قسم خاص لمالكى الرينو 9
 

ياريت ياجماعة اى حد امتلك رينو 9 وواجه مشكلة فيها وحلها ممكن يعرض الموضوع بتاعه فى هذا القسم الخاص بحيث نقدر نستفاد من خبرات بعضنا بعض...خاصة انه الرينو 9 عايزة معاملة خاصة من حيث الصنيعاية واماكن شراء قطع الغيار وخلافه.......
وانا من ناحيتى فى انتظار اى مشاركة اقدر افيد فيها واللى مش هقدر افيد فيها هننتظر مشاركة اى حد من الاخوة ذوى الخبرة ..والله المستعان
اخوكم/ محمد زهران

رد: قسم خاص لمالكى الرينو 9
 

انا بقالى فترة كبيرة اوى فى المنتدى ماشفتش موضوع بتكلم عن العربية دى لحد ما توقعت انها انقرضت
شكرا اخى الكريم على الموضوع المتميز دا وسعيد ان اول واحد يشارك فى الموضوع

رد: قسم خاص لمالكى الرينو 9
 

حكايتى مع الرينو 9 بدأت من 6 شهور اتعرضت عليا بسعر كويس كانت حالتها من حيث الشكل الخارجى والفرش مش كويسة بس لما اقلبت فيها لاقيت انها عربية يجيى منها ولما جيت اقارنها بالعربيات اللى زيها مثل 131 وشاهين لاقيت انها احسن بكتير من حيث السحب والشكل والكماليات ..اتكلت على الله واشتريتها.ومن هنا بدأت اعرف عيوبها ونقدر نقول انه اول عيب فيها عدم توافر قطع الغيار عند كل التجار افقيا و رأسيا ..افقيا بمعنى عدم انتشار تجار قطع الغيار فى اماكن كتيرة........رأسيا بمعنى ان كل تاجر معندوش حاجتها كلها.......
تانى عيب هو جشع التجار بتوعها وأخص بالذكر (هشام الصاوى )بتاع الوكالة.....منتهى الجشع الذى يقترب من النصب
ولذلك لو حد عايز الخلاصة اقوله العربية دى حلوة بس لو انت على نياتك فى الشراء او لو انت بعيد عن القاهرة الكبرى يبقى بلاش تجبها
فى انتظار الردود

رد: قسم خاص لمالكى الرينو 9
 

ايه ياجماعة مفيش حد فى المنتدى دا عنده رينو 9 ولا ايه؟؟؟؟؟؟؟؟؟؟ايه ياترىايه ياترى

رد: قسم خاص لمالكى الرينو 9
 

انا معايا رينو 9 موديل 1985 بسم الله ما شاء الله كويسه ف المشى ع الطريق و عايز اغيرها بس مش عارف اجيب ايه لما بركبها بحس انى صعب اركب 128 او شاهين او فيات بس المشكله ف قطع غيارها بدوخ عشان الاقيها و دلوقتى انا محتاج من حضراتكم مساعده عندى المساعدين الامامى عايز اغيرهم كاملين و دوخت ف اسكندريه ع المساعدين مش لاقى لفيت جمال عبد الناصر و الساعه كلهم مش لاقى المساعدين ياريت لو حد يعرف حد بتاع قطع غيار رينو 9 ف اسكندريه و يقولى رقم تليفونه و اسعاره كويسه ياريت يساعدنى و شكرا :)