيه ممكن 1600 جميل جدا ده 115 حصان
فى واحد تانى 1600 بس ياريس اوعه وشك ده 170 حصان بس ده نادر شويه

رد: برجاء الافادة ينفع اسقط موتور كورولا 1300 VVT-i فى كورولا عيون
 

يا نهااار 170 جصان :O لا ياريس مش للدرجادى ده منظرة بس كفاية ممكن يفسخ العربية :fun_broken:

الف مليوووووون شكر على الافاده ولو الواحد حب يسقط حاجه من دول تفضل ايه فيهم والواحد يعرف يجيبهم منين والواحد هيختار يغير ايه لان الموتور الحالى اللى فى العربية كربراتير

تحياتى ;)

رد: برجاء الافادة ينفع اسقط موتور كورولا 1300 VVT-i فى كورولا عيون
 

بص ياباشا الموتورالاول الافضل هو 1600 لان قطع غياره موجوده كتير وجميل جدا انا معايا كورولا 1500 اتوماتيك الموتور جبارفى كل حاجه بالنسبه للتغير الى يحصل فى العربيه الضفيره وعلى ما أظن انا الضفيره بتيجى مع الموتور بالنسبه لللاماكن الى ممكن تلاقى الموتور فيها فى الحرافيين او فى شركه فى المنطقه الحره القاهره اسمها فوجى الى جنب شركه بيبسى شركه ده بتجيب سيارات معاقين كورولا بس الشركه ده بتجيب مواتير نظيفه جدا بس دلوقتى مافيش حاليا عشان الى حصل فى اليابان بس الموجود عندهم دلوقتى المو تور التانى 1600 170 حصان بش معلش مش 170 حصان طلع 165 حصان لو عاوز تشوف بعنيك انا كنت عامل موضوع عن مواتير كورولا الموتورhttp://masrmotors.com/vb/showthread.php?t=54344 الموتور 165 حصان عامل 6500 جنيه معاه كل حاجه الضفيره والفتيس اتوماتيك بس ياباشا انا ركبت عربيه كان راكب فيه الموتور ده وكان بيشد مع bmw بس كانت قديمه اتنفخ كنت حاسس انى راكب صاروخ وكانت العربيه اوتوماتيك بس الاحسن خليك فى الاول احسن وموجود مصر كتير

رد: برجاء الافادة ينفع اسقط موتور كورولا 1300 VVT-i فى كورولا عيون
 

الماتور ال 1600 دا جبار و ممتاز و بينزل في بعض العربيات الكورولا 95 و ال98 العيون
متقلش منو ع العفشة